Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 14431
  • Click on a sentence to show its analysis
  • Keep the mouse pointer over a lemma to show its meanings.
ayam agniḥ sahasriṇaḥ / (1.1) Par.?
agnir mūrdhā / (1.2) Par.?
tvām agne puṣkarād adhi / (1.3) Par.?
abodhy agniḥ samidhā janānāṃ prati dhenum ivāyatīm uṣāsam / (1.4) Par.?
yahvā iva pra vayām ujjihānāḥ pra bhānavaḥ sisrate nākam accha // (1.5) Par.?
avocāma kavaye medhyāya vaco vandāru vṛṣabhāya vṛṣṇe / (2.1) Par.?
gaviṣṭhiro namasā stomam agnau divīva rukmam uruvyañcam aśret // (2.2) Par.?
abodhi hotā yajathāya devān ūrdhvo agniḥ sumanāḥ prātar asthāt / (3.1) Par.?
samiddhasya ruśad adarśi pājo mahān devas tamaso niramoci // (3.2) Par.?
janasya gopā ajaniṣṭa jāgṛvir agniḥ sudakṣaḥ suvitāya navyase / (4.1) Par.?
ghṛtapratīko bṛhatā divispṛśā dyumad vibhāti bharatebhyaḥ śuciḥ // (4.2) Par.?
tvām agne aṅgiraso guhā hitam anvavindañ śiśriyāṇaṃ vane vane / (5.1) Par.?
sa jāyase mathyamānaḥ saho mahat tvām āhuḥ sahasas putram aṅgiraḥ // (5.2) Par.?
tubhyedam agne madhumattamaṃ vacas tubhyaṃ manīṣā iyam astu śaṃ hṛde / (6.1) Par.?
tvāṃ giraḥ sindhum ivāvanīr mahīr āpṛṇanti śavasā vardhayanti ca // (6.2) Par.?
saṃ sam id yuvase vṛṣann agne viśvāny arya ā / (7.1) Par.?
iḍas pade samidhyase sa no vasūny ābhara // (7.2) Par.?
agniṃ vaḥ pūrvyaṃ girā devam īḍe vasūnām / (8.1) Par.?
saparyavaḥ purupriyaṃ mitraṃ na kṣetrasādhasam // (8.2) Par.?
tvāṃ citraśravastama havante vikṣu jantavaḥ / (9.1) Par.?
śociṣkeśaṃ purupriyāgne havyāya voḍhave // (9.2) Par.?
ā te agna idhīmahi dyumantaṃ devājaram / (10.1) Par.?
yaddha syā te panīyasī samid dīdayati dyavi / (10.2) Par.?
iṣaṃ stotṛbhyā ābhara / (10.3) Par.?
agniṃ taṃ manye yo vasur astaṃ yaṃ yanti dhenavaḥ / (10.4) Par.?
astam arvanta āśavo 'staṃ nityāso vājinaḥ / (10.5) Par.?
iṣaṃ stotṛbhyā ābhara / (10.6) Par.?
so agnir yo vasur gṛṇe saṃ yam āyanti dhenavaḥ / (10.7) Par.?
sam arvanto raghudruvaḥ saṃ sujātāsaḥ sūrayaḥ / (10.8) Par.?
iṣaṃ stotṛbhyā ābhara // (10.9) Par.?
Duration=0.068105936050415 secs.