Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 14015
  • Click on a sentence to show its analysis
  • Keep the mouse pointer over a lemma to show its meanings.
kṣatrasya yonir asi // (1) Par.?
kṣatrasyolbam asi // (2) Par.?
kṣatrasya nābhir asi // (3) Par.?
āvitto agnir gṛhapatiḥ // (4) Par.?
āvittā indro vṛddhaśravāḥ // (5) Par.?
āvittau mitrāvaruṇau dhṛtavratau // (6) Par.?
āvitte dyāvāpṛthivī ṛtāvṛdhau // (7) Par.?
āvittaḥ pūṣā viśvavedāḥ // (8) Par.?
āvittā devy aditiḥ // (9) Par.?
āvitto 'yam asā āmuṣyāyaṇo 'muṣyāḥ putro 'muṣyāṃ viśi mahate kṣatrāya mahate jānarājyāya // (10) Par.?
eṣa te janate rājā // (11) Par.?
somo 'smākaṃ brāhmaṇānāṃ rājā // (12) Par.?
indrasya vajro 'si vārtraghnaḥ // (13) Par.?
tvayāyaṃ vṛtraṃ vadhyāt // (14) Par.?
śatrubādhanāḥ stha // (15) Par.?
pāta prāñcam // (16) Par.?
pāta pratyañcam // (17) Par.?
pāta tiryañcam // (18) Par.?
pātānvañcam // (19) Par.?
pātordhvam // (20) Par.?
digbhya enaṃ pāta // (21) Par.?
mitro 'si // (22) Par.?
varuṇo 'si // (23) Par.?
hiraṇyavarṇam uṣaso vyuṣṭā ayaḥsthūṇam uditau sūryasya // (24) Par.?
ārohatho varuṇa mitra gartaṃ tataś cakrāthe aditiṃ ditiṃ ca // (25) Par.?
Duration=0.15259909629822 secs.