Texts

yathā vai ratha ekaikam aram abhipratitiṣṭhan vartata evaṃ yajña ekaikāṃ tanvam abhipratitiṣṭhann eti // (1) Par.?

purā pracaritor āgnīdhrīye hotavyāḥ // (2) Par.?

etaddha vā uvāca vāsiṣṭhaḥ sātyahavyo 'skan soma ity ukte mā sūrkṣata pracarata prātar vāvādyāhaṃ somaṃ samasthāpayam iti // (3) Par.?

nāsya soma skandati ya evaṃ vidvānt somaṃ pibati // (4) Par.?

sa ha sma vai sa āsandyām āsīnaḥ saktubhir upamathya somaṃ pibati // (5) Par.?

ahaṃ vāva sarvato yajñaṃ veda ya etān veda // (6) Par.?

na mām eṣa hiṃsiṣyatīti // (7) Par.?

nainaṃ somapītho na peyo hinasti ya evaṃ vidvānt somaṃ pibati // (8) Par.?

taṃ ha sma yad āhuḥ kasmāt tvam idam āsandyām āsīnaḥ saktubhir upamathya somaṃ pibasīti // (9) Par.?

devatāsv eva yajñaṃ pratiṣṭhāpayāmīty abravīd brāhmaṇo yasyaivaṃ viduṣo yasyaivaṃ vidvān yajñārtyā yajñe prāyaścittaṃ juhoti // (10) Par.?

devatāsv eva yajñaṃ pratiṣṭhāpayati // (11) Par.?

yajñārtiṃ pratijuhuyāt // (12) Par.?

sayonitvāya // (13) Par.?

trayastriṃśad vai yajñasya tanva iti // (14) Par.?

ekānnatriṃśat stomabhāgāḥ // (15) Par.?

trīṇi savanāni // (16) Par.?

yajñaś caturthaḥ // (17) Par.?

stomabhāgair evaitat stomabhāgān pratiprayuṅkte savanaiḥ savanāni yajñena yajñam // (18) Par.?

sarvā ha vā asya yajñasya tanvaḥ prayuktā bhavanti sarvā āptāḥ sarvā avaruddhāḥ // (19) Par.?

devasya savituḥ prasave bṛhaspataye stuteti // (20) Par.?

yadyad vai savitā devebhyaḥ prāsuvat tenārdhnuvan // (21) Par.?

savitṛprasūtā eva stuvanti // (22) Par.?

ṛdhnuvanti // (23) Par.?

ṛdhyante ha vā asya stomā yajñe // (24) Par.?

ṛdhyate yajamāna ṛdhyate prajāyai // (25) Par.?

ṛdhyate paśubhyaḥ // (26) Par.?

ṛdhyate brahmaṇe yasyaivaṃ vidvān brahmā bhavati // (27) Par.?