Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 12723
  • Click on a sentence to show its analysis
  • Keep the mouse pointer over a lemma to show its meanings.
saṃ yajñapatir āśiṣā // (1) Par.?
sad asi // (2) Par.?
san me bhūyāḥ // (3) Par.?
pūrṇam asi // (4) Par.?
pūrṇaṃ me bhūyāḥ // (5) Par.?
sarvam asi // (6) Par.?
sarvaṃ me bhūyāḥ // (7) Par.?
akṣitam asi // (8) Par.?
akṣitaṃ me bhūyāḥ // (9) Par.?
prācyā diśā devā ṛtvijo mārjayantām // (10) Par.?
dakṣiṇayā diśā māsāḥ pitaro mārjayantām // (11) Par.?
pratīcyā diśā gṛhāḥ paśavo mārjayantām // (12) Par.?
udīcyā diśāpā oṣadhayo vanaspatayo mārjayantām // (13) Par.?
ūrdhvayā diśā yajñaḥ saṃvatsaro mārjayatām // (14) Par.?
viṣṇuḥ pṛthivyāṃ vyakraṃsta gāyatreṇa chandasā // (15) Par.?
nirbhaktaḥ sa yaṃ dviṣmaḥ // (16) Par.?
viṣṇur antarikṣe vyakraṃsta traiṣṭubhena chandasā // (17) Par.?
nirbhaktaḥ sa yaṃ dviṣmaḥ // (18) Par.?
viṣṇur divi vyakraṃsta jāgatena chandasā // (19) Par.?
nirbhaktaḥ sa yaṃ dviṣmaḥ // (20) Par.?
aganma svaḥ // (21) Par.?
saṃ jyotiṣābhūma // (22) Par.?
idam aham amuṣya prāṇaṃ niveṣṭayāmi // (23) Par.?
tejo 'si // (24) Par.?
sam ahaṃ prajayā // (25) Par.?
saṃ mayā prajā // (26) Par.?
sam ahaṃ paśubhiḥ // (27) Par.?
saṃ mayā paśavaḥ // (28) Par.?
agne gṛhapate sugṛhapatir ahaṃ tvayā gṛhapatinā bhūyāsam // (29) Par.?
sugṛhapatis tvaṃ mayā gṛhapatinā bhūyāḥ // (30) Par.?
asthūri ṇau gārhapatyaṃ dīdāyañ śataṃ himā dvāyū // (31) Par.?
rādhāṃsi saṃpṛñcānā asaṃpṛñcānau tanvaḥ // (32) Par.?
asā anu mā tanvachinno divyas tantuḥ // (33) Par.?
mā mānuṣaś chedi // (34) Par.?
divyād dhāmno mā chitsi mā mānuṣāt // (35) Par.?
jyotiṣe tantave tvā // (36) Par.?
Duration=0.071219921112061 secs.