Texts

Help

Select a text:
Bibliography
Select a chapter:
 (no revisions)
Associated topic(s): Mahāyāna

Show parallels  Show headlines
Use dependency labeler
Chapter id: 13303
  • Click on a sentence to show its analysis
  • Keep the mouse pointer over a lemma to show its meanings.
atha khalu bhagavan bhaiṣajyarājaṃ bodhisattvaṃ mahāsattvamārabhya tānyaśītiṃ bodhisattvasahasrāṇyāmantrayate sma / (1.1) Par.?
paśyasi tvaṃ bhaiṣajyarāja asyāṃ parṣadi bahudevanāgayakṣagandharvāsuragaruḍakinnaramahoragamanuṣyāmanuṣyān bhikṣubhikṣuṇyupāsakopāsikāḥ śrāvakayānīyān pratyekabuddhayānīyān bodhisattvayānīyāṃśca yairayaṃ dharmaparyāyastathāgatasya saṃmukhaṃ śrutaḥ / (1.2) Par.?
āha / (1.3) Par.?
paśyāmi bhagavan paśyāmi sugata // (1.4) Par.?
bhagavānāha / (2.1) Par.?
sarve khalvete bhaiṣajyarāja bodhisattvā mahāsattvā yairasyāṃ parṣadi antaśaḥ ekāpi gāthā śrutaikapadamapi śrutaṃ yairvā punarantaśa ekacittotpādenāpy anumoditamidaṃ sūtram // (2.2) Par.?
sarvā etā ahaṃ bhaiṣajyarāja catasraḥ parṣado vyākaromyanuttarāyāṃ samyaksaṃbodhau // (3.1) Par.?
ye 'pi kecid bhaiṣajyarāja tathāgatasya parinirvṛtasya imaṃ dharmaparyāyaṃ śroṣyanty antaśa ekagāthāmapi śrutvāntaśa ekenāpi cittotpādena abhyanumodayiṣyanti tānapyahaṃ bhaiṣajyarāja kulaputrān vā kuladuhitṝr vā vyākaromyanuttarāyāṃ samyaksaṃbodhau // (4.1) Par.?
paripūrṇabuddhakoṭīnayutaśatasahasraparyupāsitāvinaste bhaiṣajyarāja kulaputrā vā kuladuhitaro vā bhaviṣyanti // (5.1) Par.?
buddhakoṭīnayutaśatasahasrakṛtapraṇidhānās te bhaiṣajyarāja kulaputrā vā kuladuhitaro vā bhaviṣyanti // (6.1) Par.?
sattvānāmanukampārthamasmin jambudvīpe manuṣyeṣu pratyājātā veditavyā ya ito dharmaparyāyādantaśa ekagāthāmapi dhārayiṣyanti vācayiṣyanti prakāśayiṣyanti saṃgrāhayiṣyanti likhiṣyanti likhitvā cānusmariṣyanti kālena ca kālaṃ vyavalokayiṣyanti // (7.1) Par.?
tasmiṃśca pustake tathāgatagauravamutpādayiṣyanti śāstṛgauraveṇa satkariṣyanti gurukariṣyanti mānayiṣyanti pūjayiṣyanti // (8.1) Par.?
taṃ ca pustakaṃ puṣpadhūpagandhamālyavilepanacūrṇacīvaracchatradhvajapatākāvādyādibhir namaskārāñjalikarmabhiśca pūjayiṣyanti // (9.1) Par.?
ye kecid bhaiṣajyarāja kulaputrā vā kuladuhitaro vā ito dharmaparyāyādantaśa ekagāthāmapi dhārayiṣyanti anumodayiṣyanti vā sarvāṃstānahaṃ bhaiṣajyarāja vyākaromyanuttarāyāṃ samyaksaṃbodhau // (10.1) Par.?
tatra bhaiṣajyarāja yaḥ kaścidanyataraḥ puruṣo vā strī vā evaṃ vadet / (11.1) Par.?
kīdṛśāḥ khalvapi te sattvā bhaviṣyantyanāgate 'dhvani tathāgatā arhantaḥ samyaksaṃbuddhā iti / (11.2) Par.?
tasya bhaiṣajyarāja puruṣasya vā striyā vā sa kulaputro vā kuladuhitā vā darśayitavyo ya ito dharmaparyāyādantaśaścatuṣpādikāmapi gāthāṃ dhārayitā śrāvayitā vā deśayitā vā sagauravo veha dharmaparyāye // (11.3) Par.?
ayaṃ sa kulaputro vā kuladuhitā vā yo hyanāgate 'dhvani tathāgato 'rhan samyaksaṃbuddho bhaviṣyati // (12.1) Par.?
evaṃ paśya // (13.1) Par.?
tatkasya hetoḥ / (14.1) Par.?
sa hi bhaiṣajyarāja kulaputro vā kuladuhitā vā tathāgato veditavyaḥ sadevakena lokena // (14.2) Par.?
tasya ca tathāgatasyaivaṃ satkāraḥ kartavyo yaḥ khalvasmāddharmaparyāyādantaśa ekagāthāmapi dhārayet / (15.1) Par.?
kaḥ punarvādo ya imaṃ dharmaparyāyaṃ sakalasamāptam udgṛhṇīyād dhārayedvā vācayedvā paryavāpnuyādvā prakāśayedvā likhedvā likhāpayedvā likhitvā cānusmaret // (15.2) Par.?
tatra ca pustake satkāraṃ kuryāt gurukāraṃ kuryāt mānanāṃ pūjanāmarcanāmapacāyanāṃ puṣpadhūpagandhamālyavilepanacūrṇacīvaracchatradhvajapatākāvādyāñjalinamaskāraiḥ praṇāmaiḥ // (16.1) Par.?
Vaidya 143, Dutt 149
pariniṣpannaḥ sa bhaiṣajyarāja kulaputro vā kuladuhitā vā anuttarāyāṃ samyaksaṃbodhau veditavyaḥ // (17.1) Par.?
tathāgatadarśī ca veditavyaḥ // (18.1) Par.?
lokasya hitānukampakaḥ praṇidhānavaśenopapanno 'smin jambudvīpe manuṣyeṣu asya dharmaparyāyasya saṃprakāśanatāyai // (19.1) Par.?
yaḥ svayamudāraṃ dharmābhisaṃskāramudārāṃ ca buddhakṣetropapattiṃ sthāpayitvā asya dharmaparyāyasya saṃprakāśanahetormayi parinirvṛte sattvānāṃ hitārthamanukampārthaṃ ca ihopapanno veditavyaḥ // (20.1) Par.?
tathāgatadūtaḥ sa bhaiṣajyarāja kulaputro vā kuladuhitā vā veditavyaḥ // (21.1) Par.?
tathāgatakṛtyakarastathāgatasaṃpreṣitaḥ sa bhaiṣajyarāja kulaputro vā kuladuhitā vā saṃjñātavyo ya imaṃ dharmaparyāyaṃ tathāgatasya parinirvṛtasya saṃprakāśayed antaśo rahasi cauryeṇāpi kasyacidekasattvasyāpi saṃprakāśayedācakṣīta vā // (22.1) Par.?
yaḥ khalu punarbhaiṣajyarāja kaścideva sattvo duṣṭacittaḥ pāpacitto raudracittastathāgatasya saṃmukhaṃ kalpamavarṇaṃ bhāṣed yaśca teṣāṃ tathārūpāṇāṃ dharmabhāṇakānāmasya sūtrāntasya dhārakāṇāṃ gṛhasthānāṃ vā pravrajitānāṃ vā ekāmapi vācamapriyāṃ saṃśrāvayed bhūtāṃ vā abhūtāṃ vedam āgāḍhataraṃ pāpakaṃ karmeti vadāmi // (23.1) Par.?
tatkasya hetoḥ / (24.1) Par.?
Dutt 151
tathāgatābharaṇapratimaṇḍitaḥ sa bhaiṣajyarāja kulaputro vā kuladuhitā vā veditavyaḥ // (24.2) Par.?
tathāgataṃ sa bhaiṣajyarāja aṃsena pariharati ya imaṃ dharmaparyāyaṃ likhitvā pustakagataṃ kṛtvā aṃsena pariharati // (25.1) Par.?
sa yena yenaiva prakrāmet tena tenaiva sattvair añjalīkaraṇīyaḥ satkartavyo gurukartavyo mānayitavyaḥ pūjayitavyo 'rcayitavyo 'pacāyitavyo divyamānuṣyakaiḥ puṣpadhūpagandhamālyavilepanacūrṇacīvaracchatradhvajapatākāvādyakhādyabhojyānnapānayānair agraprāptaiśca divyai ratnarāśibhiḥ // (26.1) Par.?
sa dharmabhāṇakaḥ satkartavyo gurukartavyo mānayitavyaḥ pūjayitavyo divyāśca ratnarāśayastasya dharmabhāṇakasyopanāmayitavyāḥ // (27.1) Par.?
tatkasya hetoḥ / (28.1) Par.?
apyeva nāma ekavāramapi imaṃ dharmaparyāyaṃ saṃśrāvayed yaṃ śrutvā aprameyā asaṃkhyeyāḥ sattvāḥ kṣipramanuttarāyāṃ samyaksaṃbodhau pariniṣpadyeyuḥ // (28.2) Par.?
atha khalu bhagavāṃstasyāṃ velāyāmimā gāthā abhāṣata // (29.1) Par.?
buddhatve sthātukāmena svayaṃbhūjñānamicchatā / (30.1) Par.?
satkartavyāśca te sattvā ye dhārenti imaṃ nayam // (30.2) Par.?
sarvajñatvaṃ ca yo icchet kathaṃ śīrghaṃ bhavediti / (31.1) Par.?
sa imaṃ dhārayet sūtraṃ satkuryādvāpi dhārakam // (31.2) Par.?
preṣito lokanāthena sattvavaineyakāraṇāt / (32.1) Par.?
sattvānāmanukampārthaṃ sūtraṃ yo vācayedidam // (32.2) Par.?
upapattiṃ śūbhāṃ tyaktvā sa dhīra iha āgataḥ / (33.1) Par.?
sattvānāmanukampārthaṃ sūtraṃ yo dhārayedidam // (33.2) Par.?
upapatti vaśā tasya yena so dṛśyate tahi / (34.1) Par.?
paścime kāli bhāṣanto idaṃ sūtraṃ niruttaram // (34.2) Par.?
divyehi puṣpehi ca satkareta mānuṣyakaiścāpi hi sarvagandhaiḥ / (35.1) Par.?
divyehi vastrehi ca chādayeyā ratnehi abhyokiri dharmabhāṇakam // (35.2) Par.?
kṛtāñjalī tasya bhaveta nityaṃ yathā jinendrasya svayaṃbhuvastathā / (36.1) Par.?
yaḥ paścime kāli subhairave 'smin parinirvṛtasya ida sutra dhārayet // (36.2) Par.?
khādyaṃ ca bhojyaṃ ca tathānnapānaṃ vihāraśayyāsanavastrakoṭyaḥ / (37.1) Par.?
dadeya pūjārtha jinātmajasya apyekavāraṃ pi vadeta sūtram // (37.2) Par.?
tathāgatānāṃ karaṇīya kurvate mayā ca so preṣita mānuṣaṃ bhavam / (38.1) Par.?
yaḥ sūtrametaccarimasmi kāle likheya dhāreya śruṇeya vāpi // (38.2) Par.?
yaścaiva sthitveha jinasya saṃmukhaṃ śrāvedavarṇaṃ paripūrṇakalpam / (39.1) Par.?
praduṣṭacitto bhṛkuṭiṃ karitvā bahuṃ naro 'sau prasaveta pāpam // (39.2) Par.?
yaścāpi sūtrāntadharāṇa teṣāṃ prakāśayantāniha sūtrametat / (40.1) Par.?
avarṇamākrośa vadeya teṣāṃ bahūtaraṃ tasya vadāmi pāpam // (40.2) Par.?
naraśca yo saṃmukha saṃstaveyā kṛtāñjalī māṃ paripūrṇakalpam / (41.1) Par.?
gāthāna koṭīnayutairanekaiḥ paryeṣamāṇo imamagrabodhim // (41.2) Par.?
bahuṃ khu so tatra labheta puṇyaṃ māṃ saṃstavitvāna praharṣajātaḥ / (42.1) Par.?
ataśca so bahutarakaṃ labheta yo varṇa teṣāṃ pravadenmanuṣyaḥ // (42.2) Par.?
aṣṭādaśa kalpasahasrakoṭyo yasteṣu pusteṣu karoti pūjām / (43.1) Par.?
śabdehi rūpehi rasehi cāpi divyaiśca gandhaiśca sparśaiśca divyaiḥ // (43.2) Par.?
karitva pustāna tathaiva pūjāṃ aṣṭādaśa kalpasahasrakoṭyaḥ / (44.1) Par.?
yadi śruṇo ekaśa eta sūtraṃ āścaryalābho 'sya bhavenmahāniti // (44.2) Par.?
Dutt 153
ārocayāmi te bhaiṣajyarāja prativedayāmi te // (45.1) Par.?
bahavo hi mayā bhaiṣajyarāja dharmaparyāyā bhāṣitā bhāṣāmi bhāṣiṣye ca // (46.1) Par.?
sarveṣāṃ ca teṣāṃ bhaiṣajyarāja dharmaparyāyāṇāmayameva dharmaparyāyaḥ sarvalokavipratyanīkaḥ sarvalokāśraddadhanīyaḥ // (47.1) Par.?
tathāgatasyāpyetad bhaiṣajyarāja ādhyātmikadharmarahasyaṃ tathāgatabalasaṃrakṣitam apratibhinnapūrvam anācakṣitapūrvam anākhyātam idaṃ sthānam // (48.1) Par.?
bahujanapratikṣipto 'yaṃ bhaiṣajyarāja dharmaparyāyastiṣṭhato 'pi tathāgatasya kaḥ punarvādaḥ parinirvṛtasya // (49.1) Par.?
api tu khalu punarbhaiṣajyarāja tathāgatacīvaracchannāste kulaputrā vā kuladuhitaro vā veditavyāḥ // (50.1) Par.?
anyalokadhātusthitaiśca tathāgatairavalokitāśca adhiṣṭhitāśca // (51.1) Par.?
pratyātmikaṃ ca teṣāṃ śraddhābalaṃ bhaviṣyati kuśalamūlabalaṃ ca praṇidhānabalaṃ ca // (52.1) Par.?
tathāgatavihāraikasthānanivāsinaśca te bhaiṣajyarāja kulaputrā vā kuladuhitaro vā bhaviṣyanti tathāgatapāṇiparimārjitamūrdhānaśca te bhaviṣyanti ya imaṃ dharmaparyāyaṃ tathāgatasya parinirvṛtasya śraddadhiṣyanti vācayiṣyanti likhiṣyanti satkariṣyanti gurukariṣyanti pareṣāṃ ca saṃśrāvayiṣyanti // (53.1) Par.?
yasmin khalu punarbhaiṣajyarāja pṛthivīpradeśe 'yaṃ dharmaparyāyo bhāṣyeta vā deśyeta vā likhyeta vā svādhyāyeta vā saṃgāyeta vā tasmin bhaiṣajyarāja pṛthivīpradeśe tathāgatacaityaṃ kārayitavyaṃ mahantaṃ ratnamayamuccaṃ pragṛhītam // (54.1) Par.?
na ca tasminnavaśyaṃ tathāgataśarīrāṇi pratiṣṭhāpayitavyāni // (55.1) Par.?
tatkasya hetoḥ / (56.1) Par.?
ekaghanameva tasmiṃstathāgataśarīramupanikṣiptaṃ bhavati yasmin pṛthivīpradeśe 'yaṃ dharmaparyāyo bhāṣyeta vā deśyeta vā paṭhyeta vā saṃgāyeta vā likhyeta vā likhito vā pustakagatastiṣṭhet // (56.2) Par.?
tasmiṃśca stūpe satkāro gurukāro mānanā pūjanā arcanā karaṇīyā sarvapuṣpadhūpagandhamālyavilepanacūrṇacīvaracchatradhvajapatākāvaijayantībhiḥ // (57.1) Par.?
sarvagītavādyanṛtyatūryatālāvacarasaṃgītisaṃpravāditaiḥ pūjā karaṇīyā // (58.1) Par.?
ye ca khalu punarbhaiṣajyarāja sattvāstaṃ tathāgatacaityaṃ labheran vandanāya pūjanāya darśanāya vā sarve te bhaiṣajyarāja abhyāsannībhūtā veditavyā anuttarāyāḥ samyaksaṃbodheḥ // (59.1) Par.?
Vaidya 146
tatkasya hetoḥ / (60.1) Par.?
bahavo bhaiṣajyarāja gṛhasthāḥ pravrajitāśca bodhisattvacaryāṃ caranti na ca punarimaṃ dharmaparyāyaṃ labhante darśanāya vā śravaṇāya vā likhanāya vā pūjanāya vā // (60.2) Par.?
na tāvatte bhaiṣajyarāja bodhisattvacaryāyāṃ kuśalā bhavanti yāvannemaṃ dharmaparyāyaṃ śṛṇvanti // (61.1) Par.?
ye tvimaṃ dharmaparyāyaṃ śṛṇvanti śrutvā cādhimucyanti avataranti vijānanti parigṛhṇanti tasmin samaye te āsannasthāyino bhaviṣyantyanuttarāyāṃ samyaksaṃbodhāvabhyāśībhūtāḥ // (62.1) Par.?
tadyathāpi nāma bhaiṣajyarāja kaścideva puruṣo bhavedudakārthī udakagaveṣī // (63.1) Par.?
sa udakārtham ujjaṅgale pṛthivīpradeśe udapānaṃ khānayet // (64.1) Par.?
sa yāvat paśyecchuṣkaṃ pāṇḍaraṃ pāṃsuṃ nirvāhyamānaṃ tāvajjānīyād dūra itastāvad udakamiti // (65.1) Par.?
atha pareṇa samayena sa puruṣa ārdrapāṃsum udakasaṃmiśraṃ kardamapaṅkabhūtam udakabindubhiḥ sravadbhirnirvāhyamānaṃ paśyet tāṃśca puruṣānudapānakhānakān kardamapaṅkadigdhāṅgān atha khalu punarbhaiṣajyarāja sa puruṣastatpūrvanimittaṃ dṛṣṭvā niṣkāṅkṣo bhavennirvicikitsaḥ / (66.1) Par.?
āsannamidaṃ khalūdakamiti // (66.2) Par.?
evameva bhaiṣajyarāja dūre te bodhisattvā mahāsattvā bhavantyanuttarāyāṃ samyaksaṃbodhau yāvannemaṃ dharmaparyāyaṃ śṛṇvanti nodgṛhṇanti nāvataranti nāvagāhante na cintayanti // (67.1) Par.?
yadā khalu punarbhaiṣajyarāja bodhisattvā mahāsattvā imaṃ dharmaparyāyaṃ śṛṇvanti udgṛhṇanti dhārayanti vācayanti avataranti svādhyāyanti cintayanti bhāvayanti tadā te 'bhyāśībhūtā bhaviṣyantyanuttarāyāṃ samyaksaṃbodhau // (68.1) Par.?
sattvānāmito bhaiṣajyarāja dharmaparyāyādanuttarā samyaksaṃbodhirājāyate // (69.1) Par.?
tatkasya hetoḥ / (70.1) Par.?
paramasaṃdhābhāṣitavivaraṇo hyayaṃ dharmaparyāyastathāgatair arhadbhiḥ samyaksaṃbuddhaiḥ // (70.2) Par.?
dharmanigūḍhasthānam ākhyātaṃ bodhisattvānāṃ mahāsattvānāṃ pariniṣpattihetoḥ // (71.1) Par.?
yaḥ kaścid bhaiṣajyarāja bodhisattvo 'sya dharmaparyāyasyottraset saṃtraset saṃtrāsamāpadyen navayānasamprasthitaḥ sa bhaiṣajyarāja bodhisattvo mahāsattvo veditavyaḥ // (72.1) Par.?
sacet punaḥ śrāvakayānīyo 'sya dharmaparyāyasyottraset saṃtraset saṃtrāsamāpadyetādhimānikaḥ sa bhaiṣajyarāja śrāvakayānikaḥ pudgalo veditavyaḥ // (73.1) Par.?
yaḥ kaścid bhaiṣajyarāja bodhisattvo mahāsattvastathāgatasya parinirvṛtasya paścime kāle paścime samaye imaṃ dharmaparyāyaṃ catasṛṇāṃ parṣadāṃ saṃprakāśayet tena bhaiṣajyarāja bodhisattvena mahāsattvena tathāgatalayanaṃ praviśya tathāgatacīvaraṃ prāvṛtya tathāgatasyāsane niṣadya ayaṃ dharmaparyāyaścatasṛṇāṃ parṣadāṃ saṃprakāśayitavyaḥ // (74.1) Par.?
katamacca bhaiṣajyarāja tathāgatalayanam / (75.1) Par.?
sarvasattvamaitrīvihāraḥ khalu punarbhaiṣajyarāja tathāgatalayanam // (75.2) Par.?
tatra tena kulaputreṇa praveṣṭavyam // (76.1) Par.?
katamacca bhaiṣajyarāja tathāgatacīvaram / (77.1) Par.?
mahākṣāntisauratyaṃ khalu punarbhaiṣajyarāja tathāgatacīvaram // (77.2) Par.?
tattena kulaputreṇa vā kuladuhitrā vā prāvaritavyam // (78.1) Par.?
katamacca bhaiṣajyarāja tathāgatasya dharmāsanam / (79.1) Par.?
sarvadharmaśūnyatāpraveśaḥ khalu punarbhaiṣajyarāja tathāgatasya dharmāsanam // (79.2) Par.?
tatra tena kulaputreṇa niṣattavyaṃ niṣadya cāyaṃ dharmaparyāyaścatasṛṇāṃ parṣadāṃ saṃprakāśayitavyaḥ // (80.1) Par.?
anavalīnacittena bodhisattvena purastādbodhisattvagaṇasya bodhisattvayānasamprasthitānāṃ catasṛṇāṃ parṣadāṃ saṃprakāśayitavyaḥ // (81.1) Par.?
anyalokadhātusthitaścāhaṃ bhaiṣajyarāja tasya kulaputrasya nirmitaiḥ parṣadaḥ samāvartayiṣyāmi // (82.1) Par.?
Vaidya 147
nirmitāṃśca bhikṣubhikṣuṇyupāsakopāsikāḥ saṃpreṣayiṣyāmi dharmaśravaṇāya // (83.1) Par.?
te tasya dharmabhāṇakasya bhāṣitaṃ na pratibādhiṣyanti na pratikṣepsyanti // (84.1) Par.?
sacetkhalu punararaṇyagato bhaviṣyati tatrāpyahamasya bahudevanāgayakṣagandharvāsuragaruḍakinnaramahoragān saṃpreṣayiṣyāmi dharmaśravaṇāya // (85.1) Par.?
anyalokadhātusthitaścāhaṃ bhaiṣajyarāja tasya kulaputrasya mukhamupadarśayiṣyāmi // (86.1) Par.?
yāni ca asya asmāddharmaparyāyāt padavyañjanāni paribhraṣṭāni bhaviṣyanti tāni tasya svādhyāyataḥ pratyuccārayiṣyāmi // (87.1) Par.?
atha khalu bhagavāṃstasyāṃ velāyāmimā gāthā abhāṣata // (88.1) Par.?
līyanāṃ sarva varjitvā śṛṇuyāt sūtramīdṛśam / (89.1) Par.?
durlabho vai śravo hyasya adhimuktī pi durlabhā // (89.2) Par.?
udakārthī yathā kaścit khānayet kūpa jaṅgale / (90.1) Par.?
śuṣkaṃ ca pāṃsu paśyeta khānyamāne punaḥ punaḥ // (90.2) Par.?
so dṛṣṭvā cintayettatra dūre vāri ito bhavet / (91.1) Par.?
idaṃ nimittaṃ dūre syāt śuṣkapāṃsuritotsṛtaḥ // (91.2) Par.?
yadā tu ārdraṃ paśyeta pāṃsuṃ snigdhaṃ punaḥ punaḥ / (92.1) Par.?
niṣṭhā tasya bhavettatra nāsti dūre jalaṃ iha // (92.2) Par.?
evameva tu te dūre buddhajñānasya tādṛśāḥ / (93.1) Par.?
aśṛṇvanta idaṃ sūtramabhāvitvā punaḥ punaḥ // (93.2) Par.?
yadā tu gambhīramidaṃ śrāvakāṇāṃ viniścayam / (94.1) Par.?
sūtrarājaṃ śruṇiṣyanti cintayiṣyanti vā sakṛt // (94.2) Par.?
te bhonti saṃnikṛṣṭā vai buddhajñānasya paṇḍitāḥ / (95.1) Par.?
yathaiva cārdre pāṃsusmin āsannaṃ jalamucyate // (95.2) Par.?
jinasya lenaṃ praviśitvā prāvaritvā mi cīvaram / (96.1) Par.?
mamāsane niṣīditvā abhīto bhāṣi paṇḍitaḥ // (96.2) Par.?
maitrībalaṃ ca layanaṃ kṣāntisauratya cīvaram / (97.1) Par.?
śūnyatā cāsanaṃ mahyamatra sthitvā hi deśayet // (97.2) Par.?
loṣṭaṃ daṇḍaṃ vātha śaktī ākrośa tarjanātha vā / (98.1) Par.?
bhāṣantasya bhavettatra smaranto mama tā sahet // (98.2) Par.?
kṣetrakoṭīsahasresu ātmabhāvo dṛḍho mama / (99.1) Par.?
deśemi dharma sattvānāṃ kalpakoṭīracintiyāḥ // (99.2) Par.?
ahaṃ pi tasya vīrasya yo mahya parinirvṛte / (100.1) Par.?
idaṃ sūtraṃ prakāśeyā preṣeṣye bahu nirmitān // (100.2) Par.?
bhikṣavo bhikṣuṇīyā ca upāsakā upāsikāḥ / (101.1) Par.?
tasya pūjāṃ kariṣyanti parṣadaśca samā api // (101.2) Par.?
loṣṭaṃ daṇḍāṃstathākrośāṃstarjanāṃ paribhāṣaṇām / (102.1) Par.?
ye cāpi tasya dāsyanti vāreṣyanti sma nirmitāḥ // (102.2) Par.?
yadāpi caiko viharan svādhyāyanto bhaviṣyati / (103.1) Par.?
narairvirahite deśe aṭavyāṃ parvateṣu vā // (103.2) Par.?
tato 'sya ahaṃ darśiṣye ātmabhāva prabhāsvaram / (104.1) Par.?
skhalitaṃ cāsya svādhyāyamuccāriṣye punaḥ punaḥ // (104.2) Par.?
tahiṃ ca sya viharato ekasya vanacāriṇaḥ / (105.1) Par.?
devān yakṣāṃśca preṣiṣye sahāyāṃstasya naikaśaḥ // (105.2) Par.?
etādṛśāstasya guṇā bhavanti caturṇa parṣāṇa prakāśakasya / (106.1) Par.?
eko vihāre vanakandareṣu svādhyāya kurvantu mamāhi paśyet // (106.2) Par.?
pratibhāna tasya bhavatī asaṅgaṃ nirukti dharmāṇa bahū prajānāti / (107.1) Par.?
toṣeti so prāṇisahasrakoṭyaḥ yathāpi buddhena adhiṣṭhitatvāt // (107.2) Par.?
ye cāpi tasyāśrita bhonti sattvāste bodhisattvā laghu bhonti sarve / (108.1) Par.?
tatsaṃgatiṃ cāpi niṣevamāṇāḥ paśyanti buddhāna yatha gaṅgavālikāḥ // (108.2) Par.?
Duration=0.3516480922699 secs.