Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14095
  • Click on a sentence to show its analysis
  • Keep the mouse pointer over a lemma to show its meanings.
ādityaṃ caruṃ nirvapet saṃgrāmam upaprayāsyan / (1.1) Par.?
iyaṃ vā aditiḥ / (1.2) Par.?
asyām eva pūrve pratitiṣṭhanti / (1.3) Par.?
vaiśvānaraṃ dvādaśakapālaṃ nirvaped āyatanaṃ gatvā / (1.4) Par.?
saṃvatsaro vā agnir vaiśvānaraḥ / (1.5) Par.?
saṃvatsaraḥ khalu vai devānām āyatanam / (1.6) Par.?
etasmād vā āyatanād devā asurān ajayan / (1.7) Par.?
yad vaiśvānaraṃ dvādaśakapālaṃ nirvapati / (1.8) Par.?
devānām evāyatane yatate / (1.9) Par.?
jayati taṃ saṃgrāmam / (1.10) Par.?
etasmin vā etau mṛjāte // (1.11) Par.?
yo vidviṣāṇayor annam atti / (2.1) Par.?
vaiśvānaraṃ dvādaśakapālaṃ nirvaped vidviṣāṇayor annaṃ jagdhvā / (2.2) Par.?
saṃvatsaro vā agnir vaiśvānaraḥ / (2.3) Par.?
saṃvatsarasvaditam evātti / (2.4) Par.?
nāsmin mṛjāte / (2.5) Par.?
saṃvatsarāya vā etau samamāte yau samamāte / (2.6) Par.?
tayor yaḥ pūrvo 'bhidruhyati taṃ varuṇo gṛhṇāti / (2.7) Par.?
vaiśvānaraṃ dvādaśakapālaṃ nirvapet samamānayoḥ pūrvo 'bhidruhya / (2.8) Par.?
saṃvatsaro vā agnir vaiśvānaraḥ / (2.9) Par.?
saṃvatsaram evāptvā nirvaruṇam // (2.10) Par.?
parastād abhidruhyati nainaṃ varuṇo gṛhṇāti / (3.1) Par.?
āvyaṃ vā eṣa pratigṛhṇāti yo 'vim pratigṛhṇāti / (3.2) Par.?
vaiśvānaraṃ dvādaśakapālaṃ nirvaped avim pratigṛhya / (3.3) Par.?
saṃvatsaro vā agnir vaiśvānaraḥ / (3.4) Par.?
saṃvatsarasvaditām eva pratigṛhṇāti / (3.5) Par.?
nāvyam pratigṛhṇāti / (3.6) Par.?
ātmano vā eṣa mātrām āpnoti ya ubhayādat pratigṛhṇāty aśvaṃ vā puruṣaṃ vā / (3.7) Par.?
vaiśvānaraṃ dvādaśakapālaṃ nirvaped ubhayādat // (3.8) Par.?
pratigṛhya / (4.1) Par.?
saṃvatsaro vā agnir vaiśvānaraḥ / (4.2) Par.?
saṃvatsarasvaditam eva pratigṛhṇāti / (4.3) Par.?
nātmano mātrām āpnoti / (4.4) Par.?
vaiśvānaraṃ dvādaśakapālaṃ nirvapet sanim eṣyan / (4.5) Par.?
saṃvatsaro vā agnir vaiśvānaraḥ / (4.6) Par.?
yadā khalu vai saṃvatsaraṃ janatāyāṃ caraty atha sa dhanārgho bhavati / (4.7) Par.?
yad vaiśvānaraṃ dvādaśakapālaṃ nirvapati saṃvatsarasātām eva sanim abhipracyavate / (4.8) Par.?
dānakāmā asmai prajā bhavanti / (4.9) Par.?
yo vai saṃvatsaram // (4.10) Par.?
prayujya na vimuñcaty apratiṣṭhāno vai sa bhavati / (5.1) Par.?
etam eva vaiśvānaram punar āgatya nirvapet / (5.2) Par.?
yam eva prayuṅkte tam bhāgadheyena vimuñcati pratiṣṭhityai / (5.3) Par.?
yayā rajjvottamāṃ gām ājet tām bhrātṛvyāya prahiṇuyāt / (5.4) Par.?
nirṛtim evāsmai prahiṇoti // (5.5) Par.?
Duration=0.13107299804688 secs.