Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Agni's bodies, darśapūrṇamāsa iṣṭi, full-moon sacrifice, nivid, sacrificial fire
Show parallels Show headlines
Use dependency labeler
Chapter id: 12374
- Click on a sentence to show its analysis
- Keep the mouse pointer over a lemma to show its meanings.
agne mahān asi brāhmaṇa bhārateti // (1) Par.?
agnir vai bharataḥ // (2) Par.?
sa vai devebhyo havyaṃ bharati // (3) Par.?
atha yad yajamānasyārṣeyam āha // (4) Par.?
na ha vā anārṣeyasya devā havir aśnanti // (5) Par.?
tasmād asyārṣeyam āha // (6) Par.?
athaitaṃ pañcadaśapadaṃ nigadam upasaṃdadhāti // (7) Par.?
eṣā ha vai sāmidhenīnāṃ nivit // (8) Par.?
tasmāt pañcadaśapado bhavati // (9) Par.?
pañcadaśa hi sāmidhenyaḥ // (10) Par.?
sa vā achandaskṛto bhavati // (11) Par.?
dvayaṃ vā idaṃ sarvaṃ chandaskṛtaṃ cāchandaskṛtaṃ ca // (12) Par.?
tena sarveṇāgniṃ stavānīti // (13) Par.?
tasya sapta padāni samasyāvasyet // (14) Par.?
sapta vai chandāṃsi // (15) Par.?
sarveṣām eva chandasām āptyai // (16) Par.?
atha catvāryatha catvāri // (17) Par.?
catuṣṭayaṃ vā idaṃ sarvam // (18) Par.?
asyaiva sarvasyāptyai // (19) Par.?
atha yad vyavagrāhaṃ devatā āvāhayati // (20) Par.?
nānā hyābhyo havīṃṣi gṛhītāni bhavanti // (21) Par.?
tasmād vyavagrāhaṃ devatā āvāhayati // (22) Par.?
atha yad agnim agnināvāhayati // (23) Par.?
eṣā vā agner yajñiyā tanūr yāsya havyavāṭ // (24) Par.?
sā vā asau yad ado 'muṣyādityasyopariṣṭād divīva bhāti jyotir iva // (25) Par.?
tad yad āhāgnim agna āvaheti // (26) Par.?
tām āvahety eva tad āha // (27) Par.?
atha yad devān ājyapān āvāhayati // (28) Par.?
prayājānuyājāṃstad āvāhayati // (29) Par.?
atha yad agniṃ hotrāyāvāhayati // (30) Par.?
sviṣṭakṛtaṃ tad āvāhayati // (31) Par.?
atha yat svaṃ mahimānam āvāhayati // (32) Par.?
vāyuṃ tad āvāhayati // (33) Par.?
vāyur vā agneḥ svo mahimā // (34) Par.?
Duration=0.22269892692566 secs.