Texts

Help

Select a text:
Bibliography

Select a chapter:
(no revisions)

Associated topic(s): abhiplava

Show parallels Show headlines
Use dependency labeler

Chapter id: 13377

Click on a sentence to show its analysis
Keep the mouse pointer over a lemma to show its meanings.

ādityāś ca ha vā aṅgirasaś ca svarge loke 'spardhanta vayaṃ pūrve svar eṣyāmo vayaṃ pūrva iti // (1) Par.?

ta ādityā laghubhiḥ sāmabhiś caturbhi stomair dvābhyāṃ pṛṣṭhyābhyāṃ svargaṃ lokam abhyaplavanta // (2) Par.?

yad abhyaplavanta tasmād abhiplavaḥ // (3) Par.?

anvañca evāṅgiraso gurubhiḥ sāmabhiḥ sarvai stomaiḥ sarvaiḥ pṛṣṭhyaiḥ svargaṃ lokam abhyaspṛśanta // (4) Par.?

yad abhyaspṛśanta tasmāt spṛśyaḥ // (5) Par.?

taṃ vā etaṃ spṛśyaṃ santaṃ pṛṣṭhya ity ācakṣate parokṣeṇa // (6) Par.?

parokṣapriyā iva hi devā bhavanti pratyakṣadviṣaḥ // (7) Par.?

abhiplavāt pṛṣṭhyo nirmitaḥ // (8) Par.?

pṛṣṭhyād abhijit // (9) Par.?

abhijitaḥ svarasāmānaḥ // (10) Par.?

svarasāmabhyo viṣuvān // (11) Par.?

viṣuvataḥ svarasāmānaḥ // (12) Par.?

svarasāmabhyo viśvajit // (13) Par.?

viśvajitaḥ pṛṣṭhyābhiplavau // (14) Par.?

pṛṣṭhyābhiplavābhyāṃ gavāyuṣī // (15) Par.?

gavāyurbhyāṃ daśarātraḥ // (16) Par.?

tāni ha vā etāni yajñāraṇyāni yajñakṛntatrāṇi // (17) Par.?

teṣāṃ śataṃ śataṃ rathānānyantaraṃ tad yathāraṇyāny ārūḍhā aśanāpipāse te pāpmānaṃ tṛṃhatī pariplavete // (18) Par.?

evaṃ haivaite praplavante ye 'vidvāṃsa upayanti // (19) Par.?

atha ye vidvāṃsa upayanti tad yathā pravāhāt pravāhaṃ sthalāt sthalaṃ samāt samaṃ sukhāt sukham abhayād abhayam upasaṃkrāmantīty evaṃ haivaite saṃvatsarasyodṛcaṃ samaśnavāmahā iti brāhmaṇam // (20) Par.?

Duration=0.090445995330811 secs.