Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 13467
  • Click on a sentence to show its analysis
  • Keep the mouse pointer over a lemma to show its meanings.
sa puruṣam eva prapadanāyāvṛṇīta // (1.1) Par.?
tam purastāt pratyañcam prāviśat / (2.1) Par.?
tasmā urur abhavat / (2.2) Par.?
tad urasa urastvam // (2.3) Par.?
tasmā atrasada etā devatā baliṃ haranti // (3.1) Par.?
vācam anuharantīm agnir asmai baliṃ harati // (4.1) Par.?
mano 'nuharac candramā asmai baliṃ harati // (5.1) Par.?
cakṣur anuharad ādityo 'smai baliṃ harati // (6.1) Par.?
śrotram anuharad diśo 'smai baliṃ haranti // (7.1) Par.?
prāṇam anuharantaṃ vāyur asmai baliṃ harati // (8.1) Par.?
tasyaite niṣkhātāḥ panthā balivāhanā ime prāṇāḥ / (9.1) Par.?
evaṃ haitaṃ niṣkhātāḥ panthā balivāhanāḥ sarvato 'piyanti prāṇā ya evaṃ veda // (9.2) Par.?
sā haiṣā brahmāsandīm ārūḍhā / (10.1) Par.?
ā hāsmai brahmāsandīṃ haranty adhi ha brahmāsandīṃ rohati ya evaṃ veda // (10.2) Par.?
tad etad brahmayaśaḥ śriyā parivṛḍham / (11.1) Par.?
brahma ha tu san yaśasā śriyā parivṛḍho bhavati ya evaṃ veda // (11.2) Par.?
tasyaiṣa ādeśo yo 'yaṃ dakṣiṇe 'kṣann antaḥ / (12.1) Par.?
tasya yacchuklaṃ tad ṛcāṃ rūpaṃ yat kṛṣṇaṃ tat sāmnāṃ yad eva tāmram iva babhrur iva tad yajuṣām // (12.2) Par.?
ya evāyaṃ cakṣuṣi puruṣa eṣa indra eṣa prajāpatiḥ samaḥ pṛthivyā sama ākāśena samo divā samaḥ sarveṇa bhūtena / (13.1) Par.?
eṣa paro divo dīpyate / (13.2) Par.?
eṣa evedaṃ sarvam ity upāsitavyam // (13.3) Par.?
Duration=0.14691400527954 secs.