Texts

Help

Select a text:
Bibliography
Select a chapter:
 (no revisions)
Associated topic(s): sāman

Show parallels  Show headlines
Use dependency labeler
Chapter id: 12635
  • Click on a sentence to show its analysis
  • Keep the mouse pointer over a lemma to show its meanings.
tasyaitās tisra āgā āgneyy ekaindry ekā vaiśvadevy ekā // (1.1) Par.?
sā yā mandrā sāgneyī / (2.1) Par.?
tayā prātassavanasyodgeyam / (2.2) Par.?
āgneyaṃ vai prātassavanam āgneyo 'yaṃ lokaḥ / (2.3) Par.?
svayāgayā prātassavanasyodgāyaty ṛdhnotīmaṃ lokam // (2.4) Par.?
atha yā ghoṣiṇy upabdimatī saindrī / (3.1) Par.?
tayā mādhyandinasya savanasyodgeyam / (3.2) Par.?
aindraṃ vai mādhyandinaṃ savanam aindro 'sau lokaḥ / (3.3) Par.?
svayāgayā mādhyandinasya savanasyodgāyaty ṛdhnoty amuṃ lokam // (3.4) Par.?
atha yāṃ vīṅkhayann iva prathayann iva gāyati sā vaiśvadevī / (4.1) Par.?
tayā tṛtīyasavanasyodgeyam / (4.2) Par.?
vaiśvadevaṃ vai tṛtīyasavanaṃ vaiśvadevo 'yam antarālokaḥ / (4.3) Par.?
svayāgayā tṛtīyasavanasyodgāyaty ṛdhnotīmam antarālokam // (4.4) Par.?
atho uccā khalv āhur ekayaivāgayodgeyaṃ yad evāsya madhyaṃ vāca iti / (5.1) Par.?
tad yayā vai vācā vyāyacchamāna udgāyati tad evāsya madhyaṃ vācaḥ / (5.2) Par.?
tayā vā etayā vācā sarvā vāca upagacchati / (5.3) Par.?
avyāsiktām ekasthāṃ śriyam ṛdhnoti ya evaṃ veda // (5.4) Par.?
atha yā krauñcā sā bārhaspatyā / (6.1) Par.?
sa yo brahmavarcasakāmaḥ syāt sa tayodgāyet / (6.2) Par.?
tad brahma vai bṛhaspatiḥ / (6.3) Par.?
tad vai brahmavarcasam ṛdhnoti / (6.4) Par.?
tathā ha brahmavarcasī bhavati // (6.5) Par.?
atha ha caikitāneya ekasyaiva sāmna āgāṃ gāyati gāyatrasyaiva / (7.1) Par.?
tad anavānaṃ geyam / (7.2) Par.?
tat sāmna evā pratihārād anavānaṃ geyam / (7.3) Par.?
tat prāṇo vai gāyatram / (7.4) Par.?
tad vai prāṇam ṛdhnoti / (7.5) Par.?
tathā ha sarvam āyur eti // (7.6) Par.?
Duration=0.10320591926575 secs.