Texts

Help

Select a text:
Bibliography

Select a chapter:
(no revisions)

Associated topic(s): sautrāmaṇī

Show parallels Show headlines
Use dependency labeler

Chapter id: 15747

Click on a sentence to show its analysis
Keep the mouse pointer over a lemma to show its meanings.

somasyāgne vīhīty anuyajati // (1.1) Par.?

ahāvy agne havir āsye te srucīva ghṛtaṃ camū iva somaḥ / (2.1) Par.?

vājasaniṃ rayim asme suvīraṃ praśastaṃ dhehi yaśasaṃ bṛhantam // (2.2) Par.?

kīlālape somapṛṣṭhāya vedhase hṛdā matiṃ janaye cārum agnaya iti hutāṃ hūyamānāṃ vā yajamāno 'numantrayate // (3.1) Par.?

brāhmaṇaṃ parikrīṇīyād uccheṣaṇasya pātāram // (4.1) Par.?

nānā hi vāṃ devahitaṃ sado mitaṃ mā saṃsṛkṣāthāṃ parame vyoman / (5.1) Par.?

surā tvam asi śuṣmiṇī soma eṣa mā mā hiṃsīḥ svāṃ yonim āviśan // (5.2) Par.?

ahaṃ tad asya manasā śivena somaṃ rājānam iha bhakṣayāmīti vā svayaṃ pibet // (6.1) Par.?

dve srutī aśṛṇavaṃ pitṝṇām ahaṃ devānām uta martyānām / (7.1) Par.?

tābhyām idaṃ viśvaṃ bhuvanaṃ samety antarā pūrvam aparaṃ ca ketum iti vā valmīkavapāyām avanayet // (7.2) Par.?

dakṣiṇe 'gnau śatātṛṇṇāṃ sthālīṃ prabaddhāṃ dhārayati // (8.1) Par.?

tasyā bila udīcīnadaśaṃ pavitraṃ vitatya yan me manaḥ parāgatam iti tasmiñchatamānaṃ hiraṇyaṃ nidhāya somapratīkāḥ pitaras tṛpṇuteti tasmin surāśeṣam ānayati / (9.1) Par.?

somapratīkāḥ pitaro madantāṃ vyaśema devahitaṃ yad āyuḥ / (9.2) Par.?

indrapīto vicakṣaṇo vyaśema devahitaṃ yad āyur iti vā // (9.3) Par.?

sravantīṃ saumībhiḥ pitṛmatībhis tisṛbhistisṛbhir uttarottarābhir upatiṣṭhante // (10.1) Par.?

tvaṃ soma pracikita ity etā āmnātā bhavanti // (11.1) Par.?

purastād adhvaryuḥ / (12.1) Par.?

dakṣiṇato brahmā / (12.2) Par.?

paścāddhotā // (12.3) Par.?

yad agne kavyavāhaneti kāvyavāhanībhir dakṣiṇe 'gnau śatātṛṇṇāṃ pratiṣṭhāpayati yadi brāhmaṇo yajate // (13.1) Par.?

Duration=0.1867880821228 secs.