Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): darśapūrṇamāsa iṣṭi, full-moon sacrifice
Show parallels Show headlines
Use dependency labeler
Chapter id: 12764
- Click on a sentence to show its analysis
- Keep the mouse pointer over a lemma to show its meanings.
atha jaghanena vedyai tiṣṭhan sphyam ādatte devasya tvā savituḥ prasave 'śvinor bāhubhyāṃ pūṣṇo hastābhyām ādada iti // (1) Par.?
ādāyābhimantrayata indrasya bāhur asi dakṣiṇaḥ sahasrabhṛṣṭiḥ śatatejā iti // (2) Par.?
athainaṃ barhiṣā saṃśyati vāyur asi tigmatejāḥ śatabhṛṣṭir asi vānaspatyo dviṣato vadha iti // (3) Par.?
athāntarvedy udīcīnāgraṃ barhir nidadhāti pṛthivyai varmāsi varma yajamānāya bhaveti // (4) Par.?
tasmin sphyena praharati pṛthivi devayajany oṣadhyās te mūlaṃ mā hiṃsiṣam iti // (5) Par.?
apahato 'raruḥ pṛthivyā ity ādatte // (6) Par.?
vrajaṃ gaccha gosthānam iti harati // (7) Par.?
vediṃ pratyavekṣate varṣatu te dyaur iti // (8) Par.?
hṛtvotkare nivapati badhāna deva savitaḥ paramasyāṃ parāvati śatena pāśair yo 'smān dveṣṭi yaṃ ca vayaṃ dviṣmas tam ato mā maug iti // (9) Par.?
dvitīyaṃ praharati pṛthivi devayajany oṣadhyās te mūlaṃ mā hiṃsiṣam iti // (10) Par.?
apahato 'raruḥ pṛthivyai devayajanyā ity ādatte // (11) Par.?
vrajaṃ gaccha gosthānam iti harati // (12) Par.?
vediṃ pratyavekṣate varṣatu te dyaur iti // (13) Par.?
hṛtvotkare nivapati badhāna deva savitaḥ paramasyāṃ parāvati śatena pāśair yo 'smān dveṣṭi yaṃ ca vayaṃ dviṣmas tam ato mā maug iti // (14) Par.?
tṛtīyaṃ praharati pṛthivi devayajany oṣadhyās te mūlaṃ mā hiṃsiṣam iti // (15) Par.?
apahato 'raruḥ pṛthivyā adevayajana ity ādatte // (16) Par.?
vrajaṃ gaccha gosthānam iti harati // (17) Par.?
vediṃ pratyavekṣate varṣatu te dyaur iti // (18) Par.?
hṛtvotkare nivapati badhāna deva savitaḥ paramasyāṃ parāvati śatena pāśair yo 'smān dveṣṭi yaṃ ca vayaṃ dviṣmas tam ato mā maug ararus te divaṃ mā skān ity atrānuvartayati // (19) Par.?
tūṣṇīṃ caturthaṃ harati saha barhiṣā // (20) Par.?
atha pūrvaṃ parigrāhaṃ parigṛhṇāti vasavas tvā parigṛhṇantu gāyatreṇa chandaseti dakṣiṇato rudrās tvā parigṛhṇantu traiṣṭubhena chandaseti paścād ādityās tvā parigṛhṇantu jāgatena chandasety uttarataḥ // (21) Par.?
atha karaṇaṃ japatīmāṃ narāḥ kṛṇuta vedim etya vasumatīṃ rudravatīm ādityavatīm divo nābhā pṛthivyā yathāyaṃ yajamāno na riṣyed iti // (22) Par.?
atha prācīṃ sphyena vedim uddhanti devasya savituḥ save karma kṛṇvanti vedhasa iti // (23) Par.?
athāgnīdhram āhāgnīd itas trir hareti // (24) Par.?
tatas trir āgnīdhro harati // (25) Par.?
yad āgnīdhras trir haraty atha saṃpraiṣam āha brahmann uttaraṃ parigrāhaṃ parigrahīṣyāmīti // (26) Par.?
prasūta uttaraṃ parigrāhaṃ parigṛhṇāty ṛtam asīti dakṣiṇata ṛtasadanam asīti paścād ṛtaśrīr asīty uttarataḥ // (27) Par.?
atha pratīcīṃ sphyena vediṃ yoyupyate dhā asi svadhā asi urvī cāsi vasvī cāsi purā krūrasya visṛpo virapśin udādāya pṛthivīṃ jīradānur yām airayañcandramasi svadhābhis tāṃ dhīrāso anudṛśya yajanta iti // (28) Par.?
athāntarvedi tiryañcaṃ sphyaṃ stabdhvā saṃpraiṣam āha prokṣaṇīr āsādayedhmābarhir upasādaya sruvaṃ ca srucaś ca saṃmṛḍḍhi patnīṃ saṃnahya ājyenodehīti // (29) Par.?
āharanty etāḥ prokṣaṇīr abhipūrya // (30) Par.?
dakṣiṇenādhvaryus tā sphya upaninīya sphyasya vartman sādayati // (31) Par.?
athotkare sphyaṃ nihanti yo mā hṛdā manasā yaś ca vācā yo brahmaṇā karmaṇā dveṣṭi devā yaḥ śrutena hṛdayeneṣṇatā ca tasyendravajreṇa śiraś chinadmīti // (32) Par.?
hastau prakṣālya sphyaṃ ca prakṣālayati // (33) Par.?
upasādayanty etad idhmābarhir dakṣiṇam idhmam uttaraṃ barhiḥ // (34) Par.?
Duration=0.11428689956665 secs.