Texts

Help

Select a text:
Bibliography
Select a chapter:
 (no revisions)
Associated topic(s): Sacrifice, yajña

Show parallels  Show headlines
Use dependency labeler
Chapter id: 12171
  • Click on a sentence to show its analysis
  • Keep the mouse pointer over a lemma to show its meanings.
atha ye purastād aṣṭāv ājyabhāgāḥ pañca prayājā dvāv āghārau dvāv ājyabhāgāv āgneya ājyabhāgānāṃ prathamaḥ saumyo dvitīyo havirbhāgānām // (1) Par.?
havir hy eva saumyam // (2) Par.?
āgneyaḥ puroḍāśaḥ // (3) Par.?
agnīṣomīyaḥ puroḍāśo 'gniḥ sviṣṭakṛd ity ete madhyataḥ pañca havirbhāgāḥ // (4) Par.?
atha ye ṣaṭ prājāpatyā iḍā ca prāśitraṃ ca yac cāgnīdhrāyāvadyati brahmabhāgo yajamānabhāgo 'nvāhārya eva ṣaṣṭhaḥ // (5) Par.?
atha ya upariṣṭād aṣṭāv ājyabhāgās trayo 'nuyājāś catvāraḥ patnīsaṃyājāḥ samiṣṭayajur aṣṭamam // (6) Par.?
atha yā gāyatrī hariṇī jyotiṣpakṣā sarvair yajñair yajamānaṃ svargaṃ lokam abhivahati vedir eva sā // (7) Par.?
tasya ye purastād aṣṭāv ājyabhāgāḥ sa dakṣiṇaḥ pakṣaḥ // (8) Par.?
atha ya upariṣṭād aṣṭāv ājyabhāgāḥ sa uttaraḥ pakṣaḥ // (9) Par.?
havīṃṣy ātmā // (10) Par.?
gārhapatyo jaghanam // (11) Par.?
āhavanīyaḥ śiraḥ // (12) Par.?
sauvarṇarājatau pakṣau // (13) Par.?
tad yad ādityaṃ purastāt paryantaṃ na paśyanti tasmād ajyotiṣka utkaro bhavati // (14) Par.?
atha yā paṅktiḥ pañcapadā saptadaśākṣarā sarvair yajñair yajamānaṃ svargaṃ lokam abhivahati yājyaiva sā // (15) Par.?
tasyā oṃ śrāvayeti caturakṣaram // (16) Par.?
astu śrauṣad iti caturakṣaram // (17) Par.?
yajeti dvyakṣaram // (18) Par.?
ye yajāmaha iti pañcākṣaram // (19) Par.?
dvyakṣaro vai vaṣaṭkāraḥ saiṣā paṅktiḥ // (20) Par.?
pañcapadā saptadaśākṣarā sarvair yajñair yajamānaṃ svargaṃ lokam abhivahati // (21) Par.?
tad yatrāsyaiśvaryaṃ syād yatra vainam abhivaheyur evaṃvidam eva tatra brahmāṇaṃ vṛṇīyān nānevaṃvidam iti brāhmaṇam // (22) Par.?
Duration=0.11290502548218 secs.