Texts

Help

Select a text:
Bibliography

Select a chapter:
(no revisions)

Associated topic(s): animal sacrifice, paśubandha, avadāna, vasāhoma

Show parallels Show headlines
Use dependency labeler

Chapter id: 13857

Click on a sentence to show its analysis
Keep the mouse pointer over a lemma to show its meanings.

manotāyai haviṣo 'vadīyamānasyānubrūhīti // (1) Par.?

hṛdayasyaivāgre dvir avadyati // (2) Par.?

atha jihvāyā atha vakṣaso 'tha tanimno 'tha vṛkyayor atha savyasya doṣṇo 'tha dakṣiṇasya pārśvasyātha savyasyātha dakṣiṇāyai śroṇer adhyuddhyai // (3) Par.?

traidhaṃ gudaṃ kṛtvāṇimat sviṣṭakṛte nidadhāti sthavimad upayaḍbhyo madhyaṃ dvaidhaṃ kṛtvā juhvām avadadhāti // (4) Par.?

atha vṛkyamedo yūṣann avadhāya tena juhūṃ prorṇoti // (5) Par.?

yūṣṇopasiñcati // (6) Par.?

abhighārayati // (7) Par.?

athopabhṛti sviṣṭakṛte sarveṣāṃ tryaṅgāṇāṃ sakṛtsakṛt samavadyati // (8) Par.?

sakṛd dakṣiṇasya doṣṇaḥ piśitaṃ pracchidyāvadadhāti sakṛt savyāyai śroṇer aṇimad gudasyātha vṛkyamedo yūṣann avadhāya tenopabhṛtaṃ prorṇoti // (9) Par.?

yūṣṇopasiñcati // (10) Par.?

dvir abhighārayati // (11) Par.?

atha hṛdayaṃ jihvāṃ vakṣas tanima matasnau vaniṣṭhum iti pātryāṃ samavadhāya yūṣṇopasiñcati // (12) Par.?

abhighārayati // (13) Par.?

atha kaṃse vā camase vā vasāhomaṃ gṛhṇāti // (14) Par.?

yūṣṇopasiñcati // (15) Par.?

abhighārayati // (16) Par.?

atha paśor avadānāni saṃmṛśati aindraḥ prāṇo aṅge aṅge nidedhyat aindro 'pāno aṅge aṅge vibobhuvat deva tvaṣṭar bhūri te saṃ sam etu viṣurūpā yat salakṣmāṇo bhavatha / (17.1) Par.?

devatrā yantam avase sakhāyo anu tvā mātā pitaro madantviti // (17.2) Par.?

atha dakṣiṇena pārśvena vasāhomaṃ prayauti kumbataḥ śrīr asi agnis tvā śrīṇātu āpaḥ sam ariṇan vātasya tvā dhrajyai pūṣṇo raṃhyā apām oṣadhīnāṃ rohiṣyā iti // (18) Par.?

saṃmṛṣṭasya paśoḥ pratīcīṃ jāghanīṃ haranti // (19) Par.?

pratipariharanti paśum // (20) Par.?

atha juhūpabhṛtāv ādadāna āha indrāgnibhyāṃ chāgasya haviṣo 'nubrūhīti // (21) Par.?

atyākramyāśrāvyāha indrāgnibhyāṃ chāgasya haviḥ prasthitaṃ preṣya iti // (22) Par.?

pratiprasthātaiṣa uttarato vasāhomaṃ dhārayaṃs tiṣṭhati // (23) Par.?

so 'rdharce yājyāyai vasāhomaṃ juhoti ghṛtaṃ ghṛtapāvānaḥ pibata vasāṃ vasāpāvānaḥ pibata antarikṣasya havir asi svāhā tvāntarikṣāya svāheti // (24) Par.?

vaṣaṭkṛte havir juhoti // (25) Par.?

etasya homam anu pratiprasthātā vasāhomodrekeṇa diśo juhoti diśaḥ pradiśa ādiśo vidiśa uddiśaḥ svāhā digbhyo namo digbhyaḥ svāheti // (26) Par.?

atha pradakṣiṇam āvṛtya pṛṣadājyāt sruveṇopaghnann āha vanaspataye 'nubrūhīti // (27) Par.?

āśrāvyāha vanaspataye preṣya iti // (28) Par.?

vaṣaṭkṛta uttarārdhapūrvārdhe 'tihāya pūrvā āhutīr juhoti // (29) Par.?

atha samāvapamāna āha agnaye sviṣṭakṛte 'nubrūhīti // (30) Par.?

āśrāvyāha agnaye sviṣṭakṛte preṣya iti // (31) Par.?

vaṣaṭkṛta uttarārdhapūrvārdhe 'tihāya pūrvā āhutīr juhoti // (32) Par.?

athodaṅṅ atyākramya yathāyatanaṃ srucau sādayitvā hotra iḍām upodyacchante medasaḥ // (33) Par.?

upahūtāyām iḍāyām agnīdha ādadhāti ṣaḍavattam ardhavaniṣṭhum athārdhavaniṣṭhuṃ medasvat // (34) Par.?

prāśnanti // (35) Par.?

mārjayante // (36) Par.?

athāha brahmaṇe vakṣaḥ parihara iti // (37) Par.?

tad brahmā pratigṛhṇāti // (38) Par.?

Duration=0.17044711112976 secs.