Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 15222
  • Click on a sentence to show its analysis
  • Keep the mouse pointer over a lemma to show its meanings.
barhiṣo 'haṃ devayajyayā prajāvān bhūyāsam iti // (1.1) Par.?
āha // (2.1) Par.?
barhiṣā vai prajāpatiḥ prajā asṛjata // (3.1) Par.?
tenaiva prajāḥ sṛjate // (4.1) Par.?
narāśaṃsasyāhaṃ devayajyayā paśumān bhūyāsam iti // (5.1) Par.?
āha // (6.1) Par.?
narāśaṃsena vai prajāpatiḥ paśūn asṛjata // (7.1) Par.?
tenaiva paśūnt sṛjate // (8.1) Par.?
agneḥ sviṣṭakṛto 'haṃ devayajyayāyuṣmān yajñena pratiṣṭhāṃ gameyam iti // (9.1) Par.?
āha // (10.1) Par.?
āyur evātman dhatte // (11.1) Par.?
prati yajñena tiṣṭhati // (12.1) Par.?
darśapūrṇamāsayor vai devā ujjitim anūdajayan // (13.1) Par.?
darśapūrṇamāsābhyām asurān apānudanta // (14.1) Par.?
agner aham ujjitim anūjjeṣam iti // (15.1) Par.?
āha // (16.1) Par.?
darśapūrṇamāsayor eva devatānāṃ yajamāna ujjitim anūjjayati // (17.1) Par.?
darśapūrṇamāsābhyām bhrātṛvyān apanudate // (18.1) Par.?
vājavatībhyāṃ vyūhati // (19.1) Par.?
annaṃ vai vājaḥ // (20.1) Par.?
annam evāvarunddhe // (21.1) Par.?
dvābhyām // (22.1) Par.?
pratiṣṭhityai // (23.1) Par.?
yo vai yajñasya dvau dohau vidvān yajata ubhayata eva yajñaṃ duhe purastāc copariṣṭāc ca // (24.1) Par.?
eṣa vā anyo yajñasya doha iḍāyām anyaḥ // (25.1) Par.?
yarhi hotā yajamānasya nāma gṛhṇīyāt tarhi brūyāt // (26.1) Par.?
emā agmann āśiṣo dohakāmā iti // (27.1) Par.?
saṃstutā eva devatā duhe // (28.1) Par.?
atho ubhayata eva yajñaṃ duhe purastāc copariṣṭāc ca // (29.1) Par.?
rohitena tvāgnir devatāṃ gamayatv iti // (30.1) Par.?
āha // (31.1) Par.?
ete vai devāśvāḥ // (32.1) Par.?
yajamānaḥ prastaraḥ // (33.1) Par.?
yad etaiḥ prastaram praharati // (34.1) Par.?
devāśvair eva yajamānaṃ suvargaṃ lokaṃ gamayati // (35.1) Par.?
vi te muñcāmi raśanāḥ // (36.1) Par.?
vi raśmīn iti // (37.1) Par.?
āha // (38.1) Par.?
eṣa vā agner vimokaḥ // (39.1) Par.?
tenaivainaṃ vimuñcati // (40.1) Par.?
viṣṇoḥ śamyor ahaṃ devayajyayā yajñena pratiṣṭhāṃ gameyam iti // (41.1) Par.?
āha // (42.1) Par.?
yajño vai viṣṇuḥ // (43.1) Par.?
yajña evāntataḥ pratitiṣṭhati // (44.1) Par.?
somasyāhaṃ devayajyayā suretā reto dhiṣīyeti // (45.1) Par.?
āha // (46.1) Par.?
somo vai retodhāḥ // (47.1) Par.?
tenaiva reta ātman dhatte // (48.1) Par.?
tvaṣṭur ahaṃ devayajyayā paśūnāṃ rūpam puṣeyam iti // (49.1) Par.?
āha // (50.1) Par.?
tvaṣṭā vai paśūnām mithunānāṃ rūpakṛt // (51.1) Par.?
tenaiva paśūnāṃ rūpam ātman dhatte // (52.1) Par.?
devānām patnīr agnir gṛhapatir yajñasya mithunaṃ tayor ahaṃ devayajyayā mithunena prabhūyāsam iti // (53.1) Par.?
āha // (54.1) Par.?
etasmād vai mithunāt prajāpatir mithunena prājāyata // (55.1) Par.?
tasmād eva yajamāno mithunena prajāyate // (56.1) Par.?
vedo 'si // (57.1) Par.?
vittir asi videyeti // (58.1) Par.?
āha // (59.1) Par.?
vedena vai devā asurāṇāṃ vittaṃ vedyam avindanta // (60.1) Par.?
tad vedasya vedatvam // (61.1) Par.?
yadyad bhrātṛvyasyābhidhyāyet tasya nāma gṛhṇīyāt // (62.1) Par.?
tad evāsya sarvaṃ vṛṅkte // (63.1) Par.?
ghṛtavantaṃ kulāyinaṃ rāyaspoṣaṃ sahasriṇaṃ vedo dadātu vājinam iti // (64.1) Par.?
āha // (65.1) Par.?
pra sahasram paśūn āpnoti // (66.1) Par.?
āsya prajāyāṃ vājī jāyate ya evaṃ veda // (67.1) Par.?
Duration=0.45611310005188 secs.