Texts

agner manve prathamasyāmṛtānāṃ yaṃ pāñcajanyaṃ bahavaḥ samindhate / (1.1) Par.?

viśvasyāṃ viśi praviviśivāṃsam īmahe sa no muñcatv aṃhasaḥ // (1.2) Par.?

yasyedaṃ prāṇan nimiṣad yad ejati yasya jātaṃ janamānaṃ ca kevalam / (2.1) Par.?

staumy agniṃ nāthito johavīmi sa no muñcatv aṃhasaḥ // (2.2) Par.?

indrasya manve prathamasya pracetaso vṛtraghnaḥ stomā upa mām upāguḥ / (3.1) Par.?

yo dāśuṣaḥ sukṛto havam upa gantā sa no muñcatv aṃhasaḥ // (3.2) Par.?

yaḥ saṃgrāmaṃ nayati saṃ vaśī yudhe yaḥ puṣṭāni saṃsṛjati trayāṇi / (4.1) Par.?

staumīndraṃ nāthito johavīmi sa no muñcatv aṃhasaḥ // (4.2) Par.?

manve vāṃ mitrāvaruṇā tasya vittaṃ satyaujasā durhṛṇā yaṃ nudethe / (5.1) Par.?

yā rājānā sarathaṃ yāta ugrā tā no muñcatam āgasaḥ // (5.2) Par.?

yo vāṃ ratha ṛjuraśmiḥ satyadharmā mithucarantam upayāti dūṣayan / (6.1) Par.?

staumi mitrāvaruṇau nāthito johavīmi tā no muñcatamāgasaḥ // (6.2) Par.?

vāyoḥ savitur vidathāni manmahe yā ātmanvad bibhṛto yau ca rakṣataḥ / (7.1) Par.?

yau viśvasya paribhū babhūvathus tā no muñcatam āgasaḥ // (7.2) Par.?

upa śreṣṭhā na āśiro devayor dharmā asthiran / (8.1) Par.?

staumi vāyuṃ savitāraṃ nāthito johavīmi tā no muñcatam āgasaḥ // (8.2) Par.?

rathītamau rathīnām ahva ūtaye śubhaṃ gamiṣṭhau suyamebhir aśvaiḥ / (9.1) Par.?

yayor vāṃ devau deveṣv aniṣitam ojas tā no muñcatam āgasaḥ // (9.2) Par.?

yad ayātaṃ vahatuṃ sūryāyās tricakreṇa saṃsadam icchamānau / (10.1) Par.?

staumi devā aśvinau nāthito johavīmi tā no muñcatam āgasaḥ // (10.2) Par.?

marutāṃ manve adhi no bruvantu premāṃ vācaṃ viśvām avantu viśve / (11.1) Par.?

āśūn huve suyamān ūtaye te no muñcantv enasaḥ // (11.2) Par.?

tigmam āyudhaṃ vīḍitaṃ sahasvad divyaṃ śardhaḥ pṛtanāsu jiṣṇu / (12.1) Par.?

staumi devān maruto nāthito johavīmi te no muñcantv enasaḥ // (12.2) Par.?

devānāṃ manve adhi no bruvantu premāṃ vācaṃ viśvām avantu viśve / (13.1) Par.?

āśūn huve suyamān ūtaye te no muñcantv enasaḥ // (13.2) Par.?

yad idaṃ mābhiśocati pauruṣeyeṇa daivyena / (14.1) Par.?

staumi viśvān devān nāthito johavīmi te no muñcantv enasaḥ // (14.2) Par.?

anv adya no anumatiḥ / (15.1) Par.?

anv id anumate tvam / (15.2) Par.?

vaiśvānaro na ūtyā / (15.3) Par.?

tvam agne śociṣā śośucānā ā rodasī apṛṇā jāyamānaḥ / (15.4) Par.?

tvaṃ devaṃ abhiśaster amuñco vaiśvānara jātavedo mahitvā // (15.5) Par.?

urvī rodasī varivas kṛṇotaṃ kṣetrasya patnī adhi no bruvāthaḥ / (16.1) Par.?

staumi dyāvāpṛthivī nāthito johavīmi te no muñcatam aṃhasaḥ // (16.2) Par.?

ye aprathetām amitebhir ojobhir ye pratiṣṭhe abhavatāṃ vasūnām / (17.1) Par.?

staumi dyāvāpṛthivī nāthito johavīmi te no muñcatam aṃhasaḥ // (17.2) Par.?

yac ciddhi te puruṣatrā yaviṣṭhācittibhiś cakṛmā kaccid āgaḥ / (18.1) Par.?

kṛdhī ṣv asmaṃ aditer anāgān enāṃsi śiśratho viṣvag agne // (18.2) Par.?

yathā ha tyad vasavo gauryaṃ cit padi ṣitām amuñcatā yajatrāḥ / (19.1) Par.?

evo ṣv asman muñcatā vy aṃhaḥ pratāry agne prataraṃ nā āyuḥ // (19.2) Par.?