Texts

Help

Select a text:
Bibliography
Select a chapter:
 (no revisions)
Associated topic(s): Prajāpati, Prajāpati and the sacrifice

Show parallels  Show headlines
Use dependency labeler
Chapter id: 13506
  • Click on a sentence to show its analysis
  • Keep the mouse pointer over a lemma to show its meanings.
devāśca ha vā asurāścāspardhanta // (1) Par.?
te devāḥ prajāpatim evābhyayajanta // (2) Par.?
anyonyasyāsann asurā ajuhavuḥ // (3) Par.?
te devā etam odanam apaśyan // (4) Par.?
taṃ prajāpataye bhāgam anuniravapan // (5) Par.?
taṃ bhāgaṃ paśyan prajāpatir devān upāvartata // (6) Par.?
tato devā abhavan parāsurāḥ // (7) Par.?
sa ya evaṃ vidvān etam odanaṃ pacati bhavaty ātmanā parāsyāpriyo bhrātṛvyo bhavati // (8) Par.?
prajāpatir vai devebhyo bhāgadheyāni vyakalpayat // (9) Par.?
so 'manyatātmānam antaragām iti // (10) Par.?
sa etam odanam abhaktam apaśyat // (11) Par.?
tam ātmane bhāgaṃ niravapat // (12) Par.?
prajāpater vā eṣa bhāgaḥ // (13) Par.?
aparimitaḥ syāt // (14) Par.?
aparimito hi prajāpatiḥ // (15) Par.?
prajāpater bhāgo 'sy ūrjasvān payasvān // (16) Par.?
akṣito 'si // (17) Par.?
akṣityai tvā // (18) Par.?
mā me kṣeṣṭhā amutrāmuṣmiṃlloka iha ca // (19) Par.?
prāṇāpānau me pāhi // (20) Par.?
samānavyānau me pāhi // (21) Par.?
udānarūpe me pāhi // (22) Par.?
ūrg asi // (23) Par.?
ūrjaṃ me dhehi // (24) Par.?
kurvato me mā kṣeṣṭhāḥ // (25) Par.?
dadato me mopadasaḥ // (26) Par.?
prajāpatim ahaṃ tvayā samakṣam ṛdhyāsam iti // (27) Par.?
prajāpatim eva samakṣam ṛdhnoti ya evaṃ veda ya evaṃ veda // (28) Par.?
Duration=0.060654163360596 secs.