Texts

sa hovāca yad vai te purā rūpam āsīt tat te rūpam / (1.1) Par.?

na tu tvā pariṣvaṅgāyopalabha iti // (1.2) Par.?

om iti hovāca brāhmaṇo vai me sāma vidvān sāmnodagāyat / (2.1) Par.?

sa me 'śarīreṇa sāmnā śarīrāṇy adhūnot / (2.2) Par.?

tad yasya vai kila sāma vidvān sāmnodgāyati devatānām eva salokatāṃ gamayatīti // (2.3) Par.?

pataṅgaḥ prājāpatya iti hovāca prajāpateḥ priyaḥ putra āsa / (3.1) Par.?

sa tasmā etat sāmābravīt / (3.2) Par.?

tena sa ṛṣīṇām udagāyat / (3.3) Par.?

ta eta ṛṣayo dhūtaśarīrā iti // (3.4) Par.?

eteno eva sāmneti hovāca prajāpatir devānām udagāyat / (4.1) Par.?

ta eta upari devā dhūtaśarīrā iti // (4.2) Par.?

tasmin hainam anuśaśāsa / (5.1) Par.?

taṃ hānuśiṣyovāca yaḥ smaivaitat sāma vidyāt sa smaiva ta udgāyatv iti // (5.2) Par.?

sa hānuśiṣṭa ājagāma / (6.1) Par.?

sa ha sma kurupañcālānām brāhmaṇān upapṛcchamānaś carati // (6.2) Par.?