Texts

indrāyāṃhomucā ekādaśakapālaṃ nirvapet // (1) Par.?

āmayāvinaṃ yājayet // (2) Par.?

eṣā vā indrasya bheṣajā tanūr yad aṃhomuk // (3) Par.?

tam eva bhāgadheyenopāsarat // (4) Par.?

sa enam aṃhaso muñcati // (5) Par.?

indrāya trātra ekādaśakapālaṃ nirvaped yo jyānyā māraṇād aparodhād vā bibhīyāt // (6) Par.?

indro vai trātā // (7) Par.?

indro 'paroddhā // (8) Par.?

tam eva bhāgadheyenopāsarat // (9) Par.?

sa enaṃ trāyate // (10) Par.?

indrāyānvṛjavā ekādaśakapālaṃ nirvapej jyeṣṭhabandhuḥ // (11) Par.?

indriyaṃ vai jyeṣṭhabandhuḥ // (12) Par.?

indriyeṇaivainān anvṛjūn kurute // (13) Par.?

indrāya pravabhrāyaikādaśakapālaṃ nirvapet saṃgrāme // (14) Par.?

pravabhro vā indro vṛtrāya vajraṃ prāharat // (15) Par.?

pravabhra evaibhyo vajraṃ praharati // (16) Par.?

indrāya vaimṛdhāyaikādaśakapālaṃ nirvapet saṃgrāme // (17) Par.?

mṛdho vā eṣa vihanti yaḥ saṃgrāmaṃ jayati // (18) Par.?

mṛdha eva vihate // (19) Par.?

indrāyābhimātighna ekādaśakapālaṃ nirvapet saṃgrāme // (20) Par.?

abhimātīr vā eṣa hanti yaḥ saṃgrāmaṃ jayati // (21) Par.?

abhimātīr eva hate // (22) Par.?

indrāyābhimātiṣāhā ekādaśakapālaṃ nirvaped yaḥ kāmayeta // (23) Par.?

viṣaheya // (24) Par.?

abhayaṃ me syād iti // (25) Par.?

indro vai vṛtrāya vajram udayacchat // (26) Par.?

taṃ dānavā nānvamanyanta // (27) Par.?

tam etena bhāgadheyenānvamanyanta // (28) Par.?

tato vai so 'bhimātīr ahan // (29) Par.?

vṛtram ahan // (30) Par.?

vṛtraṃ khalu vā eṣa hanti yaḥ saṃgrāmaṃ jayati // (31) Par.?

tad vārtraghnam evaitat // (32) Par.?