Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 14141
  • Click on a sentence to show its analysis
  • Keep the mouse pointer over a lemma to show its meanings.
gāyatrīṃ lomabhiḥ praviśāmi / (1.1) Par.?
triṣṭubhaṃ tvacā praviśāmi / (1.2) Par.?
jagatīṃ māṃsena praviśāmi / (1.3) Par.?
anuṣṭubham asthnā praviśāmi / (1.4) Par.?
paṅktiṃ majjñā praviśāmi / (1.5) Par.?
aindrāgnaṃ varma bahulaṃ yad ugraṃ viśve devā nātividhyanti sūrāḥ / (1.6) Par.?
tan nas trāyatāṃ tan no viśvato mahad āyuṣmanto jarām upagacchema devā iti vimitam agnim ākramante // (1.7) Par.?
lāṅgalaṃ pavīravam iti dvābhyāṃ kṛṣati // (2.1) Par.?
kīnāśā balīvardān ajanti // (3.1) Par.?
pucchācchiro 'dhi kṛṣati // (4.1) Par.?
kāmaṃ kāmadugho dhukṣveti pradakṣiṇamāvartayaṃstisrastisraḥ sītāḥ saṃhitāḥ kṛṣati // (5.1) Par.?
madhye saṃbhinnā bhavanti // (6.1) Par.?
dakṣiṇāt pakṣād uttaram / (7.1) Par.?
uttarasmād dakṣiṇam / (7.2) Par.?
dakṣiṇāyai śroṇer uttaram aṃsam / (7.3) Par.?
uttarāyai dakṣiṇam / (7.4) Par.?
etad vā viparītam // (7.5) Par.?
vimucyadhvam aghniyā devayānā atāriṣma tamasas pāram asya / (8.1) Par.?
jyotir āpāma suvar aganmeti dakṣiṇe 'ṃsa uttare vā balīvardān vimucya tān udīcaḥ prāco votsṛjyādhvaryave dadāti // (8.2) Par.?
caturaśram asaṃbhinnaṃ ṣoḍaśasītaṃ vājasaneyinaḥ samāmananti // (9.1) Par.?
pañcadaśodapātrān ninayati / (10.1) Par.?
dvādaśa kṛṣṭe trīn akṛṣṭe // (10.2) Par.?
yā jātā oṣadhaya iti caturdaśabhir oṣadhīr vapati // (11.1) Par.?
anusītam ity uktam // (12.1) Par.?
tilamāṣā vrīhiyavāḥ priyaṅgvaṇavo godhūmā veṇuśyāmākanīvārā jartilaś ca gavīdhukā āraṇyajā markaṭakā vijñeyāḥ // (13.1) Par.?
gārmutasaptamāḥ kulatthasaptamā vā sapta grāmyāḥ kṛṣṭe / (14.1) Par.?
saptāraṇyā akṛṣṭe // (14.2) Par.?
Duration=0.089648962020874 secs.