Texts

Help

Select a text:
Bibliography
Select a chapter:
 (no revisions)
Associated topic(s): Sacrifice, yajña

Show parallels  Show headlines
Use dependency labeler
Chapter id: 13302
  • Click on a sentence to show its analysis
  • Keep the mouse pointer over a lemma to show its meanings.
priyamedhā ha vai bharadvājā yajñavido manyamānāḥ // (1) Par.?
te ha sma na kaṃcana vedavidam upayanti // (2) Par.?
te sarvam aviduḥ // (3) Par.?
te sahaivāviduḥ // (4) Par.?
te 'gnihotra eva na samavadanta // (5) Par.?
teṣām ekaḥ sakṛd agnihotram ajuhod dvir ekas trir ekaḥ // (6) Par.?
teṣāṃ yaḥ sakṛd agnihotram ajuhot tam itarāv apṛcchatāṃ kasmai tvaṃ juhoṣīti // (7) Par.?
ekadhā vā idaṃ sarvaṃ prajāpatiḥ // (8) Par.?
prajāpataya evāhaṃ sāyaṃ juhomīti prajāpataye prātar iti // (9) Par.?
teṣāṃ yo dvir ajuhot tam itarāv apṛcchatāṃ kābhyāṃ tvaṃ juhoṣīti // (10) Par.?
agnaye prajāpataya iti sāyaṃ sūryāya prajāpataya iti prātaḥ // (11) Par.?
teṣāṃ yas trir ajuhot tam itarāvapṛcchatāṃ kebhyas tvaṃ juhoṣīty agnaye prajāpataye 'numataya iti sāyaṃ sūryāya prajāpataye 'gnaye sviṣṭakṛta iti prātaḥ // (12) Par.?
teṣāṃ yo dvir ajuhot sa ārdhnot // (13) Par.?
sa bhūyiṣṭho 'bhavat // (14) Par.?
prajayā cetarau śriyā cetarāv atyākrāmat // (15) Par.?
tasya ha prajām itarayoḥ praje sajātatvam upaitām // (16) Par.?
tasmād dvir hotavyaṃ yajuṣā caiva manasā ca // (17) Par.?
yām eva sa ṛddhim ārdhnot tām ṛdhnoti ya evaṃ veda yaś caivaṃ vidvān agnihotraṃ juhotīti brāhmaṇam // (18) Par.?
Duration=0.039203882217407 secs.