Texts

Help

Select a text:
Bibliography

Select a chapter:
(no revisions)

Associated topic(s): Vedic metres, prosody, linguistic speculation, om, oṃ, oṃkāra

Show parallels Show headlines
Use dependency labeler

Chapter id: 12264

Click on a sentence to show its analysis
Keep the mouse pointer over a lemma to show its meanings.

prajāpatir devān asṛjata / (1.1) Par.?

tān mṛtyuḥ pāpmānvasṛjyata // (1.2) Par.?

te devāḥ prajāpatim upetyābruvan kasmād u no 'sṛṣṭhā mṛtyuṃ cen naḥ pāpmānam anvavasrakṣyann āsitheti // (2.1) Par.?

tān abravīc chandāṃsi saṃbharata / (3.1) Par.?

tāni yathāyatanam praviśata tato mṛtyunā pāpmanā vyāvartsyatheti // (3.2) Par.?

vasavo gāyatrīṃ samabharan / (4.1) Par.?

tāṃ te prāviśan / (4.2) Par.?

tān sācchādayat // (4.3) Par.?

rudrās triṣṭubhaṃ samabharan / (5.1) Par.?

tāṃ te prāviśan / (5.2) Par.?

tān sācchādayat // (5.3) Par.?

ādityā jagatīṃ samabharan / (6.1) Par.?

tāṃ te prāviśan / (6.2) Par.?

tān sācchādayat // (6.3) Par.?

viśve devā anuṣṭubhaṃ samabharan / (7.1) Par.?

tāṃ te prāviśan / (7.2) Par.?

tān sācchādayat // (7.3) Par.?

tān asyām ṛcy asvarāyām mṛtyur nirajānād yathā maṇau maṇisūtram paripaśyed evam // (8.1) Par.?

te svaram prāviśan / (9.1) Par.?

tān svare sato na nirajānāt / (9.2) Par.?

svarasya tu ghoṣenānvait // (9.3) Par.?

ta om ity etad evākṣaraṃ samārohan / (10.1) Par.?

etad evākṣaraṃ trayī vidyā / (10.2) Par.?

yad ado 'mṛtaṃ tapati tat prapadya tato mṛtyunā pāpmanā vyāvartanta // (10.3) Par.?

evam evaivaṃ vidvān om ity etad evākṣaraṃ samāruhya yad ado 'mṛtaṃ tapati tat prapadya tato mṛtyunā pāpmanā vyāvartate 'tho yasyaivaṃ vidvān udgāyati // (11.1) Par.?

Duration=0.21839094161987 secs.