Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 14048
  • Click on a sentence to show its analysis
  • Keep the mouse pointer over a lemma to show its meanings.
viśvarūpo vai tvāṣṭra āsīt triśīrṣāsurāṇāṃ svasrīyaḥ // (1) Par.?
sa somam ekena śīrṣṇāpibat // (2) Par.?
surām ekena // (3) Par.?
annam ekenāvayat // (4) Par.?
sa indro 'manyata // (5) Par.?
ayaṃ vāvedaṃ bhaviṣyatīti // (6) Par.?
tena samalabhata // (7) Par.?
tena yugaśaram apatat // (8) Par.?
sa takṣāṇaṃ tiṣṭhantam abravīt // (9) Par.?
ādhāvemāny asya śīrṣāṇi chinddhīti // (10) Par.?
tasya takṣopaskandya paraśunā śīrṣāṇy achinat // (11) Par.?
tasmāt takṣṇe śiro dhṛtam // (12) Par.?
tasmād asyānnam anādyam // (13) Par.?
tasya yat somapaṃ śirā āsīt sa kapiñjalo 'bhavat // (14) Par.?
yat surāpaṃ sa kalaviṅkaḥ // (15) Par.?
yenānnam āvayat sa tittiriḥ // (16) Par.?
sa vai tvaṣṭā putre hate somam āharad ṛta indram // (17) Par.?
tam adhaḥ śataśale 'sunot // (18) Par.?
atho āhuḥ sahasraśalā iti // (19) Par.?
tasmin vā indra upahavam aicchata // (20) Par.?
taṃ nopāhvayata // (21) Par.?
taṃ prāsahādāya nāḍyā nirapibat // (22) Par.?
sa somapīthena vyārdhyata // (23) Par.?
tasmāt somo nānupahūtena peyaḥ // (24) Par.?
somapīthena ha vyardhuko bhavati // (25) Par.?
yad ito 'mucyata tau siṃhā abhavatām // (26) Par.?
yad itas tau vyāghrau // (27) Par.?
yad itas tau vṛkau // (28) Par.?
yat prathamaṃ niraṣṭhīvat tat kuvalam abhavat // (29) Par.?
yad dvitīyaṃ tad badaram // (30) Par.?
yat tṛtīyaṃ tat karkandhuḥ // (31) Par.?
yad adhastāt sā surā // (32) Par.?
taṃ vā etayāśvinā ayājayatāṃ sautrāmaṇyā // (33) Par.?
sa yair eva tad indriyair vīryair vyārdhyata tāny asminn āptvādhattām // (34) Par.?
somenātipupuvānaṃ yājayet // (35) Par.?
indriyeṇa vā eṣa vīryeṇa vyṛdhyate yaṃ somo 'tipavate // (36) Par.?
yāvad evendriyaṃ vīryaṃ tad asminn āptvā dadhāti // (37) Par.?
rājasūyenābhiṣiṣicānaṃ yājayet // (38) Par.?
indriyeṇa vā eṣa vīryeṇa vyṛdhyate yo rājasūyenābhiṣiñcate // (39) Par.?
yāvad evendriyaṃ vīryaṃ tad asminn āptvā dadhāti // (40) Par.?
bhūtikāmaṃ yājayet // (41) Par.?
indriyeṇa vā eṣa vīryeṇa vyṛdhyate yo 'laṃ bhūtyai san na bhavati // (42) Par.?
yāvad evendriyaṃ vīryaṃ tad asminn āptvā dadhāti // (43) Par.?
jyogāmayāvinaṃ yājayet // (44) Par.?
indriyeṇa vā eṣa vīryeṇa vyṛdhyate yasya jyog āmayati // (45) Par.?
yāvad evendriyaṃ vīryaṃ tad asminn āptvā dadhāti // (46) Par.?
nānārtena yaṣṭavyam // (47) Par.?
ity āhuḥ // (48) Par.?
ārtayajña iva hy eṣa // (49) Par.?
tad āhuḥ // (50) Par.?
yaṣṭavyam eva // (51) Par.?
sarvo hi puruṣā ārtaḥ sarvo bubhūṣati // (52) Par.?
yad āśvinī // (53) Par.?
aśvinau hy abhiṣajyatām // (54) Par.?
yat sārasvatī // (55) Par.?
vāg vai sarasvatī // (56) Par.?
vācā hy abhiṣajyatām // (57) Par.?
yad aindrī // (58) Par.?
indre hi tau tānīndriyāṇi vīryāṇy āptvādhattām // (59) Par.?
Duration=0.12395596504211 secs.