Texts

Help

Select a text:
Bibliography
Select a chapter:
 (no revisions)
Associated topic(s): twelve-day Soma rite, dvādaśāha

Show parallels  Show headlines
Use dependency labeler
Chapter id: 16438
  • Click on a sentence to show its analysis
  • Keep the mouse pointer over a lemma to show its meanings.
tasmin saṃsthite samiddhārā yanti // (1) Par.?
āhṛtya samidha āgnīdhrīye saṃnyasyanti // (2) Par.?
teṣu samanvārabdheṣv āhavanīye sruvāhutiṃ juhoti prajāpataye svāheti manasā // (3) Par.?
atha sadaḥ prasarpanti tūṣṇīṃstomāya // (4) Par.?
samprasṛptān viditvādhvaryur manasaiva prāṅ drutvā manasemāṃ pātraṃ kṛtvā manasānyaṃ grahaṃ prajāpataye gṛhṇāti upayāmagṛhīto 'si prajāpataye tvā juṣṭaṃ gṛhṇāmīti // (5) Par.?
yad idaṃ kiṃ ca tad iti manasā parimṛjya sādayati eṣa te yoniḥ prajāpataye tveti // (6) Par.?
athāpa upaspṛśya barhiṣī ādāya vācaṃyamaḥ pratyaṅ drutvā manasaiva stotram upākaroti // (7) Par.?
manasā prasauti // (8) Par.?
manasā prastauti // (9) Par.?
manasodgāyati // (10) Par.?
manasā pratiharati // (11) Par.?
manasā hotre eṣottameti prāhuḥ // (12) Par.?
manasā hotāhvayate // (13) Par.?
manasādhvaryuḥ pratyāhvayate // (14) Par.?
manasā śaṃsati // (15) Par.?
manasā pratigṛṇāti // (16) Par.?
yadaitasya mānasasya śastrasya pāram ety atha hotoccaiś caturhotṝn vyācaṣṭe // (17) Par.?
tasmā adhvaryuḥ pratigṛṇāti // (18) Par.?
Duration=0.043100118637085 secs.