Texts

Help

Select a text:
Bibliography
Select a chapter:
 (no revisions)
Associated topic(s): āgnīdhra priest

Show parallels  Show headlines
Use dependency labeler
Chapter id: 13661
  • Click on a sentence to show its analysis
  • Keep the mouse pointer over a lemma to show its meanings.
devā yajñaṃ parājayanta // (1) Par.?
tam āgnīdhrāt punar upājayanta // (2) Par.?
tad etad yajñasyāparājitaṃ yad āgnīdhram // (3) Par.?
yad āgnīdhrāddhiṣṇyān viharati tata evainaṃ punas tanute // (4) Par.?
parājityai // (5) Par.?
apa khalu vā ete gacchanti ye bahiṣpavamānaṃ sarpanti // (6) Par.?
bahiṣpavamāne stuta āha // (7) Par.?
agnīd agnīn vihara barhi stṛṇīhi puroḍāśān alaṃkurv iti // (8) Par.?
yajñam evāparājitya punas tanvānā āyanti // (9) Par.?
aṅgārair dve savane viharati śalākābhis tṛtīyasavanaṃ saśukratvāya // (10) Par.?
atho saṃbhavaty evam evaitat // (11) Par.?
dakṣiṇato vai devānāṃ yajñaṃ rakṣāṃsy ajighāṃsan // (12) Par.?
tāny āgnīdhreṇāpāghnata // (13) Par.?
tasmād dakṣiṇāmukhas tiṣṭhann agnīt pratyāśrāvayati // (14) Par.?
yajñasyābhijityai rakṣasām apahatyai rakṣasām apahatyai // (15) Par.?
Duration=0.062503099441528 secs.