Texts

Help

Select a text:
Bibliography

Select a chapter:
(no revisions)

Associated topic(s): ekāha, prātaḥsavana

Show parallels Show headlines
Use dependency labeler

Chapter id: 16036

Click on a sentence to show its analysis
Keep the mouse pointer over a lemma to show its meanings.

mitrāvaruṇāv abravīd yuvaṃ na imaṃ yajñasyāṅgam anusamāharataṃ maitrāvaruṇīyām // (1) Par.?

tathety abrūtām // (2) Par.?

tau sayujau sabalau bhūtvā prāsahā mṛtyumatyaitām // (3) Par.?

tau hy asyaitad yajñasyāṅgam anusamāharatāṃ maitrāvaruṇīyām // (4) Par.?

tasmān maitrāvaruṇaḥ prātaḥsavane maitrāvaruṇāni śaṃsati // (5) Par.?

tau hy asyaitad yajñasyāṅgam anusamāharatām // (6) Par.?

yad v eva maitrāvaruṇāni śaṃsati prati vāṃ sūra udite vidhema namobhir mitrāvaruṇota havyair uta vām uṣaso budhi sākaṃ sūryasya raśmibhir ity ṛcābhyanūktam // (7) Par.?

ā no mitrāvaruṇā no gantaṃ riśādaseti maitrāvaruṇasya stotriyānurūpau // (8) Par.?

pra vo mitrāya gāyatety ukthamukham // (9) Par.?

pra mitrayor varuṇayor iti paryāsaḥ // (10) Par.?

ā yātaṃ mitrāvaruṇeti yajati // (11) Par.?

ete eva tad devate yathābhāgaṃ prīṇāti // (12) Par.?

vaṣaṭkṛtyānuvaṣaṭkaroti // (13) Par.?

praty evābhimṛśante // (14) Par.?

nāpyāyayanti // (15) Par.?

na hy anārāśaṃsāḥ sīdanti // (16) Par.?

Duration=0.023601055145264 secs.