Texts

mā no mitro varuṇo aryamāyur indra ṛbhukṣā marutaḥ parikśan / (1.1) Par.?

yad vājino devajātasya sapteḥ pravakṣyāmo vidathe vīryāṇi // (1.2) Par.?

yan nirṇijā rekṇasā prāvṛtasya rātiṃ gṛbhītāṃ mukhato nayanti / (2.1) Par.?

suprāṅ ajo memyad viśvarūpa indrāpūṣṇoḥ priyam apyetu pāthaḥ // (2.2) Par.?

eṣa chāgaḥ puro aśvena vājinā pūṣṇo bhāgo nīyate viśvadevyaḥ / (3.1) Par.?

abhipriyaṃ yat puroḍāśam arvatā tvaṣṭed enaṃ sauśravasāya jinvati // (3.2) Par.?

yaddhaviṣyam ṛtuśo devayānaṃ trir mānuṣāḥ pary aśvaṃ nayanti / (4.1) Par.?

atrā pūṣṇaḥ prathamo bhāga eti yajñaṃ devebhyaḥ prativedayann ajaḥ // (4.2) Par.?

upa prāgāt suman me 'dhāyi manma devānām āśā upa vītapṛṣṭhaḥ / (5.1) Par.?

anv enaṃ viprā ṛṣayo madanti devānāṃ puṣṭe cakṛmā subandhum // (5.2) Par.?

hotādhvaryur āvayā agnimindho grāvagrābha uta śaṃstā suvipraḥ / (6.1) Par.?

tena yajñena svaraṃkṛtena sviṣṭena vakṣaṇā āpṛṇadhvam // (6.2) Par.?

yūpavraskā uta ye yūpavāhāś caṣālaṃ ye aśvayūpāya takṣati / (7.1) Par.?

ye cārvate pacanaṃ saṃbharanty uto teṣām abhigūrtir na invatu // (7.2) Par.?

yad vājino dāma saṃdānam arvato yā śīrṣaṇyā raśanā rajjur asya / (8.1) Par.?

yad vā ghāsya prabhṛtam āsye tṛṇaṃ sarvā tā te api deveṣv astu // (8.2) Par.?

yad ūvadhyam udarasyāpavāti ya āmasya kraviṣo gandho asti / (9.1) Par.?

sukṛtā tañ śamitāraḥ kṛṇvantūta medhaṃ śṛtapākaṃ pacantu // (9.2) Par.?

yad aśvasya kraviṣo makṣikāśa yad vā svarau svadhitau ripram asti / (10.1) Par.?

yaddhastayoḥ śamitur yan nakheṣu sarvā tā te api deveṣv astu // (10.2) Par.?

yat te gātrād agninā pacyamānād abhi śūlaṃ nihatasyāvadhāvati / (11.1) Par.?

mā tad bhūmyām āśriṣan mā tṛṇeṣu devebhyas tad uśadbhyo rātam astu // (11.2) Par.?

ye vājinaṃ paripaśyanti pakvaṃ ya īm āhuḥ surabhir nirhareti / (12.1) Par.?

ye cārvato māṃsabhikṣām upāsate uto teṣām abhigūrtir na invatu // (12.2) Par.?

yan nīkṣaṇaṃ māṃspacanyā ukhāyā yā pātrāṇi yūṣṇa āsecanāni / (13.1) Par.?

ūṣmaṇyāpidhānā carūṇām aṅkāḥ sūnāḥ paribhūṣanty aśvam // (13.2) Par.?

yad aśvāya vāsa upastṛṇanty adhivāsaṃ yā hiraṇyāny asmai / (14.1) Par.?

saṃdānam arvantaṃ paḍvīśaṃ priyā deveṣv āyāmayanti // (14.2) Par.?

nikramaṇaṃ niṣadanaṃ vivartanaṃ yac ca paḍvīśam arvataḥ / (15.1) Par.?

yac ca papau yac ca ghāsiṃ jaghāsa sarvā tā te api deveṣv astu // (15.2) Par.?

mā tvāgnir dhanayīd dhūmagandhir mokhā bhrājanty abhivikta jaghriḥ / (16.1) Par.?

iṣṭaṃ vītam abhigūrtaṃ vaṣaṭkṛtaṃ taṃ devāsaḥ pratigṛbhṇanty aśvam // (16.2) Par.?