Texts

saṃśravā ha sauvarcanasas tumiṃjam aupoditim uvāca // (1.1) Par.?

yat sattriṇāṃ hotābhūḥ kām iḍām upāhvathā iti // (2.1) Par.?

tām upāhva iti hovāca yā prāṇena devān dādhāra vyānena manuṣyān apānena pitṝn iti // (3.1) Par.?

chinatti sā na chinattī3 iti // (4.1) Par.?

chinattīti // (5.1) Par.?

hovāca // (6.1) Par.?

śarīraṃ vā asyai tad upāhvathā iti hovāca // (7.1) Par.?

gaur vā asyai śarīram // (8.1) Par.?

gāṃ vāva tau tat paryavadatām // (9.1) Par.?

yā yajñe dīyate sā prāṇena devān dādhāra // (10.1) Par.?

yayā manuṣyā jīvanti sā vyānena manuṣyān // (11.1) Par.?

yām pitṛbhyo ghnanti sāpānena pitṝn // (12.1) Par.?

ya evaṃ veda paśumān bhavati // (13.1) Par.?

atha vai tām upāhva iti hovāca yā prajāḥ prabhavantīḥ pratyābhavatīti // (14.1) Par.?

annaṃ vā asyai tad upāhvathā iti hovāca // (15.1) Par.?

oṣadhayo vā asyā annam // (16.1) Par.?

oṣadhayo vai prajāḥ prabhavantīḥ pratyābhavanti // (17.1) Par.?

ya evaṃ vedānnādo bhavati // (18.1) Par.?

atha vai tām upāhva iti hovāca yā prajāḥ parābhavantīr anugṛhṇāti pratyābhavantīr gṛhṇātīti // (19.1) Par.?

pratiṣṭhāṃ vā asyai tad upāhvathā iti hovāca // (20.1) Par.?

iyaṃ vā asyai pratiṣṭhā // (21.1) Par.?

iyaṃ vai prajāḥ parābhavantīr anugṛhṇāti // (22.1) Par.?

pratyābhavantīr gṛhṇāti // (23.1) Par.?

ya evaṃ veda praty eva tiṣṭhati // (24.1) Par.?

atha vai tām upāhva iti hovāca yasyai nikramaṇe ghṛtam prajāḥ saṃjīvantīḥ pibantīti // (25.1) Par.?

chinatti sā na chinattī3 iti // (26.1) Par.?

na chinattīti hovāca pra tu janayatīti // (27.1) Par.?

eṣa vā iḍām upāhvathā iti hovāca // (28.1) Par.?

vṛṣṭir vā iḍā // (29.1) Par.?

vṛṣṭyai vai nikramaṇe ghṛtam prajāḥ saṃjīvantīḥ pibanti // (30.1) Par.?

ya evaṃ veda praiva jāyate 'nnādo bhavati // (31.1) Par.?