Texts

Help

Select a text:
Bibliography
Select a chapter:
 (no revisions)
Associated topic(s): dīkṣā

Show parallels  Show headlines
Use dependency labeler
Chapter id: 13319
  • Click on a sentence to show its analysis
  • Keep the mouse pointer over a lemma to show its meanings.
agnihotraṃ ca mā paurṇamāsaś ca yajñaḥ purastāt pratyañcam ubhau kāmaprau bhūtvā kṣityā sahāviśatām // (1) Par.?
vasatiś ca māmāvāsyaś ca yajñaḥ paścāt prāñcam ubhāv iti samānam // (2) Par.?
manaś ca mā pitṛyajñaś ca yajño dakṣiṇata udañcam ubhāv iti samānam // (3) Par.?
vāk ca meṣṭiś cottarato dakṣiṇāñcam ubhāv iti samānam // (4) Par.?
retaś ca mānnaṃ ceta ūrdhvam ubhāv iti samānam // (5) Par.?
cakṣuś ca mā paśubandhaś ca yajño 'muto 'rvāñcam ubhau kāmaprau bhūtvākṣityā sahāviśatām iti khalu ha vai dīkṣito ya ātmani vasūni dhatte na caivāsya kācanārtir bhavati na ca yajñaviṣkandham upayāty apahanti punarmṛtyum // (6) Par.?
apātyeti punarājātim // (7) Par.?
kāmacāro 'sya sarveṣu lokeṣu bhāti ya evaṃ veda yaś caivaṃ vidvān dīkṣām upaitīti brāhmaṇam // (8) Par.?
Duration=0.013337850570679 secs.