Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 14050
  • Click on a sentence to show its analysis
  • Keep the mouse pointer over a lemma to show its meanings.
tato yaḥ somo 'tyaricyata tam agnā upaprāvartayat // (1) Par.?
svāhendraśatrur vardhasveti // (2) Par.?
indrasyāhainaṃ śatrum acikīrṣad indram asya śatrum akarot // (3) Par.?
tathā vāk svayam eva vyait // (4) Par.?
sa yaṃ somaṃ prāvartayad yasmiṃś cāgnā upaprāvartayat tā agnīṣomau devate prāṇāpānā abhisamabhavatām // (5) Par.?
sa yāvad ūrdhvabāhuḥ parāvidhyat tāvati vyaramata // (6) Par.?
yadi vā pravaṇaṃ tāvad āsīd yadi vāgner adhi tāvad āsīt // (7) Par.?
sa vā iṣumātram evāhnā tiryaṅṅ avardhateṣumātram anvaṅ // (8) Par.?
atho āhuḥ // (9) Par.?
ahorātre eveṣumātraṃ tiryaṅṅ avardhateṣumātram anvaṅṅ iti // (10) Par.?
atho āhuḥ // (11) Par.?
ardhamāsam atho māsam atho saṃvatsaram iti // (12) Par.?
sa vā imāḥ sarvāḥ srotyāḥ paryaśayat // (13) Par.?
tasmād vā indro 'bibhet // (14) Par.?
tasmād u tvaṣṭābibhet // (15) Par.?
tasyendraḥ prattim aicchat // (16) Par.?
tām asmai prāyacchat // (17) Par.?
tasmai tvaṣṭā vajram asiñcat // (18) Par.?
tapo vai sa vajra āsīt // (19) Par.?
tam udyamaṃ nāśaknot // (20) Par.?
atha vai tarhi viṣṇur anyā devatāsīt // (21) Par.?
so 'bravīt // (22) Par.?
viṣṇā ehīdam āhariṣyāvo yenāyam idam iti // (23) Par.?
sa tredhātmānaṃ vinyadhatta // (24) Par.?
abhiparyāvartād abibhet // (25) Par.?
asyāṃ tṛtīyam // (26) Par.?
antarikṣe tṛtīyam // (27) Par.?
divi tṛtīyam // (28) Par.?
sa yad asyāṃ tṛtīyam āsīt tena vajram udayacchad viṣṇvanuṣṭhitaḥ // (29) Par.?
sa vajram udyataṃ dṛṣṭvābibhet // (30) Par.?
so 'bravīt // (31) Par.?
asti vā idaṃ tyasminn antar vīryam // (32) Par.?
tat te pradāsyāmi // (33) Par.?
mā mā vadhīr iti // (34) Par.?
tad vā asmai prāyacchat // (35) Par.?
tat pratyagṛhṇāt // (36) Par.?
adhā meti // (37) Par.?
tad viṣṇave 'tiprāyacchat // (38) Par.?
tad viṣṇuḥ pratyagṛhṇāt // (39) Par.?
asmāsv indra indriyaṃ dadhātv asmān rāyo maghavānaḥ sacantām // (40) Par.?
asmākaṃ santv āśiṣa iti // (41) Par.?
so 'vet // (42) Par.?
asti vāvāsminn antar vīryam iti // (43) Par.?
sa yad antarikṣe tṛtīyam āsīt tena vajram udayacchad viṣṇvanuṣṭhitaḥ // (44) Par.?
sa vajram udyataṃ dṛṣṭvābibhet // (45) Par.?
so 'bravīt // (46) Par.?
asti vā idaṃ tyasminn antar vīryam // (47) Par.?
tat te pradāsyāmi // (48) Par.?
mā mā vadhīr iti // (49) Par.?
tad vā asmai prāyacchat // (50) Par.?
tat pratyagṛhṇāt // (51) Par.?
dvir mādhā iti // (52) Par.?
tad viṣṇave 'tiprāyacchat // (53) Par.?
tad viṣṇuḥ pratyagṛhṇāt // (54) Par.?
asmāsv indra indriyaṃ dadhātv asmān rāyo maghavānaḥ sacantām // (55) Par.?
asmākaṃ santv āśiṣā iti // (56) Par.?
so 'vet // (57) Par.?
asti vāvāsminn antar vīryam iti // (58) Par.?
sa yad divi tṛtīyam āsīt tena vajram udayacchad viṣṇvanuṣṭhitaḥ // (59) Par.?
sa vajram udyataṃ dṛṣṭvābibhet // (60) Par.?
so 'bravīt // (61) Par.?
asti vā idaṃ tyasminn antar vīryam // (62) Par.?
tat te pradāsyāmi // (63) Par.?
mā mā vadhīḥ // (64) Par.?
saṃdhāṃ nu saṃdadhāvahai yathā tvām eva praviśānīti // (65) Par.?
so 'bravīt // (66) Par.?
yan māṃ praviśeḥ kiṃ me tataḥ syād iti // (67) Par.?
so 'bravīt // (68) Par.?
tvām evendhīya tava bhogāya tvāṃ praviśeyam iti // (69) Par.?
tad vā asmai prāyacchat // (70) Par.?
tat pratyagṛhṇāt // (71) Par.?
trir mādhā iti // (72) Par.?
tad vāva traidhātavyā // (73) Par.?
sahasraṃ vā asmai tat prāyacchad ṛcaḥ sāmāni yajūṃṣi // (74) Par.?
yad vā idaṃ kiṃ ca tat traidhātavyā // (75) Par.?
tad āpnoti paśūn eva // (76) Par.?
Duration=0.12420201301575 secs.