Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): animal sacrifice, paśubandha, paśupuroḍāśa
Show parallels Show headlines
Use dependency labeler
Chapter id: 13845
- Click on a sentence to show its analysis
- Keep the mouse pointer over a lemma to show its meanings.
saṃpraiṣa
atha saṃpraiṣam āha agnīt paśupuroḍāśaṃ nirvapa pratiprasthātaḥ paśuṃ viśādhīti // (1) Par.?
nirvapaty eṣa āgnīdhra aindrāgnam ekādaśakapālam // (2) Par.?
atha pratiprasthātā paśuṃ viśāsti śamitar hṛdayaṃ jihvāṃ vakṣas tāni sārdhaṃ kurutāt tanima matasnau tāni sārdhaṃ savyaṃ dor ekacaraṃ kurutāt nānā pārśve avadhattāt dakṣiṇāṃ śroṇim adhyuddhiṃ kurutāt dakṣiṇaṃ doḥ savyāṃ śroṇim aṇimad gudasya tāni tryaṅgāni kurutāt vaniṣṭhuṃ ca jāghanīṃ cāvadhattāt bahu yūḥ kurutāt triḥ paśuṃ pracyāvayatāt triḥ pracyutasya paśor hṛdayam uttamaṃ kurutāt iti // (3) Par.?
paśupuroḍāśa
śṛte paśau paśupuroḍāśaṃ yācati // (4) Par.?
tam upastīrṇābhighāritam udvāsyāntarvedy āsādayati // (5) Par.?
atha juhūpabhṛtor upastṛṇāna āha indrāgnibhyāṃ puroḍāśasyāvadīyamānasyānubrūhīti // (6) Par.?
pūrvārdhād avadāyāparārdhād avadyati // (7) Par.?
abhighārayati // (8) Par.?
pratyanakti // (9) Par.?
athopabhṛti sviṣṭakṛte sakṛd uttarārdhād avadyati // (10) Par.?
dvir abhighārayati // (11) Par.?
na pratyanakti // (12) Par.?
atyākramyāśrāvyāha indrāgnibhyāṃ puroḍāśaṃ prasthitaṃ preṣya iti // (13) Par.?
vaṣaṭkṛte juhoti // (14) Par.?
atha samāvapamāna āha agnaye 'nubrūhīti // (15) Par.?
āśrāvyāha agnaye preṣya iti // (16) Par.?
vaṣaṭkṛta uttarārdhapūrvārdhe 'tihāya pūrvā āhutīr juhoti // (17) Par.?
cutting off the iḍā
athodaṅṅ atyākramya yathāyatanaṃ srucau sādayitvā prāśitram avadāyeḍām avadyati // (18) Par.?
upahūtāyām iḍāyām agnīdha ādadhāti ṣaḍavattam // (19) Par.?
prāśnanti // (20) Par.?
mārjayante // (21) Par.?
atha saṃpraiṣam āha agnīd uttarabarhir upasādaya pratiprasthātaḥ paśau saṃvadasva iti // (22) Par.?
athaiṣa āgnīdhraḥ plakṣaśākhāyām iḍasūnam upagūhati // (23) Par.?
tad uttarabarhir bhavati // (24) Par.?
atha pratiprasthātā pṛṣadājyaṃ vihatya juhvāṃ samānīyāntareṇa cātvālotkarāv udaṅṅ upaniṣkramya pṛcchati śṛtaṃ havī3ḥ śamitar iti // (25) Par.?
śamitaiṣa uttarato hṛdayaśūlaṃ dhārayaṃs tiṣṭhati // (26) Par.?
sa śṛtam iti pratyāha // (27) Par.?
taṃ tathaiva dvitīyam utkramya pṛcchati // (28) Par.?
taṃ tathaivetaraḥ pratyāha // (29) Par.?
taṃ tathaiva tṛtīyam utkramya pṛcchati // (30) Par.?
taṃ tathaivetaraḥ pratyāha // (31) Par.?
atha śamitur hṛdayaśūlam ādāya tena hṛdayam upatṛdya taṃ śamitre sampradāya pṛṣadājyena hṛdayam abhighārayati saṃ te manasā manaḥ saṃ prāṇena prāṇo juṣṭaṃ devebhyo havyaṃ ghṛtavat svāheti // (32) Par.?
viyūḥ kṛtvā harata ity uktvaitenaiva yathetam etya catasṛṣūpastṛṇīte juhūpabhṛtor iḍādhāne yasmiṃś ca vasāhomaṃ grahīṣyan bhavati // (33) Par.?
āharanti taṃ paśum antareṇa cātvālotkarāv antareṇa yūpaṃ cāhavanīyaṃ copātihṛtya taṃ dakṣiṇataḥ pañcahotrāsādayati // (34) Par.?
etenaiva yūr āharanti // (35) Par.?
etenaiveḍasūnam // (36) Par.?
atha plakṣaśākhāyāṃ hṛdayaṃ nidhāya svadhitinā tasyāgre 'vadyann āha // (37) Par.?
Duration=0.064702987670898 secs.