UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 12474
- Click on a sentence to show its analysis
- Keep the mouse pointer over a lemma to show its meanings.
nakṣatrāṇāṃ sakāśān mā yauṣaṃ vrataṃ carata // (1.1)
Par.?
daivīṃ dhiyaṃ manāmahe sumṛḍīkām abhiṣṭaye / (2.1)
Par.?
varcodhāṃ yajñavāhasaṃ sutīrthā no asad vaśe // (2.2)
Par.?
ye devā manujātā manoyujaḥ sudakṣā dakṣapitaras te no 'vantu te naḥ pāntu tebhyaḥ svāhā // (3.1) Par.?
śivāḥ pītā bhavata yūyam āpo asmākaṃ yonā udare suśevāḥ / (4.1)
Par.?
irāvatīr anamīvā anāgasaḥ śivā no bhavata jīvase // (4.2)
Par.?
kāmo haviṣāṃ mandiṣṭho 'gne tvaṃ su jāgṛhi vayaṃ su mandiṣīmahi / (5.1)
Par.?
gopāya naḥ svastaye prabudhe naḥ punas kṛdhi // (5.2)
Par.?
punar manaḥ punar āyur nā āgāt punaḥ prāṇaḥ punar ākūtam āgāt / (6.1)
Par.?
vaiśvānaro 'dabdhas tanūpā apabādhatāṃ duritāni viśvā // (6.2)
Par.?
tvam agne vratapā asi deva ā martyeṣv ā / (7.1)
Par.?
tvaṃ yajñeṣv īḍyo vratam asmāsu dhāraya // (7.2)
Par.?
pūṣā sanīnāṃ somo rādhasāṃ mā pṛṇan pūrtyā virādhiṣṭa / (8.1)
Par.?
mā vayam āyuṣā varcasā ca rāsveyat somā bhūyo bhara / (8.2)
Par.?
devaḥ savitā vasor vasudāvā / (8.3)
Par.?
vāyur gopāḥ / (8.4)
Par.?
tvaṣṭādhipatiḥ / (8.5)
Par.?
pūṣā pratigrahītā / (8.6)
Par.?
devīr āpo apāṃ napād ya ūrmir haviṣya indriyāvān madintamas taṃ vo mā kramiṣaṃ / (8.7)
Par.?
yāḥ paśūnām ṛṣabhe vācas tāḥ sūryo agre śukro agre tāḥ prahiṇomi yathābhāgaṃ vo atra / (8.8)
Par.?
śivā naḥ punar āyantu vācaḥ / (8.9)
Par.?
vāyave tvā / (8.10)
Par.?
varuṇāya tvā / (8.11)
Par.?
rudrāya tvā / (8.12)
Par.?
nirṛtyai tvā / (8.13)
Par.?
indrāya tvā / (8.14)
Par.?
marudbhyas tvā // (8.15)
Par.?
Duration=0.10310101509094 secs.