Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 13342

Click on a sentence to show its analysis
Keep the mouse pointer over a lemma to show its meanings.

atha yat prāyaṇīyam atirātram upayanty ahorātrāv eva tad devau devate yajante // (1) Par.?

ahorātrau devau devate bhavanti // (2) Par.?

ahorātrayor devayoḥ sāyujyaṃ salokatāṃ yanti ya etad upayanti // (3) Par.?

atha yaccaturviṃśam ahar upayanty ardhamāsān eva tad devān devatā yajante // (4) Par.?

ardhamāsā devā devatā bhavanti // (5) Par.?

ardhamāsānāṃ devānāṃ sāyujyaṃ salokatāṃ yanti ya etad upayanti // (6) Par.?

atha yad abhiplavam upayanti brahmāṇam eva tad devaṃ devatāṃ yajante // (7) Par.?

brahmā devo devatā bhavanti // (8) Par.?

brahmaṇo devasya sāyujyaṃ salokatāṃ yanti ya etad upayanti // (9) Par.?

atha yat pṛṣṭhyam upayanti kṣatram eva tad devaṃ devatāṃ yajante // (10) Par.?

kṣatraṃ devo devatā bhavanti // (11) Par.?

kṣatrasya devasya sāyujyaṃ salokatāṃ yanti ya etad upayanti // (12) Par.?

atha yad abhijitam upayanty agnim eva tad devaṃ devatāṃ yajante // (13) Par.?

agnir devo devatā bhavanti // (14) Par.?

agner devasya sāyujyaṃ salokatāṃ yanti ya etad upayanti // (15) Par.?

atha yat svarasāmna upayanty eva tad devīr devatā yajante // (16) Par.?

āpo devyo devatā bhavanti // (17) Par.?

apāṃ devīnāṃ sāyujyaṃ salokatāṃ yanti ya etad upayanti // (18) Par.?

atha yad viṣuvantam upayanti sūryam eva tad devaṃ devatāṃ yajante // (19) Par.?

sūryo devo devatā bhavanti // (20) Par.?

sūryasya devasya sāyujyaṃ salokatāṃ yanti ya etad upayanti // (21) Par.?

uktā āvṛttāḥ svarasāmānaḥ // (22) Par.?

atha yad viśvajitam upayantīndram eva tad devaṃ devatāṃ yajante // (23) Par.?

indro devo devatā bhavanti // (24) Par.?

indrasya devasya sāyujyaṃ salokatāṃ yanti ya etad upayanti // (25) Par.?

uktau pṛṣṭhyābhiplavau // (26) Par.?

atha yad gavāyuṣī upayanti mitrāvaruṇāv eva tad devau devate yajante // (27) Par.?

mitrāvaruṇau devau devate bhavanti // (28) Par.?

mitrāvaruṇayor devayoḥ sāyujyaṃ salokatāṃ yanti ya etad upayanti // (29) Par.?

atha yad daśarātram upayanti viśvān eva tad devān devatā yajante // (30) Par.?

viśve devā devatā bhavanti // (31) Par.?

viśveṣāṃ devānāṃ sāyujyaṃ salokatāṃ yanti ya etad upayanti // (32) Par.?

atha yad dāśarātrikaṃ pṛṣṭhyaṃ ṣaḍaham upayanti diśa eva tad devīr devatā yajante // (33) Par.?

diśo devyo devatā bhavanti // (34) Par.?

diśāṃ devīnāṃ sāyujyaṃ salokatāṃ yanti ya etad upayanti // (35) Par.?

atha yac chandomaṃ tryaham upayantīmān eva tallokān devān devatā yajante // (36) Par.?

ime lokā devā devatā bhavanti // (37) Par.?

eṣāṃ lokānāṃ devānāṃ sāyujyaṃ salokatāṃ yanti ya etad upayanti // (38) Par.?

atha yad daśamam ahar upayanti saṃvatsaram eva tad devaṃ devatāṃ yajante // (39) Par.?

saṃvatsaro devo devatā bhavanti // (40) Par.?

saṃvatsarasya devasya sāyujyaṃ salokatāṃ yanti ya etad upayanti // (41) Par.?

atha yan mahāvratam upayanti prajāpatim eva tad devaṃ devatāṃ yajante // (42) Par.?

prajāpatir devo devatā bhavanti // (43) Par.?

prajāpater devasya sāyujyaṃ salokatāṃ yanti ya etad upayanti // (44) Par.?

atha yad udayanīyam atirātram upayanti svargam eva tallokaṃ devaṃ devatāṃ yajante // (45) Par.?

svargo loko devo devatā bhavanti // (46) Par.?

svargasya lokasya devasya sāyujyaṃ salokatāṃ yanti ya etad upayanti // (47) Par.?

tad vā etat saṃvatsarasya janma // (48) Par.?

sa ya evam etat saṃvatsarasya janma vedāptvaiva tat saṃvatsaraṃ svarge loke pratitiṣṭhati // (49) Par.?

pratitiṣṭhati prajayā paśubhir ya evaṃ veda // (50) Par.?

saṃvatsareṇa sātmā saloko bhūtvā devān apyetīti brāhmaṇam // (51) Par.?

Duration=0.10170698165894 secs.