Texts

Help

Select a text:
Bibliography
Select a chapter:
 (no revisions)
Associated topic(s): Sacrifice, yajña, sacrifice and time, year

Show parallels  Show headlines
Use dependency labeler
Chapter id: 13381
  • Click on a sentence to show its analysis
  • Keep the mouse pointer over a lemma to show its meanings.
predir ha vai kauśāmbeyaḥ kausurubindur uddālaka āruṇau brahmacaryam uvāsa // (1) Par.?
tam ācāryaḥ papraccha kumāra kati te pitā saṃvatsarasyāhāny amanyateti // (2) Par.?
kati tveveti // (3) Par.?
daśeti hovāca // (4) Par.?
daśa vā iti hovāca // (5) Par.?
daśākṣarā virāḍ virājo yajñaḥ // (6) Par.?
kati tveveti // (7) Par.?
naveti hovāca // (8) Par.?
nava vā iti hovāca // (9) Par.?
nava vai prāṇāḥ // (10) Par.?
prāṇair yajñas tāyate // (11) Par.?
kati tveveti // (12) Par.?
aṣṭeti hovāca // (13) Par.?
aṣṭau vā iti hovāca // (14) Par.?
aṣṭākṣarā gāyatrī // (15) Par.?
gāyatrī yajñaḥ // (16) Par.?
kati tveveti // (17) Par.?
sapteti hovāca // (18) Par.?
sapta vā iti hovāca // (19) Par.?
sapta chandāṃsi // (20) Par.?
chandobhir yajñas tāyate // (21) Par.?
kati tveveti // (22) Par.?
ṣaḍ iti hovāca // (23) Par.?
ṣaḍ vā iti hovāca // (24) Par.?
ṣaḍ vā ṛtavaḥ // (25) Par.?
ṛtūnām āptyai // (26) Par.?
kati tveveti // (27) Par.?
pañceti hovāca // (28) Par.?
pañca vā iti hovāca // (29) Par.?
pañcapadā paṅktiḥ // (30) Par.?
pāṅkto yajñaḥ // (31) Par.?
kati tveveti // (32) Par.?
catvārīti hovāca // (33) Par.?
catvāri vā iti hovāca // (34) Par.?
catvāro vai vedāḥ // (35) Par.?
vedair yajñas tāyate // (36) Par.?
kati tveveti // (37) Par.?
trīṇīti hovāca // (38) Par.?
trīṇi vā iti hovāca // (39) Par.?
triṣavaṇo vai yajñaḥ // (40) Par.?
savanair yajñas tāyate // (41) Par.?
kati tveveti // (42) Par.?
dve iti hovāca // (43) Par.?
dve vā iti hovāca // (44) Par.?
dvipād vai puruṣaḥ // (45) Par.?
dvipratiṣṭhaḥ puruṣaḥ // (46) Par.?
puruṣo vai yajñaḥ // (47) Par.?
kati tveveti // (48) Par.?
ekam iti hovāca // (49) Par.?
ekaṃ vā iti hovāca // (50) Par.?
aharahar ity eva sarvaṃ saṃvatsaraṃ // (51) Par.?
Duration=0.1852240562439 secs.