Texts

Help

Select a text:
Bibliography
Select a chapter:
 (no revisions)
Associated topic(s): Sacrifice, yajña

Show parallels  Show headlines
Use dependency labeler
Chapter id: 12812
  • Click on a sentence to show its analysis
  • Keep the mouse pointer over a lemma to show its meanings.
I 9,4(1) Der Caturhotṛ-Spruch
te vai caturhotāro nyasīdant somagṛhapatayā indraṃ janayiṣyāmā iti // (1) Par.?
pṛthivī hotāsīd dyaur adhvaryus tvaṣṭāgnīn mitra upavaktā // (2) Par.?
te vā etau grahā agṛhṇata // (3) Par.?
vācaspate vāco vīryeṇa saṃbhṛtatamenāyakṣase // (4) Par.?
yajñapataye vāryam ā svas kar iti // (5) Par.?
ta ekaviṃśam āyatanam acāyan // (6) Par.?
tenendram ajanayan // (7) Par.?
I 9,4(2) Der Pañcahotṛ-Spruch
ta indraṃ janayitvābruvan svar ayāmeti // (8) Par.?
te vai pañcahotāro nyasīdan varuṇagṛhapatayaḥ // (9) Par.?
agnir hotāsīd aśvinādhvaryū rudro agnīd bṛhaspatir upavaktā // (10) Par.?
yad aśvineti tena pañcahotā // (11) Par.?
te vā etau grahā agṛhṇata // (12) Par.?
vācaspate hinvidhe nāman vidhema te nāma // (13) Par.?
vidhes tvam asmākaṃ nāmeti // (14) Par.?
te triṇavam āyatanam acāyan // (15) Par.?
taṃ setuṃ kṛtvā svarāyan // (16) Par.?
I 9,4(3) Das Empfangen des ersten Opfergeschenks: ein Pferd
tena paśūn asṛjanta // (17) Par.?
tān devatābhyo 'nayan // (18) Par.?
yamāyāśvam anayan // (19) Par.?
tasyārdham indriyasyāpākrāmat // (20) Par.?
sa etaṃ pratigraham apaśyat // (21) Par.?
devasya tvā savituḥ prasave 'śvinor bāhubhyāṃ pūṣṇo hastābhyāṃ pratigṛhṇāmi // (22) Par.?
yamāya tvā mahyaṃ varuṇo dadāti // (23) Par.?
so 'mṛtatvam aśīya // (24) Par.?
mayo dātre bhūyān mayo mahyaṃ pratigrahītre / (25.1) Par.?
iti so 'rdham indriyasyopādhatta // (25.2) Par.?
ardham indriyasyopadhatte ya evaṃ vidvān aśvaṃ pratigṛhṇāti // (26) Par.?
atha yo 'vidvān pratigṛhṇāty ardham asyendriyasyāpakrāmati // (27) Par.?
I 9,4(4) Das Empfangen des zweiten Opfergeschenks: eine Kuh
rudrāya gām anayan // (28) Par.?
tasya tṛtīyamindriyasyāpākrāmat // (29) Par.?
sa etaṃ pratigraham apaśyat // (30) Par.?
rudrāya tvā mahyaṃ varuṇo dadāti // (31) Par.?
so 'mṛtatvam aśīya // (32) Par.?
mayo dātre bhūyān mayo mahyaṃ pratigrahītre // (33) Par.?
iti sa tṛtīyam indriyasyopādhatta // (34) Par.?
tṛtīyam indriyasyopadhatte ya evaṃ vidvān gāṃ pratigṛhṇāti // (35) Par.?
atha yo 'vidvān pratigṛhṇāti tṛtīyam asyendriyasyāpakrāmati // (36) Par.?
I 9,4(5) Das Empfangen des dritten Opfergeschenks: Edelmetall
agnaye hiraṇyam anayan // (37) Par.?
tasya caturtham indriyasyāpākrāmat // (38) Par.?
sa etaṃ pratigraham apaśyat // (39) Par.?
agnaye tvā mahyaṃ varuṇo dadāti // (40) Par.?
so 'mṛtatvam aśīya // (41) Par.?
mayo dātre bhūyān mayo mahyaṃ pratigrahītre // (42) Par.?
iti sa caturtham indriyasyopādhatta // (43) Par.?
caturtham indriyasyopadhatte ya evaṃ vidvān hiraṇyaṃ pratigṛhṇāti // (44) Par.?
atha yo 'vidvān pratigṛhṇāti caturtham asyendriyasyāpakrāmati // (45) Par.?
I 9,4(6) Das Empfangen des vierten Opfergeschenks: ein Gewand
bṛhaspataye vāso 'nayan // (46) Par.?
tasya pañcamam indriyasyāpākrāmat // (47) Par.?
sa etaṃ pratigraham apaśyat // (48) Par.?
gnās tvākṛntan // (49) Par.?
apaso 'tanvata // (50) Par.?
dhiyo 'vayan // (51) Par.?
bṛhaspataye tvā mahyaṃ varuṇo dadāti // (52) Par.?
so 'mṛtatvamaśīya // (53) Par.?
mayo dātre bhūyān mayo mahyaṃ pratigrahītre // (54) Par.?
iti sa pañcamam indriyasyopādhatta // (55) Par.?
pañcamam indriyasyopadhatte ya evaṃ vidvān vāsaḥ pratigṛhṇāti // (56) Par.?
atha yo 'vidvān pratigṛhṇāti pañcamam asyendriyasyāpakrāmati // (57) Par.?
I 9,4(7) Das Empfangen des fnften Opfergeschenks: ein lebloses Wesen
uttānāyāṅgirasāyāprāṇad anayan // (58) Par.?
tasya ṣaṣṭhamindriyasyāpākrāmat // (59) Par.?
sa etaṃ pratigraham apaśyat // (60) Par.?
uttānāya tvāṅgirasāya mahyaṃ varuṇo dadāti // (61) Par.?
so 'mṛtatvamaśīya // (62) Par.?
mayo dātre bhūyān mayo mahyaṃ pratigrahītre // (63) Par.?
iti sa ṣaṣṭham indriyasyopādhatta // (64) Par.?
ṣaṣṭham indriyasyopadhatte ya evaṃ vidvān aprāṇat pratigṛhṇāti // (65) Par.?
atha yo 'vidvān pratigṛhṇāti ṣaṣṭham asyendriyasyāpakrāmati // (66) Par.?
I 9,4(8)
ka idaṃ kasmā adāt // (67) Par.?
kāmaḥ kāmāyādāt // (68) Par.?
kāmo dātā // (69) Par.?
kāmaḥ pratigrahītā // (70) Par.?
kāmāya tvā pratigṛhṇāmi // (71) Par.?
kāmaitat te // (72) Par.?
iti samudro vai kāmaḥ // (73) Par.?
dakṣiṇā kāmaḥ // (74) Par.?
dakṣiṇayaiva dakṣiṇāṃ pratigṛhṇāti // (75) Par.?
yo vai tāṃ devatāṃ veda yāgre dakṣiṇām anayad dakṣiṇīyo ha bhavati // (76) Par.?
nayati dakṣiṇām // (77) Par.?
Duration=0.18019008636475 secs.