Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 15254
  • Click on a sentence to show its analysis
  • Keep the mouse pointer over a lemma to show its meanings.
sāvitrāṇi juhoti // (1.1) Par.?
prasūtyai // (2.1) Par.?
caturgṛhītena juhoti // (3.1) Par.?
catuṣpādaḥ paśavaḥ // (4.1) Par.?
paśūn evāva runddhe // (5.1) Par.?
catasro diśas // (6.1) Par.?
dikṣv eva prati tiṣṭhati // (7.1) Par.?
chandāṃsi devebhyo 'pākrāman // (8.1) Par.?
na vo 'bhāgāni havyaṃ vakṣyāma iti // (9.1) Par.?
tebhya etac caturgṛhītam adhārayan puro'nuvākyāyai yājyāyai devatāyai vaṣaṭkārāya // (10.1) Par.?
yac caturgṛhītaṃ juhoti // (11.1) Par.?
chandāṃsy eva tat prīṇāti // (12.1) Par.?
tāny asya prītāni devebhyo havyaṃ vahanti // (13.1) Par.?
yaṃ kāmayeta pāpīyānt syād ity ekaikaṃ tasya juhuyāt // (14.1) Par.?
āhutībhir evainam apa gṛhṇāti pāpīyān bhavati // (15.1) Par.?
yaṃ kāmayeta vasīyānt syād iti sarvāṇi tasyānudrutya juhuyāt // (16.1) Par.?
āhutyaivainam abhi kramayati vasīyān bhavati // (17.1) Par.?
atho yajñasyaivaiṣābhikrāntiḥ // (18.1) Par.?
eti vā eṣa yajñamukhād ṛddhyā yo 'gner devatāyā eti // (19.1) Par.?
aṣṭāv etāni sāvitrāṇi bhavanti // (20.1) Par.?
aṣṭākṣarā gāyatrī // (21.1) Par.?
gāyatro agnis // (22.1) Par.?
tenaiva yajñamukhād ṛddhyā agner devatāyai naiti // (23.1) Par.?
aṣṭau sāvitrāṇi bhavanty āhutir navamī // (24.1) Par.?
trivṛtam eva yajñamukhe vi yātayati // (25.1) Par.?
yadi kāmayeta chandāṃsi yajñayaśasenārpayeyam ity ṛcam antamāṃ kuryāt // (26.1) Par.?
chandāṃsy eva yajñayaśasenārpayati // (27.1) Par.?
yadi kāmayeta yajamānaṃ yajñayaśasenārpayeyam iti yajur antamaṃ kuryāt // (28.1) Par.?
yajamānam eva yajñayaśasenārpayati // (29.1) Par.?
ṛcā stomaṃ sam ardhayeti āha // (30.1) Par.?
samṛddhyai // (31.1) Par.?
caturbhir abhrim ā datte // (32.1) Par.?
catvāri chandāṃsi // (33.1) Par.?
chandobhir eva // (34.1) Par.?
devasya tvā savituḥ prasava ity āha // (35.1) Par.?
prasūtyai // (36.1) Par.?
agnir devebhyo nilāyata // (37.1) Par.?
sa veṇum prāviśat // (38.1) Par.?
sa etām ūtim anu sam acarad yad veṇoḥ suṣiram // (39.1) Par.?
suṣirābhrir bhavati // (40.1) Par.?
sayonitvāya // (41.1) Par.?
sa yatrayatrāvasat tat kṛṣṇam abhavat // (42.1) Par.?
kalmāsī bhavati // (43.1) Par.?
rūpasamṛddhyai // (44.1) Par.?
ubhayataḥkṣṇūr bhavati // (45.1) Par.?
itaś cāmutaś cārkasyāvaruddhyai // (46.1) Par.?
vyāmamātrī bhavati // (47.1) Par.?
etāvad vai puruṣe vīryam // (48.1) Par.?
vīryasammitā // (49.1) Par.?
aparimitā bhavati // (50.1) Par.?
aparimitasyāvaruddhyai // (51.1) Par.?
aspatīnām phalagrahiḥ sa eṣāṃ vīryāvān // (52.1) Par.?
phalagrahir veṇuḥ // (53.1) Par.?
vaiṇavī bhavati // (54.1) Par.?
vīryasyāvaruddhyai // (55.1) Par.?
Duration=0.11872410774231 secs.