Texts

Help

Select a text:
Bibliography
Select a chapter:
 (no revisions)
Associated topic(s): stomabhāga

Show parallels  Show headlines
Use dependency labeler
Chapter id: 13642
  • Click on a sentence to show its analysis
  • Keep the mouse pointer over a lemma to show its meanings.
ṛṣayo vā indraṃ pratyakṣaṃ nāpaśyan // (1) Par.?
taṃ vasiṣṭha eva pratyakṣam apaśyat // (2) Par.?
so 'bibhed itarebhya ṛṣibhyo mā pravocad iti // (3) Par.?
so 'bravīd brāhmaṇaṃ te vakṣyāmi yathā tvatpurohitāḥ prajāḥ prajaniṣyante // (4) Par.?
athetarebhya ṛṣibhyo mā pravoca iti // (5) Par.?
tasmā etān stomabhāgān uvāca // (6) Par.?
tato vasiṣṭhapurohitāḥ prajāḥ prājāyanta // (7) Par.?
stomo vā eteṣāṃ bhāgaḥ // (8) Par.?
tat stomabhāgānāṃ stomabhāgatvam // (9) Par.?
raśmir asi kṣayāya tveti // (10) Par.?
kṣayo vai devāḥ // (11) Par.?
devebhya eva yajñaṃ prāha // (12) Par.?
pretir asi dharmaṇe tveti // (13) Par.?
dharmo manuṣyāḥ // (14) Par.?
manuṣyebhya eva yajñaṃ prāha // (15) Par.?
anvitir asi saṃdhir asi pratidhir asīti // (16) Par.?
trayo vai lokāḥ // (17) Par.?
lokeṣv eva yajñaṃ pratiṣṭhāpayati // (18) Par.?
viṣṭambho 'sīti // (19) Par.?
vṛṣṭim evāvarunddhe // (20) Par.?
prāvo 'sy ahnāṃsīti mithunam eva karoti // (21) Par.?
uśig asi praketo 'si suditir asīti // (22) Par.?
aṣṭau vasava ekādaśa rudrā dvādaśādityā vāg dvātriṃśī svaras trayastriṃśas trayastriṃśad devāḥ // (23) Par.?
devebhya eva yajñaṃ prāha // (24) Par.?
ojo 'si pitṛbhyas tveti // (25) Par.?
balam eva tat pitṝn anusaṃtanoti // (26) Par.?
tantur asi prajābhyas tveti // (27) Par.?
prajā eva paśūn anusaṃtanoti // (28) Par.?
revad asy oṣadhībhyas tveti // (29) Par.?
oṣadhīṣv eva yajñaṃ pratiṣṭhāpayati // (30) Par.?
pṛtanāṣāḍ asi paśubhyas tveti // (31) Par.?
prajā eva paśūn anusaṃtanoti // (32) Par.?
abhijid asīti // (33) Par.?
vajro vai ṣoḍaśī // (34) Par.?
vyāvṛtto 'sau vajraḥ // (35) Par.?
tasmād eṣo 'nyair vyāvṛttaḥ // (36) Par.?
nābhur asīti // (37) Par.?
prajāpatir vai saptadaśaḥ // (38) Par.?
prajāpatim evāvarunddhe // (39) Par.?
Duration=0.13361001014709 secs.