Texts

barhir hutvāpo gacchanti hṛdayaśūlam ādāya // (1) Par.?

āhavanīyaṃ vopasthāya vratādīni cet // (2) Par.?

abhyavetya śuṣkārdrasaṃdhau hṛdayaśūlam upagūhati śug asi tam abhiśoca yo 'smān dveṣṭi yaṃ ca vayaṃ dviṣmo māpo mauṣadhīr iti ca // (3) Par.?

glāyann udapātraṃ niṣicya pūrveṇa yūpaṃ yathoktam upagūhati // (4) Par.?

dhāmnodhāmnaḥ sumitriyā na ity upaspṛśanty apaḥ // (5) Par.?

upagūhanaśeṣo vā pūrvaḥ // (6) Par.?

abhimantraṇaṃ vottareṇa // (7) Par.?

na some 'nūbandhyāvarjam // (8) Par.?

varuṇapraghāsavat samidādhānam // (9) Par.?

vrataṃ visṛjyāparāgnīnāṃ pūrve caturgṛhītaṃ yūpāhutivat // (10) Par.?

sa vihāro 'taḥ // (11) Par.?

samārūḍhanirmathite vā // (12) Par.?

yathotsāhaṃ dadyād asyām // (13) Par.?

agniṃ praṇīya sadohavirdhānāgnīdhrahotṛdhiṣṇyān yathoktaṃ gṛhītvājyāny āgnīdhrapraṇayanam agnīṣomīyadarśanāt // (14) Par.?

na somārthatvāt // (15) Par.?

prasaṅgād darśanam // (16) Par.?

darvihomāḥ paurṇamāsadharmā juhotyaviśeṣāt // (17) Par.?

juhūdarśanāc ca // (18) Par.?

tūṣṇīm // (19) Par.?

anarthaluptāḥ // (20) Par.?

ekāgnayaḥ // (21) Par.?

aprayājāḥ // (22) Par.?

ananuyājāḥ // (23) Par.?

asāmidhenīkāḥ // (24) Par.?

anigadāḥ // (25) Par.?

pratinigadya homāḥ // (26) Par.?

svāhākārapradānāḥ // (27) Par.?

paratantrotpattayo juhotimātrāḥ // (28) Par.?

pākayajñeṣv avattasyāsarvahomaḥ // (29) Par.?

hutvā śeṣaprāśanam // (30) Par.?

agnihotre tad asya pākayajñasyeveti śruteḥ // (31) Par.?

agnīṣomīyāt paśuṣu // (32) Par.?

śākhāniyojanam // (33) Par.?

vapāṃ hutvā trīṇi pañca sarvāṇi vāvadyati // (34) Par.?

sarvābhāve śeṣāt sviṣṭakṛtaḥ // (35) Par.?

sthālīpākena saha pradānam // (36) Par.?

pūrṇapātro dakṣiṇā // (37) Par.?

varo vā // (38) Par.?