Texts

Help

Select a text:
Bibliography
Select a chapter:
 (no revisions)
Associated topic(s): vaṣaṭ, vaṣaṭkāra

Show parallels  Show headlines
Use dependency labeler
Chapter id: 13728
  • Click on a sentence to show its analysis
  • Keep the mouse pointer over a lemma to show its meanings.
trayo vai vaṣaṭkārāḥ // (1) Par.?
vajro dhāmacchad riktaḥ // (2) Par.?
sa yad evoccair balaṃ vaṣaṭkaroti sa vajraḥ // (3) Par.?
taṃ taṃ praharati dviṣate bhrātṛvyāya vadhaṃ yo 'sya stṛtyas tasmai starītave // (4) Par.?
tasmāt sa bhrātṛvyavatā vaṣaṭkṛtyaḥ // (5) Par.?
atha yaḥ samaḥ saṃtato nirhāṇacchatsva dhāmacchat // (6) Par.?
taṃ taṃ prajāś ca paśavaś cānūpatiṣṭhante // (7) Par.?
tasmāt sa prajākāmena paśukāmena vaṣaṭkṛtyaḥ // (8) Par.?
atha yenaiva ṣaḍ aparādhnoti sa riktaḥ // (9) Par.?
riṇakty ātmānaṃ riṇakti yajamānam // (10) Par.?
pāpīyān vaṣaṭkartā bhavati pāpīyān yasmai vaṣaṭkaroti // (11) Par.?
tasmāt tasyāśāṃ neyāt // (12) Par.?
kiṃ svit sa yajamānasya pāpabhadram ādriyeteti ha smāha yo 'sya vaṣaṭkartā bhavati // (13) Par.?
atraivainaṃ yathā kāmayeta tathā kuryāt // (14) Par.?
yaṃ kāmayeta yathaivānījāno 'bhūt tathaivejānaḥ syād iti yathaivāsyarcaṃ brūyāt tathaivāsya vaṣaṭkuryāt // (15) Par.?
samānam evainaṃ tat karoti // (16) Par.?
yaṃ kāmayeta pāpīyān syād ity uccaistarām asyarcaṃ brūyān nīcaistarāṃ vaṣaṭkuryāt // (17) Par.?
pāpīyāṃsam evainaṃ tat karoti // (18) Par.?
yaṃ kāmayeta śreyān syād iti nīcaistarām asyarcaṃ brūyād uccaistarāṃ vaṣaṭkuryāt // (19) Par.?
śreyāṃsam evainaṃ tat karoti // (20) Par.?
śriya evainaṃ tacchriyam ādadhāti // (21) Par.?
Duration=0.046657800674438 secs.