Texts

Help

Select a text:
Bibliography
Select a chapter:
 (no revisions)
Associated topic(s): aśvamedha, hayamedha

Show parallels  Show headlines
Use dependency labeler
Chapter id: 15878
  • Click on a sentence to show its analysis
  • Keep the mouse pointer over a lemma to show its meanings.
sāyaṃ prātar brāhmaṇau vīṇāgāthinau gāyetām // (1) Par.?
evam etāni sāvitrādīni saṃvatsaraṃ karmāṇi kriyante // (2) Par.?
sakṛd vāśvacaritāni juhoti // (3) Par.?
triṃśimāsa eṣa saṃvatsaro bhavati // (4) Par.?
apavṛttāsv iṣṭiṣu vīṇāgāthibhyāṃ śatam anoyuktaṃ ca dadāti // (5) Par.?
śate cānoyukte cety eke // (6) Par.?
ūrdhvam ekādaśān māsād āśvatthe vraje 'śvaṃ badhnanti // (7) Par.?
tasmai baddhāya yavasam āharanti // (8) Par.?
yady aśvam upatapad vinded āgneyam aṣṭākapālaṃ nirvapet saumyaṃ caruṃ sāvitram aṣṭākapālam // (9) Par.?
pauṣṇaṃ caruṃ yadi śloṇaḥ // (10) Par.?
raudraṃ caruṃ yadi mahatī devatābhimanyeta // (11) Par.?
vaiśvānaraṃ dvādaśakapālaṃ nirvapen mṛgākhare yadi nāgacchet // (12) Par.?
yady adhīyād agnaye 'ṃhomuce 'ṣṭākapālaḥ sauryaṃ payo vāyavya ājyabhāgaḥ // (13) Par.?
yadi vaḍabām adhīyāt prājāpatyaṃ caruṃ dvādaśakapālaṃ vā // (14) Par.?
yadi naśyed vāyavyaṃ carum // (15) Par.?
yadi senābhītvarī vindetendrāya jayata ekādaśakapālam // (16) Par.?
yadi prāsahā nayeyur indrāya prasahvana ekādaśakapālam // (17) Par.?
yady andhaḥ syāt sauryaṃ carum ekakapālaṃ vā // (18) Par.?
yadi śvabhre 'vapated vaiṣṇavaṃ carum // (19) Par.?
yady avijñātena yakṣmaṇā mriyeta prājāpatyaṃ caruṃ dvādaśakapālaṃ vā // (20) Par.?
Duration=0.033291816711426 secs.