UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 14059
- Click on a sentence to show its analysis
- Keep the mouse pointer over a lemma to show its meanings.
prajāpatir vā amanyata // (1)
Par.?
yo vā asyā agre vikhaniṣyaty ārtiṃ sa āriṣyatīti // (2)
Par.?
sa etad yajur apaśyat // (3)
Par.?
aditiṣ ṭvā devī viśvadevyavatī pṛthivyāḥ sadhasthe aṅgirasvat khanatv avaṭeti // (4)
Par.?
iyaṃ vā aditir devī viśvadevyavatī // (5)
Par.?
anayā vai sa tad asyām akhanat // (6)
Par.?
na hi svaḥ svaṃ hinasti // (8)
Par.?
devānāṃ tvā patnīr devīr viśvadevyavatīḥ pṛthivyāḥ sadhasthe aṅgirasvad dadhatūkhā iti // (9)
Par.?
oṣadhayo vai devānāṃ patnīr devīr viśvadevyavatīḥ // (10)
Par.?
oṣadhīṣv evaināṃ pratiṣṭhāpayati // (11)
Par.?
dhiṣaṇā tvā devī viśvadevyavatī pṛthivyāḥ sadhasthe aṅgirasvad abhīndhātām ukhā iti // (12)
Par.?
vāg vai dhiṣaṇā devī viśvadevyavatī // (13)
Par.?
vācaivainām abhīnddhe // (14)
Par.?
gnās tvā devīr viśvadevyavatīḥ pṛthivyāḥ sadhasthe aṅgirasvañ śrapayantūkhā iti // (15)
Par.?
chandāṃsi vai gnā devīr viśvadevyavatīḥ // (16)
Par.?
chandobhir evaināṃ śrapayati // (17)
Par.?
varūtrī tvā devī viśvadevyavatī pṛthivyāḥ sadhasthe aṅgirasvat pacatām ukhā iti // (18)
Par.?
ahorātre vai varūtrī devī viśvadevyavatī // (19)
Par.?
ahorātrābhyām evaināṃ pacati // (20)
Par.?
janayas tvāchinnapatrā devīr viśvadevyavatīḥ pṛthivyāḥ sadhasthe aṅgirasvat pacantūkhā iti // (21)
Par.?
nakṣatrāṇi vai janayo 'chinnapatrā devīr viśvadevyavatīḥ // (22)
Par.?
nakṣatrair evaināṃ pacati // (23)
Par.?
etā vā etām agre devatāḥ prajāpataye 'pacan // (24)
Par.?
tasmād etāni paṅktimanti yajūṃṣi // (25)
Par.?
tair evaināṃ pacati // (26)
Par.?
dvābhyāṃ pacati // (27) Par.?
dvipād yajamānaḥ // (28)
Par.?
pratiṣṭhityai // (29)
Par.?
varuṇamenir vā eṣa etarhy abhīddhaḥ // (30)
Par.?
mitrasya carṣaṇīdhṛtā iti // (31)
Par.?
mitreṇaiva varuṇamenim upaiti // (32)
Par.?
devas tvā savitodvapatu supāṇiḥ svaṅgurir iti // (33)
Par.?
savitṛprasūta evainām udvapati // (34)
Par.?
ātmano 'hiṃsāyai // (35)
Par.?
uttiṣṭha bṛhatī bhavety āha // (36)
Par.?
avyathamānā pṛthivyām āśā diśā āpṛṇeti // (38)
Par.?
tasmād agniḥ sarvā diśā ābhāti // (39)
Par.?
mitraitāṃ ta ukhāṃ paridadāmy abhittyai // (40)
Par.?
eṣā mā bhedīti // (41)
Par.?
mitrāyaivaināṃ paridadāti // (42)
Par.?
yaddhi mitrāyāparittā bhidyeta punaḥ kāryā syāt // (44)
Par.?
vasavas tvāchṛndantu gāyatreṇa chandaseti // (45)
Par.?
chandobhiś ca vā eṣā devatābhiś ca kriyate // (46)
Par.?
chandobhiś caivaināṃ devatābhiś cācchṛṇatti // (47)
Par.?
svenāyatanenājakṣīreṇācchṛṇatti // (48)
Par.?
āgneyaṃ vā etat payo yad ajakṣīram // (49)
Par.?
āgneyam etat pātraṃ yad ukhā // (50)
Par.?
svena vā etat payasā svaṃ pātram ācchṛṇatti // (51)
Par.?
paramaṃ vā etat payo yad ajakṣīram // (52)
Par.?
paramam etat pātraṃ yad ukhā // (53)
Par.?
parameṇa vā etat payasā paramaṃ pātram ācchṛṇatti // (54)
Par.?
Duration=0.15173816680908 secs.