Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 13993
  • Click on a sentence to show its analysis
  • Keep the mouse pointer over a lemma to show its meanings.
āgnāvaiṣṇavam ekādaśakapālaṃ nirvapet sārasvataṃ caruṃ bārhaspatyaṃ carum // (1) Par.?
pūrvedyuḥ // (2) Par.?
āmayāvinaṃ yājayet // (3) Par.?
agnir vai sarvā devatāḥ // (4) Par.?
viṣṇur yajñaḥ // (5) Par.?
devatābhiś caivāsmin yajñena cāyur dadhāti // (6) Par.?
vāk sarasvatī // (7) Par.?
brahma bṛhaspatiḥ // (8) Par.?
vācā caivāsmin brahmaṇā cāyur dadhāti // (9) Par.?
atho prāṇā vai devatāḥ // (10) Par.?
prāṇān vā etat pūrvedyur gṛhītvopavasati // (11) Par.?
sa śvo bhūta āgneyam aṣṭākapālaṃ nirvapet saumyaṃ payasi carum ādityaṃ ghṛte caruṃ vāruṇaṃ caruṃ yavamayam iyantam agnaye vaiśvānarāya dvādaśakapālam // (12) Par.?
āmayāvinaṃ yājayet // (13) Par.?
yo vai pramīyate 'gniṃ tasya śarīraṃ gacchati somaṃ rasaḥ // (14) Par.?
yad āgneyaḥ śarīram evāsya tena niṣkrīṇāti // (15) Par.?
yat saumyo rasaṃ tena // (16) Par.?
yāvān eva taṃ niṣkrīya // (17) Par.?
iyaṃ vā aditiḥ // (18) Par.?
asyām adhi prajāḥ prajāyante // (19) Par.?
asyām evainam adhi prajanayati // (20) Par.?
iyāṃś carur bhavati // (21) Par.?
etāvān vā ātmā // (22) Par.?
yāvān evāsyātmā taṃ varuṇān muktvā // (23) Par.?
saṃvatsaro vā agnir vaiśvānaraḥ // (24) Par.?
saṃvatsara evainaṃ pratiṣṭhāpayati // (25) Par.?
saṃvatsarāyuṣam enaṃ karoti // (26) Par.?
agner āyur asi tenāsmā amuṣmā āyur dehīti // (27) Par.?
agnir vai manuṣyāṇām āyuṣaḥ pradātā // (28) Par.?
so 'smā āyuḥ prayacchati // (29) Par.?
pañcabhir juhoti // (30) Par.?
pāṅktaḥ puruṣaḥ // (31) Par.?
yāvān eva puruṣas taṃ samīrayati // (32) Par.?
yāvān eva puruṣas taṃ samīrayitvā // (33) Par.?
ayaṃ vāva yaḥ pavata eṣa prāṇaḥ // (34) Par.?
ābhyo vā eṣa digbhyo 'dhipavate // (35) Par.?
etaddevatyā vā imā diśaḥ // (36) Par.?
yathādevataṃ vāvainam etad ābhyo digbhyo 'dhi samīrayitvā prāṇān asmin dadhāti // (37) Par.?
yan navam ait tan navanītam abhavat // (38) Par.?
yad asarpat tat sarpiḥ // (39) Par.?
yad aghriyata tad ghṛtam iti // (40) Par.?
ghṛtasya vā etan mahimānam udācaṣṭe // (41) Par.?
atho mahayaty evainat // (42) Par.?
pāvamānasya tvā stomena gāyatrasya vartanyā // (43) Par.?
upāṃśos tvā vīryeṇotsṛjā iti // (44) Par.?
yathā vā idaṃ vadhyam utsṛjaty uddharaty unnayaty evaṃ tat // (45) Par.?
etāvad vā asti stomā grahāś chandāṃsi // (46) Par.?
yāvad evāsti tenāsmā āyur dadhāti // (47) Par.?
yajñenāsmā āyur dadhāti // (48) Par.?
sarva ṛtvijaḥ paryāhuḥ // (49) Par.?
sarve vā eta etasmai cikitsanti // (50) Par.?
sarva evāsmā āyur dadhati // (51) Par.?
brahmaṇo hastam ālabhya paryāhuḥ // (52) Par.?
brahma vai brahmā // (53) Par.?
brahmaṇaivāsmin brahmāyur dadhāti // (54) Par.?
hiraṇyād adhi ghṛtaṃ niṣpāyayanti // (55) Par.?
amṛtaṃ vai hiraṇyam // (56) Par.?
āyur ghṛtam // (57) Par.?
amṛtād evainam adhy āyur niṣpāyayanti // (58) Par.?
nir iva dhayati // (59) Par.?
āyur evātman dhatte // (60) Par.?
tad asmā ābadhnāti // (61) Par.?
āyuṣainaṃ samardhayati // (62) Par.?
āgneyyābadhnāti // (63) Par.?
agnir vai sarvā devatāḥ // (64) Par.?
sarvābhir evāsmin devatābhir āyur dadhāti // (65) Par.?
agnir āyuḥ // (66) Par.?
tasya manuṣyā āyuṣkṛtaḥ // (67) Par.?
tenāyuṣāyuṣmān edhīti // (68) Par.?
yo vai devān āyuṣmataś cāyuṣkṛtaś ca veda sarvam āyur eti na purāyuṣaḥ pramīyate // (69) Par.?
ete vai devā āyuṣmantaś cāyuṣkṛtaś ca yad ime prāṇāḥ // (70) Par.?
te 'sminn āyur dadhati // (71) Par.?
aśvinoḥ prāṇo 'si // (72) Par.?
tau te prāṇaṃ dattāṃ // (73) Par.?
tena jīveti // (74) Par.?
ime vā ete prāṇāḥ // (75) Par.?
tān asmin dadhāti // (76) Par.?
tān asmād anapakramiṇaḥ karoti // (77) Par.?
daśa deyāḥ // (78) Par.?
daśa hy ātman prāṇāḥ // (79) Par.?
prāṇān asmin dadhāti // (80) Par.?
aśvo deyaḥ // (81) Par.?
vāso deyam // (82) Par.?
hiraṇyaṃ deyam // (83) Par.?
gaur deyaḥ // (84) Par.?
varo deyaḥ // (85) Par.?
bahu deyam // (86) Par.?
Duration=0.20863914489746 secs.