Texts

Select a text:
Bibliography

Select a chapter:
(no revisions)

Show parallels Show headlines
Use dependency labeler

Chapter id: 12140

Click on a sentence to show its analysis
Keep the mouse pointer over a lemma to show its meanings.

tad yad audumbaryāṃ ma āsiṣṭa hiṅṅakārṣīn me prāstāvīn ma udagāsīn me subrahmaṇyām āhvāsīd ity udgātre dakṣiṇā nīyante // (1) Par.?

grahān me 'grahīt prācārīn me 'śuśruvan me samanasas kārṣīd ayākṣīn me 'vaṣaṭkārṣīn ma ity adhvaryave // (2) Par.?

hotṛṣadana āsiṣṭāyākṣīn me 'śāṃsīn me 'vaṣaṭkārṣīn ma iti hotre // (3) Par.?

devayajanaṃ me cīkﾱpad brahmāsādaṃ me 'sīsṛpad brahmajapān me 'japīt purastāddhomasaṃsthitahomān me 'hauṣīd ayākṣīn me 'śāṃsīn me 'vaṣaṭkārṣīn ma iti brahmaṇe // (4) Par.?

bhūyiṣṭhena mā brahmaṇākārṣīd iti // (5) Par.?

etad vai bhūyiṣṭhaṃ brahma yad bhṛgvaṅgirasaḥ // (6) Par.?

ye 'ṅgirasaḥ sa raso ye 'tharvāṇo ye 'tharvāṇas tadbheṣajam // (7) Par.?

yad bheṣajaṃ tad amṛtaṃ yad amṛtaṃ tad brahma // (8) Par.?

sa vā eṣa pūrveṣām ṛtvijām ardhabhāgasyārdham itareṣām ardhaṃ brahmaṇa iti brāhmaṇam // (9) Par.?

Duration=0.087216138839722 secs.