Texts

Help

Select a text:
Bibliography
Select a chapter:
 (no revisions)
Associated topic(s): upasad

Show parallels  Show headlines
Use dependency labeler
Chapter id: 13608
  • Click on a sentence to show its analysis
  • Keep the mouse pointer over a lemma to show its meanings.
na dvādaśāgniṣṭomasyopasadaḥ syuḥ // (1) Par.?
aśāntā nirmṛjyur na tisro 'hīnasya // (2) Par.?
upariṣṭād yajñakratur garīyān abhiṣīded yathā gurur bhāro grīvā niḥśṛṇīyād ārtim ārchet // (3) Par.?
dvādaśāhīnasya kuryāt // (4) Par.?
pratyuttabdhyai sayatvāya // (5) Par.?
tisro 'gniṣṭomasyopasadaḥ syuḥ śāntyā anirmārgāya // (6) Par.?
te devā asuryān imāṃllokān nānvavaitum adhṛṣṇuvan // (7) Par.?
tān agninā mukhenānvavāyan // (8) Par.?
yad agnim anty upasadāṃ pratīkāni bhavanti yathā kṣetrapatiḥ kṣetre 'nvavanayaty evam evaitad agninā mukhenemāṃllokān abhinayanto yanti // (9) Par.?
yo ha vai devān sādhyān veda sidhyaty asmai // (10) Par.?
ime vāva lokā yat sādhyā devāḥ // (11) Par.?
sa ya evam etānt sādhyān veda sidhyaty asmai // (12) Par.?
sidhyaty amuṣmai sidhyaty asmai lokāya ya evaṃ vidvān upasadam upaiti // (13) Par.?
Duration=0.064349889755249 secs.