Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): aśvamedha, hayamedha
Show parallels Show headlines
Use dependency labeler
Chapter id: 14825
- Click on a sentence to show its analysis
- Keep the mouse pointer over a lemma to show its meanings.
rājayajño 'śvamedhaḥ sarvakāmasya // (1) Par.?
aṣṭamyāṃ navamyāṃ vā phālgunīśuklasya // (2) Par.?
grīṣma eke // (3) Par.?
brahmaudanaṃ pacati caturṇāṃ pātrāṇām añjaliprasṛtānāṃ ca // (4) Par.?
aktvainam ādyartvigbhyaḥ prayacchati // (5) Par.?
tebhyaś catvāri sahasrāṇi dadāti śatamānāṃś ca tāvataḥ // (6) Par.?
aktvājyaśeṣeṇa raśanāṃ dvādaśāratniṃ trayodaśāratniṃ vā nidadhāti // (7) Par.?
ādānakāle vāñjanam // (8) Par.?
niṣkaṃ pratimuñcan vācayati tejo 'sīti // (9) Par.?
vācaṃ yaccheti cāha // (10) Par.?
ā varadānād vāgyamanam // (11) Par.?
patnyaś cāyanty alaṃkṛtā niṣkiṇyo mahiṣī vāvātā parivṛktā pālāgalī sānucaryaḥ śatena śatena // (12) Par.?
rājaduhitaraḥ prathamāyāḥ // (13) Par.?
rājanyānāṃ dvitīyāyāḥ // (14) Par.?
sūtagrāmaṇyāṃ tṛtīyāyāḥ // (15) Par.?
kṣāttrasaṃgrahītṝṇāṃ caturthyāḥ // (16) Par.?
agnyādheyavat praviśya hute 'gnihotre 'pareṇa gārhapatyam udakśirāḥ saṃviśati // (17) Par.?
ūrvantare vāvātāyā brahmacārī // (18) Par.?
itarāś cānvak // (19) Par.?
prātarāhutyāṃ hutāyāṃ pūrṇāhutyante varadānaṃ brahmaṇe // (20) Par.?
adhvaryave ca pratimuktaṃ niṣkam // (21) Par.?
puroḍāśo 'gnaye pathikṛte // (22) Par.?
śatamānaṃ dakṣiṇā sauvarṇam // (23) Par.?
hiraṇyaparimāṇe 'nyatrāpi // (24) Par.?
pauṣṇaṃ caruṃ nirvapati // (25) Par.?
vāsaḥśataṃ dakṣiṇā // (26) Par.?
devasya tveti raśanām ādāya brahmann aśvaṃ bhantsyāmīty āha // (27) Par.?
taṃ badhāneti brahmānujñāto 'bhidhā asīti badhnāty aśvam // (28) Par.?
trirūpaṃ sarvarūpaṃ vā // (29) Par.?
śīghram // (30) Par.?
dakṣiṇadhuryasamam // (31) Par.?
sāhasram // (32) Par.?
lalāmaṃ // (33) Par.?
kṛttikāñjiṃ vā // (34) Par.?
pūrvakāyakṛṣṇaṃ śuklāparam // (35) Par.?
kṛṣṇasāraṅgaṃ vā // (36) Par.?
sthāvarā apo gatvā prajāpataye tveti prokṣaty aśvaṃ pratimantram // (37) Par.?
āyogavam āha śvānaṃ caturakṣam abhimanyasveti // (38) Par.?
puṃścalūm eke // (39) Par.?
sidhrakamusalenainaṃ hanti // (40) Par.?
Duration=0.12566709518433 secs.