Texts

drapsaś caskandety āsye / (1.1) Par.?

abhūd idaṃ viśvasya bhuvanasyeti vā // (1.2) Par.?

ṛce tveti dakṣiṇe 'kṣikaṭe / (2.1) Par.?

ruce tveti savye // (2.2) Par.?

dyute tveti karṇayoḥ // (3.1) Par.?

bhāse tveti dakṣiṇasyāṃ nāsikāyām / (4.1) Par.?

jyotiṣe tvety uttarasyām // (4.2) Par.?

sam it sravantīti śṛtātaṅkyena dadhnā madhumiśreṇa puruṣaśiraḥ pūrayati // (5.1) Par.?

sarveṣāṃ paśuśirasāṃ hiraṇyaśalkapratyasanaṃ pūraṇaṃ ca vājasaneyinaḥ samāmananti // (6.1) Par.?

tasmint suparṇo madhukṛt kulāyīti puruṣaśira ādāyādityaṃ garbham ity ukhāyāṃ purastāccubukaṃ prācīnam uttānaṃ prāṅmukha upadhāya citraṃ devānām ity ardharcābhyām akṣikaṭayor hutvā paśuśīrṣāṇy upadadhāti // (7.1) Par.?

yaṃ kāmayetāpaśuḥ syād iti viṣūcīnāni tasyety uktam // (8.1) Par.?

vātasya dhrājim iti purastāt pratīcīnam aśvasya // (9.1) Par.?

ajasram indum iti paścāt prācīnam ṛṣabhasya // (10.1) Par.?

varūtriṃ tvaṣṭur iti dakṣiṇata udīcīnaṃ vṛṣṇeḥ // (11.1) Par.?

yo agnir agner ity uttarato dakṣiṇā bastasya // (12.1) Par.?

tāny avyavāyenotsargair upatiṣṭhate // (13.1) Par.?

imaṃ mā hiṃsīr dvipādam iti puruṣasya // (14.1) Par.?

imaṃ mā hiṃsīr ekaśapham ity aśvasya // (15.1) Par.?

imaṃ samudram ity ṛṣabhasya // (16.1) Par.?

imām ūrṇāyum iti vṛṣṇeḥ // (17.1) Par.?

ajā hy agner iti bastasya // (18.1) Par.?

yadi vāyavyasya syān mukhyasya sthāne sarveṣām upadhānair upadhāya sarveṣām utsargair upatiṣṭheta // (19.1) Par.?

api vā tasya tasya sthāna upadhāya tasya tasyotsargeṇopatiṣṭhate // (20.1) Par.?

yaṃ kāmayeta kanīyo 'syānnaṃ syād iti saṃtarāṃ tasyety uktam // (21.1) Par.?

namo astu sarpebhya iti dakṣiṇe 'ṃse sarpaśira upadadhyād viṣūcīnaṃ paśuśīrṣaiḥ // (22.1) Par.?

api vā yajur eva vaden nopadadhyāt // (23.1) Par.?