Texts

āgneyam aṣṭākapālaṃ nirvapen maitrāvaruṇīṃ payasyām // (1) Par.?

āmayāvinaṃ yājayet // (2) Par.?

ṛddhyā evāgneyaḥ // (3) Par.?

atho asthanvantam evainaṃ kṛtvā pratiṣṭhāpayati // (4) Par.?

īśvarā vai payasyā ṛte paśor aśāntā nirmṛjaḥ // (5) Par.?

paśur apy ālabhyaḥ // (6) Par.?

śāntyā anirmārgāya // (7) Par.?

ete vai paśavo yad vrīhayaś ca yavāś ca // (8) Par.?

yad vrīhimayaḥ puroḍāśo bhavati tenaiva paśur ālabhyate // (9) Par.?

śāntyā anirmārgāya // (10) Par.?

maitrāvaruṇī brāhmaṇasya syāt // (11) Par.?

maitrāvaruṇo hi brāhmaṇo devatayā // (12) Par.?

aindravāruṇī rājanyasya syāt // (13) Par.?

aindravāruṇo hi rājanyo devatayā // (14) Par.?

āgnivāruṇī vaiśyasya syāt // (15) Par.?

agnir vai sarvā devatāḥ // (16) Par.?

atra vaiśyasyāpi devatā // (17) Par.?

āmayāvinaṃ yājayet // (18) Par.?

svām eva devatāṃ prāyaścittyā upāsarat // (19) Par.?

varuṇagṛhīto vā eṣa ya āmayāvī // (20) Par.?

varuṇād evainaṃ tena muñcati // (21) Par.?

payo vai puruṣaḥ paya etasyāmayati // (22) Par.?

payasaivāsya payo niṣkrīṇāti // (23) Par.?

yad vyūhati // (24) Par.?

vikṛtya hi śalyaṃ madhyato nirharanti // (25) Par.?

tad yakṣmaṃ vāvāsyaitan madhyato nirharanti // (26) Par.?

atha yat punaḥ samuhyāgnaye samavadyati // (27) Par.?

yathā śalyaṃ nirhṛtyoṣṇīṣeṇa veṣṭayanty evaṃ tad bhūtikāmaṃ yājayet // (28) Par.?

svām eva devatāṃ prāyaścittyā upāsarat // (29) Par.?

varuṇagṛhīto vā eṣa yo bhūtikāmaḥ // (30) Par.?

varuṇād evainaṃ tena muñcati // (31) Par.?

payo vai puruṣaḥ // (32) Par.?

paya eṣa icchati yo bhūtim icchati // (33) Par.?

payasaivāsmai payo 'varunddhe // (34) Par.?

yad vyūhati // (35) Par.?

yajñasya gopīthāya // (36) Par.?

atha yat punaḥ samūhati // (37) Par.?

bhūtyaivainaṃ samūhati // (38) Par.?

grāmakāmaṃ yājayet // (39) Par.?

svām eva devatāṃ prāyaścittyā upāsarat // (40) Par.?

varuṇagṛhīto vā eṣa yo grāmakāmaḥ // (41) Par.?

varuṇād evainaṃ tena muñcati // (42) Par.?

payo vai puruṣaḥ // (43) Par.?

paya eṣa icchati yo grāmam icchati // (44) Par.?

payasaivāsmai payo 'varunddhe // (45) Par.?

yad vyūhati // (46) Par.?

yajñasya gopīthāya // (47) Par.?

atha yat punaḥ samūhati // (48) Par.?

grāmeṇaivainaṃ samūhati // (49) Par.?

ekakapālān juhoti // (50) Par.?

atrātra vai varuṇasya pāśāḥ // (51) Par.?

tata enaṃ muñcati // (52) Par.?

yan nānā juhuyād vikarṣaḥ sa yajñasya // (53) Par.?

agnau sarve hotavyāḥ // (54) Par.?

samṛddhyai // (55) Par.?

yā vāṃ mitrāvaruṇā ojasyā tanūs tayā vāṃ vidhema // (56) Par.?

tayemam amuṃ muñcatam aṃhasaḥ // (57) Par.?

yā vāṃ mitrāvaruṇau sahasyā tanūs tayā vāṃ vidhema // (58) Par.?

tayemam amuṃ muñcatam aṃhasaḥ // (59) Par.?

yā vāṃ mitrāvaruṇau yātavyā tanūs tayā vāṃ vidhema // (60) Par.?

tayemam amuṃ muñcatam aṃhasaḥ // (61) Par.?

yā vāṃ mitrāvaruṇau rakṣasyā tanūs tayā vāṃ vidhema // (62) Par.?

tayemam amuṃ muñcatam aṃhasaḥ // (63) Par.?

yā vāṃ mitrāvaruṇā ojasyā sahasyā yātavyā rakṣasyā tanūs tayā vām avidhāma // (64) Par.?

tayemam amum amauktam aṃhasaḥ // (65) Par.?

yas te rājan varuṇa deveṣu pāśas taṃ ta etenāvayaje // (66) Par.?

tasmai te svāhā // (67) Par.?

yas te rājan varuṇānne pāśas taṃ ta etenāvayaje // (68) Par.?

tasmai te svāhā // (69) Par.?

yas te rājan varuṇa dvipātsu catuṣpātsu paśuṣu pāśas taṃ ta etenāvayaje // (70) Par.?

tasmai te svāhā // (71) Par.?

yas te rājan varuṇauṣadhīṣu vanaspatiṣv apsu pṛthivyāṃ dikṣu pāśas taṃ ta etenāvayaje // (72) Par.?

tasmai te svāhā // (73) Par.?

ete vai varuṇasya pāśāḥ // (74) Par.?

tata enaṃ muñcati // (75) Par.?