Texts

yāni pakvānyakāṇānyaharitāni pāṇḍūnyakrimīṇyapūtīnya athāta uttarabastisiddhiṃ vyākhyāsyāmaḥ // (1.1) Par.?

iti ha smāha bhagavānātreyaḥ // (2.1) Par.?

atha khalvāturaṃ vaidyaḥ saṃśuddhaṃ vamanādibhiḥ / (3.1) Par.?

durbalaṃ kṛśamalpāgniṃ muktasaṃdhānabandhanam // (3.2) Par.?

nirhṛtānilaviṇmūtrakaphapittaṃ kṛśāśayam / (4.1) Par.?

śūnyadehaṃ pratīkārāsahiṣṇuṃ paripālayet // (4.2) Par.?

yathāṇḍaṃ taruṇaṃ pūrṇaṃ tailapātraṃ yathaiva ca / (5.1) Par.?

gopāla iva daṇḍī gāḥ sarvasmādapacārataḥ // (5.2) Par.?

agnisaṃdhukṣaṇārthaṃ tu pūrvaṃ peyādinā bhiṣak / (6.1) Par.?

rasottareṇopacaret krameṇa kramakovidaḥ // (6.2) Par.?

snigdhāmlasvāduhṛdyāni tato 'mlalavaṇau rasau / (7.1) Par.?

svādutiktau tato bhūyaḥ kaṣāyakaṭukau tataḥ // (7.2) Par.?

anyo 'nyapratyanīkānāṃ rasānāṃ snigdharūkṣayoḥ / (8.1) Par.?

vyatyāsādupayogena prakṛtiṃ gamayedbhiṣak // (8.2) Par.?

sarvakṣamo hyasaṃsargo ratiyuktaḥ sthirendriyaḥ / (9.1) Par.?

balavān sattvasaṃpanno vijñeyaḥ prakṛtiṃ gataḥ // (9.2) Par.?

etāṃ prakṛtimaprāptaḥ sarvavarjyāni varjayet / (10.1) Par.?

mahādoṣakarāṇyaṣṭāvimāni tu viśeṣataḥ // (10.2) Par.?

uccairbhāṣyaṃ rathakṣobhamavicaṅkramaṇāsane / (11.1) Par.?

ajīrṇāhitabhojye ca divāsvapnaṃ samaithunam // (11.2) Par.?

tajjā dehordhvasarvādhomadhyapīḍāmadoṣajāḥ / (12.1) Par.?

śleṣmajāḥ kṣayajāścaiva vyādhayaḥ syuryathākramam // (12.2) Par.?

teṣāṃ vistarato liṅgamekaikasya ca bheṣajam / (13.1) Par.?

yathāvatsaṃpravakṣyāmi siddhān bastīṃśca yāpanān // (13.2) Par.?

tatroccairbhāṣyātibhāṣyābhyāṃ śirastāpaśaṅkhakarṇanistodaśrotroparodhamukhatālukaṇṭhaśoṣataimiryapipāsājvaratamakahanugrahamanyāstambhaniṣṭhīvanoraḥpārśvaśūlasvarabhedahikkāśvāsādayaḥ syuḥ / (14.1) Par.?

rathakṣobhāt saṃdhiparvaśaithilyahanunāsākarṇaśiraḥśūlatodakukṣikṣobhāṭopāntrakūjanādhmānahṛdayendriyoparodhasphikpārśvavaṃkṣaṇavṛṣaṇakaṭīpṛṣṭhavedanāsaṃdhiskandhagrīvādaurbalyāṅgābhitāpapādaśophaprasvāpaharṣaṇādayaḥ / (14.2) Par.?

aticaṅkramaṇāt pādajaṅghorujānuvaṅkṣaṇaśroṇīpṛṣṭhaśūlasakthisādanistodapiṇḍikodveṣṭanāṅgamardāṃsābhitāpasirādhamanīharṣaśvāsakāsādayaḥ / (14.3) Par.?

atyāsanādrathakṣobhajāḥ sphikpārśvavaṅkṣaṇavṛṣaṇakaṭīpṛṣṭhavedanādayaḥ / (14.4) Par.?

ajīrṇādhyaśanābhyāṃ tu mukhaśoṣādhmānaśūlanistodapipāsāgātrasādacchardyatīsāramūrcchājvarapravāhaṇāmaviṣādayaḥ / (14.5) Par.?

viṣamāhitāśanābhyāmanannābhilāṣadaurbalyavaivarṇyakaṇḍūpāmāgātrāvasādavātādiprakopajāśca grahaṇyarśovikārādayaḥ / (14.6) Par.?

divāsvapnādarocakāvipākāgnināśastaimityapāṇḍutvakaṇḍūpāmādāhacchardyaṅgamardahṛtstambhajāḍyatandrānidrāprasaṅgagranthijanmadaurbalyaraktamūtrākṣitātālulepāḥ / (14.7) Par.?

vyavāyādāśubalanāśorusādaśirobastigudameḍhravaṃkṣaṇorujānujaṅghāpādaśūlahṛdayaspandananetrapīḍāṅgaśaithilyaśukramārgaśoṇitāgamana kāsaśvāsaśoṇitaṣṭhīvanasvarāvasādakaṭīkaurbalyaikāṅgasarvāṅgarogamuṣkaśvayathuvātavarcomūtrasaṅgaśukravisargajāḍyavepathubādhiryaviṣādādayaḥ syuḥ avalupyata iva gudaḥ tāḍyata iva meḍhram avasīdatīva mano vepate hṛdayaṃ pīḍyante sandhayaḥ tamaḥ praveśyata iva ca / (14.8) Par.?

ityevamebhiraṣṭabhirapacārairete prādurbhavantyupadravāḥ // (14.9) Par.?

teṣāṃ siddhiḥtatroccairbhāṣyātibhāṣyajānāmabhyaṅgasvedopanāhadhūmanasyoparibhaktasnehapānarasakṣīrādirvātaharaḥ sarvo vidhirmaunaṃ ca / (15.1) Par.?

rathakṣobhāticaṅkramaṇātyāsanajānāṃ snehasvedādi vātaharaṃ karma sarvaṃ nidānavarjanaṃ ca / (15.2) Par.?

ajīrṇādhyaśanajānāṃ niravaśeṣataśchardanaṃ rūkṣaḥ svedo laṅghanīyapācanīyadīpanīyauṣadhāvacāraṇaṃ ca / (15.3) Par.?

viṣamāhitāśanajānāṃ yathāsvaṃ doṣaharāḥ kriyāḥ / (15.4) Par.?

divāsvapnajānāṃ dhūmapānalaṅghanavamanaśirovirecanavyāyāmarūkṣāśanāriṣṭadīpanīyauṣadhopayayogaḥ pragharṣaṇonmardanapariṣecanādiśca śleṣmaharaḥ sarvo vidhiḥ / (15.5) Par.?

maithunajānāṃ jīvanīyasiddhayoḥ kṣīrasarpiṣorupayogaḥ tathā vātaharāḥ svedābhyaṅgopanāhā vṛṣyāścāhārāḥ snehāḥ snehavidhayo yāpanābastayo 'nuvāsanaṃ ca mūtravaikṛtabastiśūleṣu cottarabastirvidārīgandhādigaṇajīvanīyakṣīrasaṃsiddhaṃ tailaṃ syāt // (15.6) Par.?

yāpanāśca bastayaḥ sarvaphālaṃ deyāḥ tānupadekṣyāmaḥmustośīrabalāragvadharāsnāmañjiṣṭhākaṭurohiṇītrāyamāṇāpunarnavābibhītakaguḍūcīsthirādipañcamūlāni palikāni khaṇḍaśaḥ klṛptānyaṣṭau ca madanaphalāni prakṣālya jalāḍhake parikvāthya pādaśeṣo rasaḥ kṣīradviprasthasaṃyuktaḥ punaḥ śṛtaḥ kṣīrāvaśeṣaḥ pādajāṅgalarasastulyamadhughṛtaḥ śatakusumāmadhukakuṭajaphalarasāñjanapriyaṅgukalkīkṛtaḥ sasaindhavaḥ sukhoṣṇo bastiḥ śukramāṃsabalajananaḥ kṣatakṣīṇakāsagulmaśūlaviṣamajvarabradhnaauvardhmajhkuṇḍalodāvartakukṣiśūlamūtrakṛcchrāsṛgrajovisarpapravāhikāśirorujājānūrujaṅghābastigrahāśmaryunmādārśaḥpramehādhmānavātaraktapittaśleṣmavyādhiharaḥ sadyo balajanano rasāyanaśceti / (16.1) Par.?

eraṇḍamūlapalāśāt ṣaṭpalaṃ śāliparṇīpṛśniparṇī bṛhatī kaṇṭakārikā rokṣurako rāsnāśvagandhā guḍūcī varṣābhūrāragvadho devadārviti palikāni khaṇḍaśaḥ klṛptāni phalāni cāṣṭau prakṣālya jalāḍhake kṣīrapāde pacet / (16.2) Par.?

pādaśeṣaṃ kaṣāyaṃ pūtaṃ śatakusumākuṣṭhamustapippalīhapuṣābilvavacāvatsakaphalarasāñjanapriyaṅguyavāniprakṣepakalkitaṃ madhughṛtatailasaindhavayuktaṃ sukhoṣṇaṃ nirūhamekaṃ dvau trīn vā dadyāt / (16.3) Par.?

sarveṣāṃ praśasto viśeṣato lalitasukumārastrīvihārakṣīṇakṣatasthaviracirārśasāmapatyakāmānāṃ ca / (16.4) Par.?

tadvat sahacarabalādarbhamūlasārivāsiddhena payasā / (16.5) Par.?

tathā bṛhatīkaṇṭakārīśatāvarīcchinnaruhāśṛtena payasā madhukamadanapippalīkalkitena pūrvavadbastiḥ / (16.6) Par.?

tathā balātibalāvidārīśāliparṇīpṛśniparṇībṛhatīkaṇṭakārikādarbhamūlaparūṣakakāśmaryabilvaphalayavasiddhena payasā madhukamadanakalkitena madhughṛtasaivarcalayuktena kāsajvaragulmaplīhārditastrīmadyakliṣṭānāṃ sadyobalajanano rasāyanaśca / (16.7) Par.?

balātibalārāsnāragvadhamadanabilvaguḍūcīpunarnavairaṇḍāśvagandhāsahacarapalāśadevadārudvipañcamūlāni palikāni yavakolakulatthadviprasṛtaṃ śuṣkamūlakānāṃ ca jaladroṇasiddhaṃ nirūhapramāṇāvaśeṣaṃ kaṣāyaṃ pūtaṃ madhukamadanaśatapuṣpākuṣṭhapippalīvacāvatsakaphalarasāñjanapriyaṅguyavānīkalkīkṛtaṃ guḍaghṛtatailakṣaudrakṣīramāṃsarasāmlakāñjikasaindhavayuktaṃ sukhoṣṇaṃ bastiṃ dadyācchukramūtravarcaḥsaṅge 'nilaje gulmahṛdrogādhmānabradhnapārśvapṛṣṭhakaṭīgrahasaṃjñānāśabalakṣayeṣu ca / (16.8) Par.?

hapuṣārdhakuḍavo dviguṇārdhakṣuṇṇayavaḥ kṣīrodakasiddhaḥ kṣīraśeṣo madhughṛtatailalavaṇayuktaḥ sarvāṅgavisṛtavātaraktasaktaviṇmūtrastrīkheditahito vātaharo buddhimedhāgnibalajananaśca / (16.9) Par.?

hrasvapañcamūlīkaṣāyaḥ kṣīrodakasiddhaḥ pippalīmadhukamadanakalkīkṛtaḥ saguḍaghṛtatailalavaṇaḥ kṣīṇaviṣamajvarakarśitasya bastiḥ / (16.10) Par.?

balātibalāpāmārgātmaguptāṣṭapalārdhakṣuṇṇayavāñjalikaṣāyaḥ saguḍaghṛtatailalavaṇayuktaḥ pūrvavadbastiḥ sthaviradurbalakṣīṇaśukrarudhirāṇāṃ pathyatamaḥ / (16.11) Par.?

balāmadhukavidārīdarbhamūlamṛdvīkāyavaiḥ kaṣāyamājena payasā paktvā madhukamadanakalkitaṃ samadhughṛtasaindhavaṃ jvarārtebhyo bastiṃ dadyāt / (16.12) Par.?

śāliparṇīpṛśniparṇīgokṣurakamūlakāśmaryaparūṣakakharjūraphalamadhūkapuṣpairajākṣīrajalaprasthābhyāṃ siddhaḥ kaṣāyaḥ pippalīmadhukotpalakalkitaḥ saghṛtasaindhavaḥ kṣīṇendriyaviṣamajvarakarśitasya bastiḥ śastaḥ / (16.13) Par.?

sthirādipañcamūlīpañcapalena śāliṣaṣṭikayavagodhūmamāṣapañcaprasṛtena chagaṃ payaḥ śṛtaṃ pādaśeṣaṃ kukkuṭāṇḍarasasamamadhughṛtaśarkarāsaindhavasauvarcalayukto bastirvṛṣyatamo balavarṇajananaśca / (16.14) Par.?

iti yāpanā bastayo dvādaśa // (16.15) Par.?

kalpaścaiṣa śikhigonardahaṃsasārasāṇḍaraseṣu syāt // (17.1) Par.?

satittiriḥ samayūraḥ sarājahaṃsaḥ pañcamūlīpayaḥsiddhaḥśatapuṣpāmadhukarāsnākuṭajamadanaphalapippalīkalko ghṛtatailaguḍasaindhavayukto bastirbalavarṇaśukrajanano rasāyanaśca / (18.1) Par.?

dvipañcamūlīkukkuṭarasasiddhaṃ payaḥ pādaśeṣaṃ pippalīmadhukarāsnāmadanakalkaṃ śarkarāmadhughṛtayuktaṃ strīṣvatikāmānāṃ balajanano bastiḥ / (18.2) Par.?

mayūramapittapakṣapādāsyāntraṃ sthirādibhiḥ palikaiḥ sajale payasi paktvā kṣīraśeṣaṃ madanapippalīvidārīśatakusumāmadhukakalkīkṛtaṃ madhughṛtasaindhavayuktaṃ bastiṃ dadyāt strīṣvatiprasaktakṣīṇendriyebhyo balavarṇakaram / (18.3) Par.?

kalpaścaiṣa viṣkirapratudaprasahāmbucareṣu syāt akṣīro rohitādiṣu ca matsyeṣu / (18.4) Par.?

godhānakulamārjāramūṣikaśallakamāṃsānāṃ daśapalān bhāgān sapañcamūlān payasi paktvā tatpayaḥpippalīphalakalkasaindhavasauvarcalaśarkarāmadhughṛtatailayukto bastirbalyo rasāyanaḥ kṣīṇakṣatasya sandhānakaro mathitoraskarathagajahayabhagnavātabalāsakaprabhṛtyudāvartavātasaktamūtravarcaśśukrāṇāṃ hitatamaśca / (18.5) Par.?

kūrmādīnāmanyatamapiśitasiddhaṃ payo govṛṣanāgahayanakrahaṃsakukkuṭāṇḍarasamadhughṛtaśarkarāsaindhavekṣurakātmaguptāphalakalkasaṃsṛṣṭo bastirvṛddhānāmapi balajananaḥ / (18.6) Par.?

karkaṭakarasaścaṭakāṇḍarasayuktaḥ samadhughṛtaśarkaro bastiḥ ityete bastayaḥ paramavṛṣyāḥ uccaṭakekṣurakātmaguptāśṛtakṣīrapratibhojanānupānāt strīśatagāminaṃ naraṃ kuryuḥ / (18.7) Par.?

govṛṣabastavarāhavṛṣaṇakarkaṭacaṭakasiddhaṃ kṣīramuccaṭakekṣurakātmaguptāmadhughṛtasaindhavayuktaḥ kiṃcillavaṇito bastiḥ / (18.8) Par.?

daśamūlamayūrahaṃsakukkuṭakvāthāt pañcaprasṛtaṃ tailaghṛtavasāmajjacatuṣprasṛtayuktaṃ śatapuṣpāmustahapuṣākalkīkṛtaḥ salavaṇo bastiḥ pādagulphorujānujaṅghātrikavaṅkṣaṇabastivṛṣaṇānilarogaharaḥ / (18.9) Par.?

mṛgaviṣkirānūpabileśayānāmetenaiva kalpena bastayo deyāḥ / (18.10) Par.?

madhughṛtadviprasṛtastulyoṣṇodakaḥ śatapuṣpārdhapalaḥ saindhavārdhākṣayukto bastirvṛṣyatamo mūtrakṛcchrapittavātaharaḥ / (18.11) Par.?

sadyoghṛtatailavasāmajjacatuṣprasthaṃ hapuṣārdhapalaṃ saindhavārdhākṣayukto bastirvṛṣyatamo mūtrakṛcchrapittavyādhiharo rasāyanaḥ / (18.12) Par.?

madhutailaṃ catuḥprasṛtaṃ śatapuṣpārdhapalaṃ saindhavārdhākṣayukto bastirdīpano bṛṃhaṇo balavarṇakaro nirupadravo vṛṣyatamo rasāyanaḥ krimikuṣṭhodāvartagulmārśobradhnaplīhamehaharaḥ / (18.13) Par.?

tadvanmadhughṛtābhyāṃ payastulyo bastiḥ pūrvakalkena balavarṇakaro vṛṣyatamo nirupadravo bastimeḍhrapākaparikartikāmūtrakṛcchrapittavyādhiharo rasāyanaśca / (18.14) Par.?

tadvanmadhughṛtābhyāṃ māṃsarasatulyo mustākṣayuktaḥ pūrvavadbastirvātabalāsapādaharṣagulmatrikorujānūrunikuñcanabastivṛṣaṇameḍhratrikapṛṣṭhaśūlaharaḥ / (18.15) Par.?

surāsauvīrakakulatthamāṃsarasamadhughṛtatailasaptaprasṛto mustaśatāhvākalkitaḥ salavaṇo bastiḥ sarvavātarogaharaḥ / (18.16) Par.?

dvipañcamūlatriphalābilvamadanaphalakaṣāyo gomūtrasiddhaḥ kuṭajamadanaphalamustapāṭhākalkitaḥ saindhavayāvaśūkakṣaudratailayukto bastiḥ śleṣmavyādhibastyāṭopavātaśukrasaṅgapāṇḍurogājīrṇavisūcikālasakeṣu deya iti // (18.17) Par.?

ata ūrdhvaṃ vṛṣyatamān snehān vakṣyāmaḥ / (19.1) Par.?

śatāvarīguḍūcīkṣuvidāryāmalakadrākṣākharjūrāṇāṃ yantrapīḍitānāṃ rasaprasthaṃ pṛthagekaikaṃ tadvadghṛtatailagomahiṣyajākṣīrāṇāṃ dvau dvau dadyāt jīvakarṣabhakamedāmahāmedātvakkṣīrīśṛṅgāṭakamadhūlikāmadhukoccaṭāpippalīpuṣkarabījanīlotpalakadambapuṣpapuṇḍarīkakeśarakalkān pṛṣatatarakṣumāṃsakukkuṭacaṭakacakoramattākṣabarhijīvañjīvakuliṅgahaṃsāṇḍarasavasāmajjādaṃśca prasthaṃ dattvā sādhayet / (19.2) Par.?

brahmaghoṣaśaṅkhapaṭahabherīninādaiḥ siddhaṃ sitacchatrakṛtacchāyaṃ gajaskandhamāropayedbhagavantaṃ vṛṣadhvajamabhipūjya taṃ snehaṃ tribhāgamākṣikaṃ maṅgalāśīḥstutidevatārcanairbastiṃ gamayet / (19.3) Par.?

nṛṇāṃ strīvihāriṇāṃ naṣṭaretasāṃ kṣatakṣīṇaviṣamajvarārtānāṃ vyāpannayonīnāṃ vandhyānāṃ raktagulminīnāṃ mṛtāpatyānāmanārtavānāṃ ca strīṇāṃ kṣīṇamāṃsarudhirāṇāṃ pathyatamaṃ rasāyanamuttamaṃ valīpalitanāśanaṃ vidyāt / (19.4) Par.?

balāgokṣurakarāsnāśvagandhāśatāvarīsahacarāṇāṃ śataṃ śatamāpothya jaladroṇaśate prasādhyaṃ tasmin jaladroṇāvaśeṣe rase vastrapūte vidāryāmalakasvarasayorbastamahiṣavarāhavṛṣakukkuṭabarhihaṃsakāraṇḍavasārasāṇḍarasānāṃ ghṛtatailayoścaikaikaṃ prasthamaṣṭau prasthān kṣīrasya dattvā candanamadhukamadhūlikātvakkṣīrībisamṛṇālanīlotpalapaṭolātmaguptānnapākitālamastakakharjūramṛdvīkātāmalakīkaṇṭakārījīvakarṣabhakakṣudrasahāmahāsahāśatāvarīmedāpippalīhrīberatvakpannakalkāṃśca dattvā sādhayet / (19.5) Par.?

brahmaghoṣādinā vidhinā siddhaṃ bastiṃ dadyāt / (19.6) Par.?

tena strīśataṃ gacchet na cātrāste vihārāhārayantraṇā kācit / (19.7) Par.?

eṣa vṛṣyo balyo vṛṃhaṇa āyuṣyo balīpalitanut kṣatakṣīṇanaṣṭaśukraviṣamajvarārtānāṃ vyāpannayonīnāṃ ca pathyatamaḥ / (19.8) Par.?

sahacarapalaśatamudakadroṇacatuṣṭaye paktvā droṇaśeṣe rase supūte vidārīkṣurasaprasthābhyāmaṣṭaguṇakṣīraṃ ghṛtatailaprasthaṃ balāmadhukamadhūkacandanamadhūlikāsārivāmedāmahāmedākākolīkṣīrakākolīpayasyāgurumañjiṣṭhāvyāghranakhaśaṭīsahacarasahasravīryāvarāṅgalodhrāṇāmakṣamātrairdviguṇaśarkaraiḥ kalkaiḥ sādhayet / (19.9) Par.?

brahmaghoṣādinā vidhinā siddhaṃ bastiṃ dadyāt / (19.10) Par.?

eṣa sarvarogaharo rasāyano lalitānāṃ śreṣṭho 'ntaḥpuracāriṇīnāṃ kṣatakṣayavātapittavedanāśvāsakāsaharastribhāgamākṣiko valīpalitanudvarṇarūpabalamāṃsaśukravardhanaḥ / (19.11) Par.?

ityete rasāyanāḥ snehabastayaḥ sati vibhave śatapākāḥ sahasrapākā vā kāryā vīryabalādhānārthamiti // (19.12) Par.?

bhavanti cātra / (20.1) Par.?

ityete bastayaḥ snehāścoktā yāpanasaṃjñitāḥ / (20.2) Par.?

svasthānāmāturāṇāṃ ca vṛddhānāṃ cāvirodhinaḥ // (20.3) Par.?

ativyavāyaśīlānāṃ śukramāṃsabalapradāḥ / (21.1) Par.?

sarvarogapraśamanāḥ sarveṣvṛtuṣu yaugikāḥ // (21.2) Par.?

nārīṇāmaprajātānāṃ narāṇāṃ cāpyapatyadāḥ / (22.1) Par.?

ubhayārthakarā dṛṣṭāḥ snehabastinirūhayoḥ // (22.2) Par.?

vyāyāmo maithunaṃ madyaṃ madhūni śiśirāmbu ca / (23.1) Par.?

saṃbhojanaṃ rathakṣobho bastiṣveteṣu garhitam // (23.2) Par.?

tatra ślokāḥ / (24.1) Par.?

śikhigonardahaṃsāṇḍairdakṣavadbastayastrayaḥ / (24.2) Par.?

viṃśatirviṣkiraistriṃśatpratudaiḥ prasahairnava // (24.3) Par.?

viṃśatiśca tathā saptaviṃśatiścāmbucāribhiḥ / (25.1) Par.?

nava matsyādibhiścaiva śikhikalpena bastayaḥ // (25.2) Par.?

daśa karkaṭakādyaiśca kūrmakalkena bastayaḥ / (26.1) Par.?

mṛgaiḥ saptadaśaikonaviṃśatirviṣkirairdaśa // (26.2) Par.?

ānūpairdakṣaśikhivadbhūśayaiśca caturdaśa / (27.1) Par.?

ekonatriṃśadityete saha snehaiḥ samāsataḥ // (27.2) Par.?

proktā vistaraśo bhinnā dve śate ṣoḍaśottare / (28.1) Par.?

ete mākṣikasaṃyuktāḥ kurvantyativṛṣaṃ naram // (28.2) Par.?

nātiyogaṃ na vāyogaṃ stambhitāste ca kurvate / (29.1) Par.?

mṛdutvānna nivartante yasya tvete prayojitāḥ // (29.2) Par.?

samūtrairbastibhistīkṣṇairāsthāpyaḥ kṣiprameva saḥ / (30.1) Par.?

śophāgnināśapāṇḍutvaśūlārśaḥparikartikāḥ // (30.2) Par.?

syurjvaraścātisāraśca yāpanātyarthasevanāt / (31.1) Par.?

ariṣṭakṣīrasīdhvādyā tatreṣṭā dīpanī kriyā // (31.2) Par.?

yuktyā tasmānniṣeveta yāpanānna prasaṅgataḥ / (32.1) Par.?

ityuccairbhāṣyapūrvāṇāṃ vyāpadaḥ sacikitsitāḥ // (32.2) Par.?

vistareṇa pṛthak proktāstebhyo rakṣennaraṃ sadā / (33.1) Par.?

karmaṇāṃ vamanādīnāmasamyakkaraṇāpadām // (33.2) Par.?

yatroktaṃ sādhanaṃ sthāne siddhisthānaṃ taducyate / (34.1) Par.?

ityadhyāyaśataṃ viṃśamātreyamunivāṅgyam // (34.2) Par.?

hitārthaṃ prāṇināṃ proktamagniveśena dhīmatā / (35.1) Par.?

dīrghamāyuryaśaḥ svāsthyaṃ trivargaṃ cāpi puṣkalam // (35.2) Par.?

siddhiṃ cānuttamāṃ loke prāpnoti vidhinā paṭhan / (36.1) Par.?

vistārayati leśoktaṃ saṃkṣipatyativistaram // (36.2) Par.?

saṃskartā kurute tantraṃ purāṇaṃ ca punarnavam / (37.1) Par.?

atastantrottamamidaṃ carakeṇātibuddhinā // (37.2) Par.?

saṃskṛtaṃ tattvasampūrṇaṃ tribhāgenopalakṣyate / (38.1) Par.?

tacchaṅkaraṃ bhūtapatiṃ saṃprasādya samāpayat // (38.2) Par.?

akhaṇḍārthaṃ dṛḍhabalo jātaḥ pañcanade pure / (39.1) Par.?

kṛtvā bahubhyastantrebhyo viśeṣoñchaśiloccayam // (39.2) Par.?

saptadaśauṣadhādhyāyasiddhikalpairapūrayat / (40.1) Par.?

idamanyūnaśabdārthaṃ tantradoṣavivarjitam // (40.2) Par.?

ṣaḍviṃśatā vicitrābhirbhūṣitaṃ tantrayuktibhiḥ / (41.1) Par.?

tatrādhikaraṇaṃ yogo hetvartho 'rthaḥ padasya ca // (41.2) Par.?

pradeśoddeśanirdeśavākyaśeṣāḥ prayojanam / (42.1) Par.?

upadeśāpadeśātideśārthāpattinirṇayāḥ // (42.2) Par.?

prasaṅgaikāntanaikāntāḥ sāpavargo viparyayaḥ / (43.1) Par.?

pūrvapakṣavidhānānumatavyākhyānasaṃśayāḥ // (43.2) Par.?

atītānāgatāvekṣāsvasaṃjñohyasamuccayāḥ / (44.1) Par.?

nidarśanaṃ nirvacanaṃ saṃniyogo vikalpanam // (44.2) Par.?

pratyutsāras tathoddhāraḥ saṃbhavastantrayuktayaḥ / (45.1) Par.?

tantre samāsavyāsokte bhavantyetā hi kṛtsnaśaḥ // (45.2) Par.?

ekadeśena dṛśyante samāsābhihite tathā / (46.1) Par.?

yathāmbujavanasyārkaḥ pradīpo veśmano yathā // (46.2) Par.?

prabodhanaprakāśārthastathā tantrasya yuktayaḥ / (47.1) Par.?

ekasminnapi yasyeha śāstre labdhāspadā matiḥ // (47.2) Par.?

sa śāstramanyadapyāśu yuktijñatvāt prabudhyate / (48.1) Par.?

adhīyāno 'pi śāstrāṇi tantrayuktyā vinā bhiṣak / (48.2) Par.?

nādhigacchati śāstrārthānarthān bhāgyakṣaye yathā // (48.3) Par.?

durgṛhītaṃ kṣiṇotyeva śāstraṃ śastramivābudham / (49.1) Par.?

sugṛhītaṃ tadeva jñaṃ śāstraṃ śastraṃ ca rakṣati // (49.2) Par.?

tasmādetāḥ pravakṣyante vistareṇottare punaḥ / (50.1) Par.?

tattvajñānārthamasyaiva tantrasya guṇadoṣataḥ // (50.2) Par.?

idamakhilamadhītya samyagarthān vimṛśati yo 'vimanāḥ prayoganityaḥ / (51.1) Par.?

sa manujasukhajīvitapradātā bhavati dhṛtismṛtibuddhidharmavṛddhaḥ // (51.2) Par.?

yasya dvādaśasāhasrī hṛdi tiṣṭhati saṃhitā / (52.1) Par.?

so 'rthajñaḥ sa vicārajñaścikitsākuśalaśca saḥ // (52.2) Par.?

rogāṃsteṣāṃ cikitsāṃ ca sa kimarthaṃ na budhyate / (53.1) Par.?

cikitsā vahniveśasya susthāturahitaṃ prati // (53.2) Par.?

yadihāsti tadanyatra yannehāsti na tatkvacit / (54.1) Par.?

agniveśakṛte tantre carakapratisaṃskṛte // (54.2) Par.?

siddhisthāne 'ṣṭame prāpte tasmin dṛḍhabalena tu / (55.1) Par.?

siddhisthānaṃ svasiddhyarthaṃ samāsena samāpitam // (55.2) Par.?

ityagniveśakṛte tantre carakapratisaṃskṛte 'prāpte dṛḍhabalasampūrite siddhisthāne uttarabastisiddhirnāma dvādaśo 'dhyāyaḥ // (56.1) Par.?