Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): animal sacrifice, paśubandha, kāmyeṣṭi
Show parallels Show headlines
Use dependency labeler
Chapter id: 12646
- Click on a sentence to show its analysis
- Keep the mouse pointer over a lemma to show its meanings.
vāyavyam ajam ālabheta // (1) Par.?
aindraṃ vṛṣṇaṃ vṛṣabhaṃ vā vāruṇaṃ petvaṃ bhūtikāmaṃ yājayet // (2) Par.?
yad vāyave vāyur evainaṃ bhūtyai ninayati // (3) Par.?
indriyeṇa vā eṣa vīryeṇa vyṛdhyate yo 'laṃ bhūtyai san na bhavati // (4) Par.?
yad aindra indriyeṇaivainaṃ vīryeṇa samardhayati // (5) Par.?
varuṇagṛhīto vā eṣa yo 'laṃ bhūtyai san na bhavati // (6) Par.?
yad vāruṇo varuṇād evainaṃ tena muñcati // (7) Par.?
II 5,11(2)
etān evābhicarann ālabheta // (8) Par.?
yad vāyave vāyur evāsmai vajraṃ saṃśyati // (9) Par.?
aindro vai vajraḥ // (10) Par.?
indriyeṇa khalu vai vajraḥ prahriyate // (11) Par.?
yad aindro vajram evāsmai praharati // (12) Par.?
yad vāruṇo varuṇenaivainaṃ grāhayitvā stṛṇute // (13) Par.?
II 5,11(3)
sauryaṃ balakṣaṃ petvam ālabheta brahmavarcasakāmaḥ // (14) Par.?
asau vā ādityo brahmavarcasasya pradātā // (15) Par.?
tam eva bhāgadheyenopāsarat // (16) Par.?
so 'smai brahmavarcasaṃ prayacchati // (17) Par.?
yad balakṣaḥ samṛddhas tena // (18) Par.?
yad alūnaḥ samṛddhas tena // (19) Par.?
yat pīvā samṛddhas tena // (20) Par.?
trivṛd vāvāsmā etat samṛddhaṃ brahmavarcasaṃ dadhāti // (21) Par.?
II 5,11(4)
ādityaṃ bahurūpam ālabheta yasyāśvine śasyamāne sūryo nodiyāt // (22) Par.?
parācīr vā etasmai vyucchanti yasyāśvine śasyamāne sūryo nodeti // (23) Par.?
yad ādityo 'mum evāsmā unnayati // (24) Par.?
bahurūpo bhavati // (25) Par.?
bahūni vai raśmīnāṃ rūpāṇi // (26) Par.?
raśmīnām evāsmai rūpāṇy āptvonnayati // (27) Par.?
II 5,11(5)
agnir vai sṛṣṭo na vyarocata // (28) Par.?
so 'gnaye tejasvine 'jaṃ kṛṣṇagrīvam ālabhata // (29) Par.?
tena tejasvy abhavat // (30) Par.?
so 'kāmayata // (31) Par.?
sarvatra vibhaveyam iti // (32) Par.?
so 'gnaye vibhūtimate 'jaṃ kṛṣṇagrīvam ālabhata // (33) Par.?
tena sarvatra vyabhavat // (34) Par.?
so 'kāmayata // (35) Par.?
sarvatrāpibhāgaḥ syām iti // (36) Par.?
so 'gnaye bhāgine 'jaṃ kṛṣṇagrīvam ālabhata // (37) Par.?
tena sarvatrāpibhāgo 'bhavat // (38) Par.?
so 'kāmayata // (39) Par.?
dānakāmā me prajāḥ syur iti // (40) Par.?
so 'gnaye dātre 'jaṃ kṛṣṇagrīvam ālabhata // (41) Par.?
tenāsmai dānakāmāḥ prajā abhavan // (42) Par.?
yaḥ kāmayeta tejasvī syāṃ sarvatra vibhaveyaṃ sarvatrāpibhāgaḥ syāṃ dānakāmā me prajāḥ syur iti sa etān ajān kṛṣṇagrīvān ālabheta // (43) Par.?
tejasvī bhavati // (44) Par.?
sarvatra vibhavati // (45) Par.?
sarvatrāpibhāgo bhavati // (46) Par.?
dānakāmā asmai prajā bhavanti // (47) Par.?
II 5,11(6)
prājāpatyaṃ bahurūpam ālabheta paśukāmaḥ // (48) Par.?
prājāpatyā vai paśavaḥ // (49) Par.?
prajāpatiḥ paśūnāṃ prajanayitā // (50) Par.?
tam eva bhāgadheyenopāsarat // (51) Par.?
so 'smai paśūn prajanayati // (52) Par.?
bahurūpo bhavati // (53) Par.?
bahūni vai paśūnāṃ rūpāṇi // (54) Par.?
paśūnām evāsmai rūpāṇy āptvāvarunddhe // (55) Par.?
II 5,11(7)
yāmaṃ śukaharim ālabheta śuṇṭhaṃ vā yaḥ kāmayeta // (56) Par.?
yamaloka ṛdhnuyām ity etena vai yamo 'muṣmiṃlloka ārdhnot // (57) Par.?
yamo 'muṣya lokasyādhipatyam ānaśe // (58) Par.?
tam eva bhāgadheyenopāsarat // (59) Par.?
sa enam amuṣya lokasyādhipatyaṃ gamayati // (60) Par.?
ekadhā vā etena yamaloka ṛdhnoti // (61) Par.?
pare vayasi yaṣṭavyaṃ // (62) Par.?
tājagghi pramīyate // (63) Par.?
śuṇṭho vā bhavati śukaharir vā // (64) Par.?
eṣa hy etasya devatayā paśūnāṃ samṛddhaḥ // (65) Par.?
Duration=0.12174487113953 secs.