Texts

kāmyaiḥ paśubhir amāvāsyāyāṃ paurṇamāsyāṃ vā yajeta // (1.1) Par.?

teṣāṃ nirūḍhapaśubandhavatkalpaḥ // (2.1) Par.?

vāyavyaṃ śvetam iti te brāhmaṇavyākhyātāḥ // (3.1) Par.?

teṣām āvāpikeṣu sthāneṣu yathādevataṃ ṣaḍ ṛco nidadhāti / (4.1) Par.?

vapāyāḥ puroḍāśasya haviṣa iti dve dve // (4.2) Par.?

pīvo'nnāṁ rayivṛdhaḥ sumedhā ity etāni yathāpūrvaṃ yathāliṅgam āmnātāni bhavanti // (5.1) Par.?

sarveṣv ābhicaraṇikeṣu lohitoṣṇīṣā lohitavasanā nivītā ṛtvijaḥ pracaranti malhā iti // (6.1) Par.?

maṇilā ity arthaḥ // (7.1) Par.?

viṣama ālabheteti viṣamaṃ devayajanaṃ syāt paśuṃ vā viṣama ālabheta // (8.1) Par.?

daśarṣabhāyā daivate mīmāṃsā // (9.1) Par.?

ādityā syāt prājāpatyā vaikādaśinadevatā vā yaddevatā vā garbhiṇyaḥ // (10.1) Par.?

paryāriṇīti parihārasūr bhavati // (11.1) Par.?

sphyo yūpa iti sphyākṛtiyūpa agnyāgāriko vā // (12.1) Par.?

tvāṣṭraṃ vaḍabam iti yaṃ pumāṃsaṃ santam ārohati // (13.1) Par.?

apāṃ cauṣadhīnāṃ ca saṃdhāv iti prāvṛṣi śaratpratipattau vā / (14.1) Par.?

api vāpāṃ cauṣadhīnāṃ ca saṃdhau // (14.2) Par.?

viśākho yūpa iti yad ūrdhvaṃ raśanāyās tad viśākham / (15.1) Par.?

yad voparād ubhe śākhe aṣṭāśrī sacaṣāle syātām // (15.2) Par.?

prāśṛṅgo 'vāśṛṅga ukṣā vaśā vehad dhenur vatsa ṛṣabho 'naḍvān punarutsṛṣṭo gomṛga iti gavyāḥ // (16.1) Par.?

annāya vehatam ālabhate / (17.1) Par.?

vāce vehatam / (17.2) Par.?

śraddhāyai vehatam / (17.3) Par.?

brahmaṇa ṛṣabham // (17.4) Par.?

ā gāvo agmann ity upahomāḥ // (18.1) Par.?

mṛtyave vehatam // (19.1) Par.?

tatra bhartāram upajuhuyāt // (20.1) Par.?

sūryācandramobhyāṃ yamau śvetaṃ kṛṣṇam caikayūpe // (21.1) Par.?

adbhyo vehatam // (22.1) Par.?

tatra salilam upajuhuyāt // (23.1) Par.?

bhagāya vāśitām iti // (24.1) Par.?

ya ūrdhvam āśvināt paśavas teṣāṃ sūktakrameṇa vidhiḥ // (25.1) Par.?